بارہویں سالگرہ شعر کا جواب شعر سے دیں ۔ برائے محفل کے شعراء

[علی صہیب]

تو اپنے اس ورودِ "نامسعود" کو شعر میں بیان کرنا تھا نا

یوں وفا آزما رہے ہیں ہم
تیرے کہنے پہ آ رہے ہیں ہم

 

[عباد اللہ]

ملتفت تم ذرا نہیں ہوتے
ہم بھی لیکن خفا نہیں ہوتے

نگہ کو عزمِ سفر عرش سے ذرا آگے
کہ خاکِ رہ پہ تلطف مرا وتیرہ (وطیرہ) نیست
(پرانا شعر)

 

[محمد تابش صدیقی]

یوں وفا آزما رہے ہیں ہم
تیرے کہنے پہ آ رہے ہیں ہم

نگہ کو عزمِ سفر عرش سے ذرا آگے
کہ خاکِ رہ پہ تلطف مرا وتیرہ (وطیرہ) نیست
(پرانا شعر)

آپ دونوں کی نذرایک مشہور شعر۔

قیس جنگل میں اکیلا ہے مجھے جانے دو
خوب گزرے گی جو مل بیٹھیں گے دیوانے دو

 

[عائشہ صدیقہ]

پھر ہجر کی لمبی رات میاں، سنجوگ کی تو یہی ایک گھڑی
جو دل میں ہے لب پر آنے دو، شرمانا کیا، گھبرانا کیا

ان کہی کی الگ اذیت ہے
کہی کا عذاب مت پوچھو

 

[عباد اللہ]

آپ دونوں کی نذرایک مشہور شعر۔

قیس جنگل میں اکیلا ہے مجھے جانے دو
خوب گزرے گی جو مل بیٹھیں گے دیوانے دو

ہم کو کیا عار ہو بھلا اس میں
خیر سے آؤ مرحبا صاحب

 

[علی صہیب]

نگہ کو عزمِ سفر عرش سے ذرا آگے
کہ خاکِ رہ پہ تلطف مرا وتیرہ (وطیرہ) نیست
(پرانا شعر)

جانی اتنی سہل پسندی سے بھی کام مت لو کہ اگلا بغلیں جھانکے!
اب اپنا ایک پرانا شعر تابش صاحب کا شکریہ ادا کرتے ہوئے تمہارے نام!
؎ مرے ساتھی! چلو اڑ کر افق کے پار چلتے ہیں
جہاں پر غم نہ ہو کوئی، وہاں اے یار چلتے ہیں

 

[یاز]

ان کہی کی الگ اذیت ہے
کہی کا عذاب مت پوچھو

سنا ہے میں نے اذیت مزہ بھی دیتی ہے
سنا ہے دل کی خلش میں سکوں بھی ہوتا ہے

 

[عباد اللہ]

ان کہی کی الگ اذیت ہے
کہی کا عذاب مت پوچھو

زندگی کرۂ جہنم ہے
ہر نفس التہاب! مت پوچھو

 

[عائشہ صدیقہ]

سنا ہے میں نے اذیت مزہ بھی دیتی ہے
سنا ہے دل کی خلش میں سکوں بھی ہوتا ہے

وہ زخم دے کے مجھے حوصلہ بھی دیتا ہے
اب اس سے بڑھ کے طبیعت شناس کیا دے گا

 

[عباد اللہ]

سنا ہے میں نے اذیت مزہ بھی دیتی ہے
سنا ہے دل کی خلش میں سکوں بھی ہوتا ہے

ہزار دکھ مجھے دینا مگر خیال رہے
مرے خدایا مرا حوصلہ بحال رہے
فرحت عباس شاہؔ

 

[علی صہیب]

زندگی کا مزہ اذیت ہے

سنا ہے میں نے اذیت مزہ بھی دیتی ہے
سنا ہے دل کی خلش میں سکوں بھی ہوتا ہے

سچ کہوں؟ درد میں بھی لذت ہے
منفرد سا مزہ اذیت ہے
نعمتوں پر نہیں سبھی موقوف
رنج بھی زیست کی عنایت ہے

 

[عائشہ صدیقہ]

زندگی کرۂ جہنم ہے
ہر نفس التہاب! مت پوچھو

زندگی کیا کسی مفلس کی قبا ہو جس میں
ہر گھڑی درد کے پیوند لگے جاتے ہیں

 

[عباد اللہ]

مرے ساتھی! چلو اڑ کر افق کے پار چلتے ہیں
جہاں پر غم نہ ہو کوئی، وہاں اے یار چلتے ہیں

سنتے آئے ہیں کہ معمورۂ غم ہے دنیا
ہائے وہ شخص جسے اس کی طلب خوار کرے

 

[عباد اللہ]

زندگی کا مزہ اذیت ہے

سچ کہوں؟ درد میں بھی لذت ہے
منفرد سا مزہ اذیت ہے
نعمتوں پر نہیں سبھی موقوف
رنج بھی زیست کی عنایت ہے

قولِ ناسخ کی کیا ضرورت ہے !

 

[علی صہیب]

سنتے آئے ہیں کہ معمورۂ غم ہے دنیا
ہائے وہ شخص جسے اس کی طلب خوار کرے

دنیا میں ہوں، دنیا کا طلب گار نہیں ہوں
بازار سے گزرا ہوں، خریدار نہیں ہوں
اکبر الٰہ آبادی

 

[عباد اللہ]

دنیا میں ہوں، دنیا کا طلب گار نہیں ہوں
بازار سے گزرا ہوں، خریدار نہیں ہوں
اکبر الٰہ آبادی

کیسا بازار یہ نیرنگِ نظر ہے پیارے
یہ الگ بات کہ کچھ اس کے خریدار بھی ہیں

 

[علی صہیب]

قولِ ناسخ کی کیا ضرورت ہے !

قولِ ناسخ ذرا عنایت ہو

 

[عائشہ صدیقہ]

ہزار دکھ مجھے دینا مگر خیال رہے
مرے خدایا مرا حوصلہ بحال رہے
فرحت عباس شاہؔ

اس درد کی دنیا سے گزر کیوں نہیں جاتے
یی لوگ بھی کیا لوگ ہیں مر کیوں نہیں جاتے

 

[عائشہ صدیقہ]

زندگی کا مزہ اذیت ہے

سچ کہوں؟ درد میں بھی لذت ہے
منفرد سا مزہ اذیت ہے
نعمتوں پر نہیں سبھی موقوف
رنج بھی زیست کی عنایت ہے

نہ آنکھ میں آنسو نہ لب پہ ہنسی ہے
تیری زندگی بھی کوئی زندگی ہے

 

[علی صہیب]

اس درد کی دنیا سے گزر کیوں نہیں جاتے
یی لوگ بھی کیا لوگ ہیں مر کیوں نہیں جاتے

اب تو گھبرا کے یہ کہتے ہیں کہ مر جائیں گے
مر کے بھی چین نہ پایا تو کدھر جائیں گے
ذوق