شعر و شاعر (اشعار اور خالق)

[طارق شاہ]

حیات نامی یہ زِنداں بھی اِنہِدام کو ہے
نہ دِن وہ دُور خلشؔ قید سے رہا ہوگا

شفیق خلؔش

 

[عبد الرحمٰن]

شبِ وصال ہے، گُل کردو اِن چراغوں کو !
خوشی کی بزم میں ، کیا کام جلنے والوں کا

مومن خاں مومؔن

یہ شعر داغ دہلوی کا ہے مومن خاں مومن کا نہیں بھائی جان

 

[طارق شاہ]

میں وہ مجنوُں ہُوں ،کہ مجنوُں بھی ہمیشہ خط میں
قِبلہ و کعبہ لِکھا کرتا ہے القاب مجھے

شیخ محمد ابراہیم ذوقؔ

 

[طارق شاہ]

کیا اچھّے ہو گئے کہ بھَلوں سے بُرے ہُوئے
یاروں کو فکرِ چارہ و درماں نہیں رہا

مومن خاں مومؔن

 

[طارق شاہ]

یادِ جاناں بھی عجب رُوح فزا آتی ہے
سانس لیتا ہُوں تو جنّت کی ہوا آتی ہے

نہیں معلُوم، وہ خُود ہیں کہ محبّت اُن کی
پاس ہی سے کوئی بیتاب صدا آتی ہے

جگؔر صاحب

 

[عبد الرحمٰن]

بہت ضخیم کتابوں سے چن کے لایا ہوں
انہیں پڑھو ورق انتخاب ہیں مرے دوست
لیاقت علی عاصم

 

[عبد الرحمٰن]

دوستوں سے اس قدر صدمے اٹھائے جان پر
دل سے دشمن کی عداوت کا گلہ جاتا رہا
حیدر علی آتش

 

[طارق شاہ]

مرنے کی جب خبر سُنی بولے بہ آہِ سرد
دل بستگی کے واسطے جوہؔر بُرا نہ تھا

جوہؔر عظیم آبادی

 

[طارق شاہ]

خُونِ دل سے لکھا تھا جو مَیں نے
مثبت اُس کا کہاں جواب آیا

خواہشِ دِل لئے تھا نامہ مِرا
التفات اُس سے کیا، عذاب آیا

شفیق خلؔش

 

[عبد الرحمٰن]

تم کو ہزار شرم سہی مجھ کو لاکھ ضبط
الفت وہ راز ہے کہ چھپایا نہ جائے گا
الطاف حسین حالی

 

[ام اویس]

اگر بخشے زہے قسمت ، نہ بخشے تو شکایت کیا
سر تسلیم خم ہے جو مزاجِ یار میں آئے

نواب علی اصغر

 

[کاشفی]

دائم آباد رہے گی دنیا
ہم نہ ہوں گے کوئی ہم سا ہوگا
(ناصر کاظمی)

 

[کاشفی]

عذر آنے میں بھی ہے اور بلاتے بھی نہیں
باعث ترک ملاقات بتاتے بھی نہیں
(داغؔ دہلوی)

 

[کاشفی]

اپنا زمانہ آپ بناتے ہیں اہل دل
ہم وہ نہیں کہ جن کو زمانہ بنا گیا
(جگرؔ مرادآبادی)

 

[رانا عاطف لطیف]

