شراب، بادہ ، ساقی، میخانہ، مینا، پر اشعار

[زیرک]

چشمِ ساقی مجھے ہر گام پہ یاد آتی ہے
راستہ بھول نہ جاؤں کہیں مے خانے کا
اقبال صفی پوری​

 

[زیرک]

روح کس مست کی پیاسی گئی مے خانے سے
مے اڑی جاتی ہے ساقی ترے پیمانے سے
داغ دہلوی​

 

[زیرک]

جونؔ کی تشنگی کا تھا خوب ہی ماجرا کہ جو
مینا بہ مینا، مے بہ مے، جام بہ جام ہو گیا
جون ایلیا​

 

[زیرک]

صاف قلقل سے صدا آتی ہےآمیں، آمیں
اپنے ساقی کو جو ہم رِند دعا دیتے ہیں​

 

[زیرک]

یوں بے تحاشہ پینے لگے میکدے میں شیخ
ٹھرّا بھی اب تو بادۂ عرفاں ہے غالباً
شوق بہرائچی​

 

[زیرک]

سلامت میکدہ، تھوڑی بہت ان کو بھی دے ساقی
تکلف میں جو بیٹھے رہ گئے کچھ بادہ خوار اب تک
بسمل عظیم آبادی​

 

[زیرک]

اتنی پلا ساقی کہ ڈوب جائے میخانہ
بہتی پھرے شراب میں کشتی فقیر کی​

 

[ریحان احمد ریحانؔ]

یہ کس نے صراحی کو پٹھکا ہے موسم کی بے کیفی پر
اتنا برسا ٹوٹ کے بادل کہ ڈوب چلا میخانہ بھی

 

[فہد اشرف]

یہ کس نے صراحی کو پٹھکا ہے موسم کی بے کیفی پر
اتنا برسا ٹوٹ کے بادل کہ ڈوب چلا میخانہ بھی

ہاتھ سے کس نے ساغر پٹخا موسم کی بے کیفی پر
اتنا برسا ٹوٹ کے بادل ڈوب چلا مے خانہ بھی

 

[مومن فرحین]

ساقی تیرے میخانے میں جب ہم نہیں ہوں گے
تب ٹوٹے ہوئے جام ہمیں یاد کریں گے

 

[مومن فرحین]

ہم تو سمجھے تھے کہ برسات میں برسے گی شراب
آئی برسات تو برسات نے دل توڑ دیا

 

[ریحان احمد ریحانؔ]

دریں میخانہ ہر مینا ز بیم محتسب لرزد
مگر یک شیشۂ عاشق ازوے لرزہ بر سنگ است

 

[مومن فرحین]

شدت تشنگی میں بھی غیرت مے کشی رہی
اس نے جو پھیر لی نظر میں نے بھی جام رکھ دیا

احمد فراز

 

[مومن فرحین]

یہ بزم مے ہے یاں کوتاہ دستی میں ہے محرومی
جو بڑھ کر خود اٹھا لے ہاتھ میں مینا اسی کا ہے

 

[مومن فرحین]

قدم میخانے میں رکھنا بھی کار پختہ کاراں ہے
جو پیمانہ اٹھاتے ہیں وہ تھرایا نہیں کرتے

 

[سیما علی]

مے بھی ہے مینا بھی ہے ساغر بھی ہے ساقی نہیں
دل میں آتا ہے لگا دیں آگ مے خانے کو ہم

 

[مومن فرحین]

اس مے سے نہیں مطلب دل جس سے ہو بیگانہ
مطلوب ہے اس مے سے دل ہی میں جو کھنچتی ہے

 

[سید عاطف علی]

میکدے بند ہیں ضیاء جب سے
شہر میں ہر دکاں سے ملتی ہے
ضیا عزیزی جے پوری ۔

 

[فرخ منظور]

ساقی نہ پوچھ کس طرح پہنچے ترے حضور
رستے میں اک طویل بیابانِ ہوش تھا
(عدمؔ)

 

[فرخ منظور]

چلے تو پاؤں کے نیچے کچل گئی کوئی شے
نشے کی جھونک میں دیکھا نہیں کہ دنیا ہے
(شہاب جعفری)