شراب، بادہ ، ساقی، میخانہ، مینا، پر اشعار

[عرفان سرور]

اسلام و علیکم۔۔۔!
میں یہاں ایک نیا سلسلہ شروع کرنا چاہتا ہوں

 

[عرفان سرور]

پینا ہنسی نہیں ہے بڑا ظرف چاہیئے
کوثر نہیں یہ حضرت زاہد شراب ہے۔۔۔!

 

[عرفان سرور]

اُچھوتے جام ہیں منت کے کچھ الگ رکھے
کسے پلاؤں کوئی پارسا نہیں ملتا

 

[شمشاد]

​

چشم ساقی کی تھی کبھی مخمور​

خود ہی آخر شراب ہو کے رہی​

(فانی بدایونی)​

​

 

[عرفان سرور]

جام مہ توبہ شکن توبہ میری جام شکن
سامنے ڈھیر ہے ٹوٹے ہوئے پیمانوں کا۔۔۔!

 

[عرفان سرور]

ساقیا یاں لگ رہا ہے چل چلاؤ
جب تلک بس چل سکے ساغر چلے

 

[عرفان سرور]

ساقیا اک نظر جام سے پہلے پہلے۔۔۔
ھم کو جانا ھےکہیں شام سے پہلے پہلے

 

[عرفان سرور]

پلا مے لے کہ نقد ہوش ساقی
تہی دستوں کی ہے اوقات تھوڑی۔۔۔!
امیر مینائی۔۔۔!

 

[شمشاد]

فقیروں کا جمگھٹ گھڑی دو گھڑی
شرابیں تری، بادہ خانے ترے
(عبد الحمید عدم)

 

[شمشاد]

عرفان بھائی ہو سکے تو شاعر کا نام ضرور لکھیں۔

 

[عرفان سرور]

شیشہ مے کی طرح اے ساقی
چھیڑیو مت کے بھرے بیٹھے ہیں۔۔۔!

 

[عرفان سرور]

عرفان بھائی ہو سکے تو شاعر کا نام ضرور لکھیں۔

جی اگر نام آتا ہوگا تو ضرور لکھوں گا ۔۔

 

[شمشاد]

ساقی تجھے اک تھوڑی سی تکلیف تو ہو گی
ساغر کو ذرا تھام، میں کچھ سوچ رہا ہوں
(عبد الحمید عدم)

 

[شمشاد]

آخر آخر تو یہ عالم ہے کہ اب ہوش نہیں
رگِ مینا سلگ اٹھی کہ رگِ جاں جاناں
(احمد فراز

 

[عرفان سرور]

ایسی قسمت کہاں کے جام آتا
بُو ئے مے بھی ادھر نہیں آتی۔۔۔!
مضطر مظفر پوری

 

[عرفان سرور]

پہلے شراب زیست تھی اب زیست ہے شراب
کوئی پلا رہا ہے پیئے جا رہا ہوں میں۔۔۔!
جگر مرادآبادی

 

[عظیم اللہ قریشی]

محتسب کی خیر اونچا ہے اسی کے فیض سے
رند کا ساقی کا مے کا خم کا پیمانے کا نام

 

[فاروق درویش]

سلطانیء جمہور کہ اغیار کا منشور
دورنگیء میخانہ و میخوار پہ لعنت
(خاکسار فاروق درویش)

 

[عرفان سرور]

سلطانیء جمہور کہ اغیار کا منشور
دورنگیء میخانہ و میخوار پہ لعنت
(خاکسار فاروق درویش)

میاں ناصح نے بن پرکھے غلط بتلا دیا مے کو
اگر انگور کھٹے ہیں تو کھٹی ہی پلا ساقی۔۔۔۔!

 

[عرفان سرور]

مے خانے کی بات نہ کر واعظ مجھ سے
آنا جانا تیرا بھی ہے میرا بھی ۔۔۔!