شعر لکھیں اور اس کی مزاحیہ تشریح لکھیں

[محمد خلیل الرحمٰن]

لگتا ہے آپ انتریامی ہیں ... اتنی حسبِ حالِ شاعر تشریح

جی یہ تو شاعری کا اصلِ اصول ہے کہ شاعر جو جی میں آتا ہے کہہ ڈالتا ہے۔ ادھر بچے بیچارے پھنس جاتے ہیں۔ شعر کی تشریح ان کا مقدر بن جاتی ہے۔

 

[سیما علی]

رنجش ہی سہی‘ دل ہی دُکھانے کے لیے آ
آ پھر سے مجھے چھوڑ کے جانے کے لیے آ ..
’یہ شعر نہیں بلکہ گانا ہے اور اس میں “مہندی حسن” نے یہ کہنے کی کوشش کی ہے کہ اے میرے محبوب تم میرا دل دُکھانے کے لیے آ جاؤ۔۔۔کیونکہ اسوقت میرا دل چاہ رہا ہے کہ مجھے کوئی برُا بھلا کہے۔۔
لیکن جلدی جلدی مجھے چھوڑ کے چلے جانا کیونکہ مجھے ایک فنکشن میں جانا ہے اور میں لیٹ ہو رہا ہوں۔۔خواہ مخواہ میرا قیمتی وقت برباد نہ کرنا ۔۔۔۔

 

[سیما علی]

میں شام کے منظر میں ہوں تحلیل شدہ اور
تم دور کسی گاؤں کی مغرب کی اذاں ہو

یہ بے صبر روز دار ہے ہاتھ میں کھجور ہے اور روح افزاکا گلاس سامنے رکھے بیٹھا ہے عصر کھ نماز کے بعد ہی مغرب کی اذان کا انتظار کر رہا ہے اور دل سے دعائیں کر رہاہے کہ جلدی سے اذان ہو اور افطار پہ ٹوٹ پڑے۔

 

[محمد عبدالرؤوف]

اور میں لیٹ ہو رہا ہوں

یہ ”رہی ہوں" بھی تو ہو سکتا ہے ناں

 

[شمشاد]

بعد شعر و شاعری کھانے کا رکھیے انتظام
یہ غلط دستور ہے پہلے طعام اور پھر کلام
دلاور فگار

دلاور فگار ضعف معدہ کے مریض ہیں اور کھانے سے پرہیز ہی رکھتے ہیں۔ وہ کہتے ہیں مشاعرے کے بعد ہی کھانے وانے کا انتظام کیا کرو تاکہ میں اپنی غزل سنا کر کھائے بغیر ہی کھسک سکوں۔ تم نے یہ غلط دستور بنا رکھا کہ پہلے کھاؤ پیؤ اور پھر کلام سُنا جائے۔

 

[شمشاد]

خدشہ ہے کہ اس شوخ کا بڑھ جائے نہ بی پی
شاہدؔ ترے اشعار جو نمکین بہت ہیں
سرفراز شاہد

شاعر غالباً نشے میں محلول کے ساتھ ساتھ نمکین کھا کر غزل کہتا ہے اور آپ کو تو علم ہے کہ فشار خون کے مریض کے لیے نمک خطرناک ہوتا ہے۔ اور اسکی محبوبہ مشار خون کی مریضہ ہے۔
اس لیے وہ کہہ رہا ہے میرے اشعار میں نمک بہت ہے تو جب وہ پڑھے گی تو کہیں اس فشار خون نہ بڑھ جائے۔

 

[شمشاد]

بیت بازی والی لڑی میں بھی آئیں۔

 

[گُلِ یاسمیں]

بیت بازی والی لڑی میں بھی آئیں۔

یہ دعوت نامہ کس کے نام ہے

 

[شمشاد]

آپ ہی آجکل کی فعال ترین رکن ہیں، تو آپ کے لیے ہی ہے۔

 

[گُلِ یاسمیں]

آ گئے بیت بازی کی لڑی میں۔۔۔ زلف والی کی بات کر رہے نا؟

 

[شمشاد]

نہیں۔ میں بیت بازی والی لڑی کی بات کر رہا ہوں۔

یہ رہا ربط

 

[گُلِ یاسمیں]

وہاں بھی پہنچ چکے ہیں ہم

 

[شمشاد]

کب پہنچے تھے؟

 

[گُلِ یاسمیں]

جس وقت آپ یہاں بیت بازی والی لڑی کا ذکر کر رہے تھے، اس وقت ہم وہاں پروین شاکر کو یاد کر رہے تھے پہنچنے کے بعد۔

 

[شمشاد]

لیکن بیت بازی والی لڑی میں آپ کی آمد نظر نہیں آئی۔

 

[گُلِ یاسمیں]

ہم سمجھ رہے کہ پسند کے اشعار کی بات کر رہے ہیں آپ۔

طبع زاد اشعار والی لڑی؟

 

[سید عاطف علی]

کھول آنکھ زمیں دیکھ فلک دیکھ فضا دیکھ
مشرق سے ابھرتے ہوئے سورج کو ذرا دیکھ
تشریح :
اس شعر میں شاعر مشرق مشکل الفاظ میں کہہ رہے ہیں کہ ۔ گڈ مارننگ ۔

 

[سیما علی]

کھول آنکھ زمیں دیکھ فلک دیکھ فضا دیکھ
مشرق سے ابھرتے ہوئے سورج کو ذرا دیکھ
تشریح :
اس شعر میں شاعر مشرق مشکل الفاظ میں کہہ رہے ہیں کہ ۔ گڈ مارننگ ۔

ویری ویری گڈ مارننگ

 

[شمشاد]

بیوی سے زندگی بنتی ہے جنت بھی جہنم بھی
یہ شادی اپنی فطرت میں نہ خوبی ہے نہ خامی ہے

یہ شعر تو بذات خود ہی تشریح ہے۔ اس کی مزید کیا تشریح ہو سکتی ہے۔

 

[امجد علی چیمہ]

وہ جو ہم میں تم میں قرار تھا تمہیں یاد ہو کہ نہ یاد ہو
وہی یعنی وعدہ نباہ کا تمہیں یاد ہو کہ نہ یاد ہو
​

تشریح:
شاعر نے بدقسمتی سے ایک ایسی لڑکی سے پیار کیا جس کی یاداشت بہت کمزور تھی۔ اسے بھولنے کی بیماری تھی۔ وہ رات کو چھت پر ملنے کا وعدہ کر کے بھول گئی۔ شاعر جب پہنچا تو لڑکی کے بھائیوں نے چور سمجھ کر اتنا مارا، اتنا پِیٹا، کہ ہڈی پسلی ایک کر دی۔ بس اسی حادثے پر یہ غزل کہی اور مشہور ہو گئے۔
اب شاعر کا یہ معمول ہے کہ محبوب کو دس دس منٹ کے وقفے سے ہر ضروری بات یاد کراتے رہتے ہیں۔