اُداسیوں کا یہ موسم بدل بھی سکتا تھا
وہ چاہتا ، تو مِرے ساتھ چل بھی سکتا تھا

وہ شخص! تُو نے جسے چھوڑنے میں جلدی کی
تِرے مزاج کے سانچے میں ڈھل بھی سکتا تھا

وہ جلدباز! خفا ہو کے چل دِیا، ورنہ
تنازعات کا کچھ حل نکل بھی سکتا تھا

اَنا نے ہاتھ اُٹھانے نہیں دِیا ، ورنہ
مِری دُعا سے، وہ پتّھر پگھل بھی سکتا تھا

تمام عُمرتِر ا منتظر رہا مُحسن
یہ اور بات کہ ، رستہ بدل بھی سکتا تھا

مُحسؔن نقوی

اُداسیوں کا یہ موسم بدل بھی سکتا تھا
وہ چاہتا ، تو مِرے ساتھ چل بھی سکتا تھا

وہ شخص! تُو نے جسے چھوڑنے میں جلدی کی
تِرے مزاج کے سانچے میں ڈھل بھی سکتا تھا

وہ جلدباز! خفا ہو کے چل دِیا، ورنہ
تنازعات کا کچھ حل نکل بھی سکتا تھا

اَنا نے ہاتھ اُٹھانے نہیں دِیا ، ورنہ
مِری دُعا سے، وہ پتّھر پگھل بھی سکتا تھا

تمام عُمرتِر ا منتظر رہا مُحسن
یہ اور بات کہ ، رستہ بدل بھی سکتا تھا

مُحسؔن نقوی۔۔۔ میرا فیس بک پر ایک پیج ہے منتخب اشعار وہاں ندیم رومی صاحب نے توجہ دلائی تھی کہ یہ غزل محسن نقوی کی نہیں بلکہ ان کی کاوش ہے۔ ساتھ رومی صاحب کا کمنٹس پوسٹ کر رہا ہوں.
جناب عالی!
یہ مجھ ناچیز کی کاوش ہے، نقوی صاحب کا کلام نہیں ہے، مہربانی کریں
دسمبر 2004 کے آداب عرض میں شائع ہو چکی ہے،
کل پاکستان آداب عرض ملن مشاعرہ میں جناب رسا چغتائی صاحب کے زیرِ صدارت کراچی میں دسمبر 2004 میں پڑھی ہوئی ہے۔

 

[رانا عاطف لطیف]

اُداسیوں کا یہ موسم بدل بھی سکتا تھا
وہ چاہتا ، تو مِرے ساتھ چل بھی سکتا تھا

وہ شخص! تُو نے جسے چھوڑنے میں جلدی کی
تِرے مزاج کے سانچے میں ڈھل بھی سکتا تھا

وہ جلدباز! خفا ہو کے چل دِیا، ورنہ
تنازعات کا کچھ حل نکل بھی سکتا تھا

اَنا نے ہاتھ اُٹھانے نہیں دِیا ، ورنہ
مِری دُعا سے، وہ پتّھر پگھل بھی سکتا تھا

تمام عُمرتِر ا منتظر رہا مُحسن
یہ اور بات کہ ، رستہ بدل بھی سکتا تھا

مُحسؔن نقوی

میرا فیس بک پر ایک پیج ہے منتخب اشعار وہاں ندیم رومی صاحب نے توجہ دلائی تھی کہ یہ غزل محسن نقوی کی نہیں بلکہ ان کی کاوش ہے. ساتھ رومی صاحب کا کمنٹس پوسٹ کر رہا ہوں.
جناب عالی!
یہ مجھ ناچیز کی کاوش ہے، نقوی صاحب کا کلام نہیں ہے، مہربانی کریں
دسمبر 2004 کے آداب عرض میں شائع ہو چکی ہے،
کل پاکستان آداب عرض ملن مشاعرہ میں جناب رسا چغتائی صاحب کے زیرِ صدارت کراچی میں دسمبر 2004 میں پڑھی ہوئی ہ

 

[فہد اشرف]

طارق شاہ صاحب آپ کہاں ہیں؟

 

[محمد خلیل الرحمٰن]

طارق شاہ صاحب آپ کہاں ہیں؟

گو پانچ دسمبر کے بعد شاہ جی نے کوئی مراسلہ نہیں لکھا لیکن جمعہ 22 دسمبر تک محفل پر موجود ضرور تھے۔

اللہ آپ کو جزائے خیر عطا فرمائے، شاہ جی ضرور جلد محفل پر جلوہ گر ہوں گے۔ ان شاء اللہ

 

[طارق شاہ]

مقصُودِ دِل بیاں اُنھیں آنکھوں سے ہو خلشؔ
اچھّے ذرا لگوگے نہ کہتے زباں سے تم

شفیق خلشؔ

 

[طارق شاہ]

غم کی شِدَّت سے ہماری ساری دانائی گئی
آنکھ سے کیا وہ ہٹے، جیسے کہ بینائی گئی

شفیق خلشؔ