شعر و شاعر (اشعار اور خالق)

[طارق شاہ]

وفور ِ ضبط سے ، بیتابیٔ دِل بڑھ نہیں سکتی
گلے تک آ کے رہ جاتے ہیں نالےہچکیاں ہو کر

نظم طباطبائی
1933 - 1854
لکھنؤ، انڈیا

 

[طارق شاہ]

گلا گھونٹا ہے ضبط ِغم نے کُچھ ایسا، کہ مُشکل ہے
کہ نکلے مُنہ سے آوازِ شکست ِدِل فُغاں ہو کر

نظم طباطبائی
1933 - 1854
لکھنؤ، انڈیا

 

[طارق شاہ]

فاصلہ ایسا نہیں کُچھ عرش کی زنجِیر سے
کیا کہوُں، بڑھتا نہیں دستِ دُعا اچّھی طرح

نظؔم طباطبائی
1933 - 1854
لکھنؤ، انڈیا

 

[طارق شاہ]

تجھ کو محسُوس کرُوں، مَس نہ مگر کر پاؤں
کیا خبر تھی ، کہ تُو اِک پَیکرِ خوشبُو ہو گا

احمد ندیؔم قاسمی

 

[طارق شاہ]

اِس توقّع پہ ، مَیں اب حشر کے دن گِنتا ہوُں !
حشر میں ، اور کوئی ہو کہ نہ ہو، تُو ہو گا

احمد ندیؔم قاسمی

 

[طارق شاہ]

یُوں دیکھنا اُس کو کہ کوئی اور نہ دیکھے !
انعام تو اچّھا تھا ، مگر شرط کڑی تھی

پروین شاکر

 

[طارق شاہ]

اُداسی بھی عدؔم! احساسِ غم کی ایک دَولت ہے
بسا اوقات، وِیرانے حَسِیں معلُوم ہوتے ہیں

عبد الحمید عدمؔ

 

[طارق شاہ]

وہ میکش تیری آنکھوں کی حکایت سُن کے آیا ہے
جسے ہر وقت، پیمانے حَسِیں معلُوم ہوتے ہیں

عبد الحمید عدمؔ

 

[طارق شاہ]

عاشقی، کیا کامیابِ آرزُو ہونے لگی
اُن کو حالِ عاشقاں کی جُستجُو ہونے لگی

حسرؔت موہانی

 

[طارق شاہ]

شوق کی رعنائیوں سے حُسن کی رنگِینیاں
جب ہُوئیں بیباک، بحث و رنگ و بُو ہونے لگی

حسرؔت موہانی

 

[طارق شاہ]

اب کے مِل کر دیکھیے کیا رنگ ہو
پِھر ہماری جُستجُو ہونے لگی

داغؔ دہلوی

 

[طارق شاہ]

میری رُسوائی کی نَوبت آ گئی !
اُن کی شہرت کُو بَکُو ہونے لگی

داغؔ دہلوی

 

[طارق شاہ]

کہاں جائے گی عِشق بازی کی عادت !
کہِیں اور، دِل کو لگانا پڑے گا

حسرؔت موہانی

 

[طارق شاہ]

معشُوق جائے حُور مِلے، مے بجائے آب
محشر میں ،دو سوال کریں گے خُدا سے ہم

داغؔ دہلوی

 

[طارق شاہ]

مجبوُر اپنی شیوۂ شرم و حیا سے تم
ناچار اِضطرابِ دلِ مُبتلا سے ہم

داغؔ دہلوی

 

[طارق شاہ]

تو کہاں جائے گی، کُچھ اپنا ٹِھکانہ کرلے !
ہم تو کل خوابِ عَدم میں شَبِ ہِجراں ہوں گے

مومن خاں مومؔن

 

[طارق شاہ]

تُو جہاں جائے گی غارت گَرِ ہستی بن کر !
ہم بھی اب ساتھ تِرے گردشِ دَوراں ہوں گے

حفیظ ہوشیار پُوری

 

[طارق شاہ]

موت پِھر زِیست نہ ہوجائے یہ ڈر ہےغالؔب
وہ مِری نعش پہ، انُگشت بہ دَنداں ہوں گے

اسداللہ خاں غالؔب

 

[طارق شاہ]

عُمر ساری تو کٹی عِشقِ بُتاں میں مومؔن !
آخری وقت میں، کیا خاک مُسلماں ہوں گے

مومن خاں مومؔن

 

[طارق شاہ]

کِس قدر سخت ہے، یہ ترک و طَلَب کی منزِل
اب کبھی، اُن سے مِلے بھی تو پشیماں ہوں گے

حفیظؔ ہوشیار پُوری