بارہویں سالگرہ شعر کا جواب شعر سے دیں ۔ برائے محفل کے شعراء

[عائشہ صدیقہ]

نئے دور کے نئے خواب ہیں نئے موسموں کے گلاب ہیں
یہ محبتوں کے چراغ ہیں انہیں نفرتوں کی ہوا نہ دے

میرے دل کی راکھ کرید مت اسے مسکرا کے ہوا نہ دے
یہ چراغ پھر بھی چراغ ہے کہیں تیرا ہاتھ جلا نہ دے
بشیر بدر

 

[عباد اللہ]

آہوں سے سوز عشق مٹایا نہ جائے گا
پھونکوں سے یہ چراغ بجھایا نہ جائے گا
امیر مینائی​

وہ عشق بھی کیا عشق ہے حاصل نہیں جس کا
اس حسن پہ افسوس کہ سائل نہیں جس کا
منزل ہی وہ کیا راستہ مشکل نہیں جس کا
وہ بحرِ عنایت ہے ساحل نہیں جس کا
لیکن کوئی آسان یہ تحصیل نہیں ہے
خواہش کی جہاں میں کوئی تکمیل نہیں ہے

 

[عائشہ صدیقہ]

خواہش کی جہاں میں کوئی تکمیل نہیں

پیار کی خواہشوں سے ڈرتے ہیں
گل بدن تتلیوں سے ڈرتے ہیں

 

[عباد اللہ]

پیار کی خواہشوں سے ڈرتے ہیں
گل بدن تتلیوں سے ڈرتے ہیں

کب نہیں خوف عناں گیرِ خرام؟
لہکِ غنچہ ہے تصویرِ خرام
نامراد عشق ہے زنجیرِ خرام
وہ بھی ہیں بسملِ شمشیرِ خرام
اور دلجوئی کی صورت ہووے
تا نہ ہو زحمتِ تدبیرِ خرام

 

[یاز]

میرے دل کی راکھ کرید مت اسے مسکرا کے ہوا نہ دے
یہ چراغ پھر بھی چراغ ہے کہیں تیرا ہاتھ جلا نہ دے
بشیر بدر

کیوں دیئے اتنے جلا رکھے ہیں
اپنے گھر میں نہ جھروکہ نہ منڈیر
طاق سپنوں کے سجا رکھے ہیں
آیا غصے کا اک ایسا جھونکا
بجھ گئے سارے دیئے
ہاں مگر اک دیا نام ہے جس کا امید
جھلملاتا ہی چلا جاتا ہے
(کیفی اعظمی)

 

[عائشہ صدیقہ]

کب نہیں خوف عناں گیرِ خرام؟
لہکِ غنچہ ہے تصویرِ خرام
نامراد عشق ہے زنجیرِ خرام
وہ بھی ہیں بسملِ شمشیرِ خرام
اور دلجوئی کی صورت ہوے
تا نہ ہو زحمتِ تدبیرِ خرام

نہیں ہے تاب تو عاشقی کی راہ نہ چل
یہ کارزار جنوں ہے جگر نکال کے رکھ

 

[عائشہ صدیقہ]

امید کی کرن کے سوا کچھ نہیں ہے یہاں
اس گھر میں روشنی کا یہی انتظام ہے

 

[عباد اللہ]

نہیں ہے تاب تو عاشقی کی راہ نہ چل
یہ کارزار جنوں ہے جگر نکال کے رکھ

یہ شعر آپ نے کہا عائشہ؟؟
اگر خود کہا ہے تو خطا معاف ہم نے پہلا مصرع پڑھا ہے
نہیں ہے تاب تو کر عشق و عاشقی سے گریز
جواب موزوں کرنے کی کوشش کرتے ہیں

 

[یاز]

نہیں ہے تاب تو عاشقی کی راہ نہ چل
یہ کارزار جنوں ہے جگر نکال کے رکھ

تیرے آستاں کو بھی رنگ دوں، تیری داستاں کو بھی رنگ دوں
میرے پاس خونِ جگر تو ہے، مگر اتنا خونِ جگر نہیں!
کلیم عاجز

 

[عباد اللہ]

