شعر و شاعر (اشعار اور خالق)

[طارق شاہ]

چُھپا ہے ماہ، وہ خورشید رُو کو دیکھ، سِراجؔ
ظلوعِ صُبح میں، جُوں شمع انجمن سے اُٹھے

سِراجؔ اورنگ آبادی

 

[طارق شاہ]

اگر ہم آشنا ہوتے تِری بیگانہ خُوئی سے
برائے مصلحت ظاہر میں بیگانے ہُوئے ہوتے


سِراجؔ اورنگ آبادی

 

[طارق شاہ]

محبّت کے نشہ، ہیں خاص اِنساں واسطے، ورنہ !
فرشتے یہ شرابیں پی کے مستانے ہُوئے ہوتے

سِراجؔ اورنگ آبادی

 

[طارق شاہ]

بہار اب کی بھی جو گُزری قفس میں !
تو پِھر اپنی رہائی ہوچُکی بس

مِیر تقی مِیؔر

 

[طارق شاہ]

برابر خاک کے تو ، کر دِکھایا !
فلک بس بے ادائی ہوچُکی، بس

مِیر تقی مِیؔر

 

[طارق شاہ]

گُل و گُلزار سے کیا قیدیوں کو
ہَمَیں داغ دِل و کُنجِ قفس بس

مِیر تقی مِیؔر

 

[طارق شاہ]

کون پُہنچے ہے بات کی تہ کو
ایک مُدّت سے بک رہے ہیں ہم

مِیر تقی مِیؔر

 

[طارق شاہ]

آشنا ، شُعلۂ دُوری سے ہُوا، جانِ سِراؔج
کاہ کو، آگ سے یاری ہے، خُدا خیر کرے

سِراجؔ اورنگ آبادی

 

[طارق شاہ]

اوّل سے دِل مِرا جو گرفتار تھا سو ہے
میرے گلے میں عشق کا زُنّار تھا سو ہے

اے شاہِ حُسن! مجھکو تمھاری جناب میں
مُدّت سے بندگی کا جو اِقرار تھا سو ہے

سِراجؔ اورنگ آبادی

 

[طارق شاہ]

آہِ پیہم پہ تھا مدارِ حیات
وہ بھی اب گاہ گاہ ہوتی ہے

جِگر مُراد آبادی

 

[طارق شاہ]

دردِ بے وجہ کو نہ چھیڑ جِگر
یہ خوشی گاہ گاہ ہوتی ہے

جِگر مُراد آبادی

 

[طارق شاہ]

ہوگا تِری محفِل میں کوئی اور بھی جلوہ
مجھ کو تو محبّت ہی محبّت نظر آئی

جِگر مُراد آبادی

 

[طارق شاہ]

ہر حقِیقت حُسن کی ہے بے نیازِ اعتراف
اب کوئی اِقرار یا اِنکار، جو چاہے کرے

جِگر مُراد آبادی

 

[طارق شاہ]

سنّاٹے میں جیسے کوئی
دُور سے آوازیں دیتا تھا

یادوں کی سِیڑھی سے، ناصؔر
رات اِک سایا سا اُترا تھا

ناصؔر کاظمی

 

[طارق شاہ]

پل پل کانٹا سا چُبھتا تھا
یہ مِلنا بھی، کیا مِلنا تھا

کتنی باتیں کی تھیں، لیکن!
ایک بات سے جی ڈرتا تھا

ناصؔر کاظمی

 

[طارق شاہ]

تیرے ساتھ ،تِرے ہمراہی
میرے ساتھ، میرا رستا تھا

رنج تو ہے لیکن، یہ خوشی ہے !
اب کے سفر تِرے ساتھ کِیا تھا

ناصؔر کاظمی

 

[طارق شاہ]

وہی ہُوئی ہے جو ہونی تھی
وہی مِلا ہے، جو لِکھا تھا

دِل کو یونہی سا رنج ہے، ورنہ!
تیرا میرا ساتھ ہی کیا تھا

ناصؔر کاظمی

 

[طارق شاہ]

کہاں اب وہ موسمِ رنگ و بُو، کہ رگوں میں بول اُٹھے لہُو
یونہی ناگوار چُبھن سی ہے کہ جو شامِلِ رَگ و پے نہیں

ناصؔر کاظمی

 

[طارق شاہ]

نویدِ وصل پہ کہتے ہیں سب، کرُوں نہ یقیں
کبھی وہ مجھ کو بھی وعدہ کِیا نہیں لگتا

شفیق خلؔش

 

[طارق شاہ]

تیرے جِگؔر کی تجھ سے اِک اِلتجا یہی ہے
اپنے جِگر کو اپنے دِل سے جُدا نہ کرنا

جِگؔر مُراد آبادی