یہ چراغ پھر بھی چراغ ہے کہیں تیرا ہاتھ جلا نہ دے

کیوں دیئے اتنے جلا رکھے ہیں

امید کی کرن کے سوا کچھ نہیں ہے یہاں
اس گھر میں روشنی کا یہی انتظام ہے

واسطے جہل کے ہے موت کا مبدا یہ چراغ
نورِ اول کی ضیا ہے رخِ زیبا یہ چراغ
خلق انگشت بدنداں ہے کہ ہے کیا یہ چراغ
راست ہے حسنِ ازل ہی کا سراپا یہ چراغ
کس سے تشبیہ کریں کیا ہے مباہات کا حق
ذاتِ والا کا ہے اور ، اور ہے صفات کا حق

 

[عائشہ صدیقہ]

تیرے آستاں کو بھی رنگ دوں، تیری داستاں کو بھی رنگ دوں
میرے پاس خونِ جگر تو ہے، مگر اتنا خونِ جگر نہیں!
کلیم عاجز

حسن کی تان پہ گونجے تھے ہزاروں نغمے
عشق کے ساز پہ دو چار بھی گائے نہ گئے

 

[یاز]

حسن کی تان پہ گونجے تھے ہزاروں نغمے
عشق کے ساز پہ دو چار بھی گائے نہ گئے

محبت کے لیے کچھ خاص دل مخصوص ہوتے ہیں
یہ وہ نغمہ ہے جو ہر ساز پر گایا نہیں جاتا

 

[عائشہ صدیقہ]

محبت کے لیے کچھ خاص دل مخصوص ہوتے ہیں
یہ وہ نغمہ ہے جو ہر ساز پر گایا نہیں جاتا

مخصوص دلوں کو عشق کے الہام ہوتے ہیں
محبت تو معجزہ ہے اور معجزے کب عام ہوتے ہیں

 

[یاز]

مخصوص دلوں کو عشق کے الہام ہوتے ہیں
محبت تو معجزہ ہے اور معجزے کب عام ہوتے ہیں

میں نے کب دعویٰ الہام کیا ہے تاباںؔ
لکھ دیا کرتا ہوں جو دل پہ گزرتی جائے

 

[عائشہ صدیقہ]

میں نے کب دعویٰ الہام کیا ہے تاباںؔ
لکھ دیا کرتا ہوں جو دل پہ گزرتی جائے

منفرد بات ہو گئی ہو گی
منفرد بات کی نہیں جاتی
کوئی الہام ان کو ہو جائے
دل کی حالت کہی نہیں جاتی
نجم الحسن نجمی

 

[یاز]

منفرد بات ہو گئی ہو گی
منفرد بات کی نہیں جاتی
کوئی الہام ان کو ہو جائے
دل کی حالت کہی نہیں جاتی
نجم الحسن نجمی

پھر ہجر کی لمبی رات میاں، سنجوگ کی تو یہی ایک گھڑی
جو دل میں ہے لب پر آنے دو، شرمانا کیا، گھبرانا کیا

 

[علی صہیب]

منفرد بات ہو گئی ہو گی
منفرد بات کی نہیں جاتی
کوئی الہام ان کو ہو جائے
دل کی حالت کہی نہیں جاتی
نجم الحسن نجمی

ملتفت تم ذرا نہیں ہوتے
ہم بھی لیکن خفا نہیں ہوتے
حالِ دل ہم سنا نہیں پاتے
تم بھی مائل ذرا نہیں ہوتے
کوئی الہام ہو تو کیونکر ہو
معجزے رونما نہیں ہوتے​

 

[عباد اللہ]

ملتفت تم ذرا نہیں ہوتے
ہم بھی لیکن خفا نہیں ہوتے
حالِ دل ہم سنا نہیں پاتے
تم بھی مائل ذرا نہیں ہوتے
کوئی الہام ہو تو کیونکر ہو
معجزے رونما نہیں ہوتے​

طبع زاد اشعار ہیں حافظ صاحب؟
ہم کو تو مومن یاد آ گئے
تم ہمارے کسی طرح نہ ہوئے
ورنہ دنیا میں کیا نہیں ہوتا

 

[علی صہیب]

طبع زاد اشعار ہیں حافظ صاحب؟
ہم کو تو مومن یاد آ گئے
تم ہمارے کسی طرح نہ ہوئے
ورنہ دنیا میں کیا نہیں ہوتا

جی جناب! آپ نے کہا اور ہم آن وارد ہوئے!

 

[عباد اللہ]

جی جناب! آپ نے کہا اور ہم آن وارد ہوئے!

تو اپنے اس ورودِ "نامسعود" کو شعر میں بیان کرنا تھا نا