بارہویں سالگرہ شعر کا جواب شعر سے دیں ۔ برائے محفل کے شعراء

[عباد اللہ]

قولِ ناسخ ذرا عنایت ہو

گوارا کیجئو گوگل کی زحمت!

 

[عائشہ صدیقہ]

اب تو گھبرا کے یہ کہتے ہیں کہ مر جائیں گے
مر کے بھی چین نہ پایا تو کدھر جائیں گے
ذوق

نہ ہوا نصیب قرار جاں ہوس قرار بھی اب نہیں
تیرا انتظار بہت کیا تیرا انتظا بھی اب نہیں

 

[علی صہیب]

نہ ہوا نصیب قرار جاں ہوس قرار بھی اب نہیں
تیرا انتظار بہت کیا تیرا انتظا بھی اب نہیں

بلاوجہ ترے وعدوں پہ اعتبار کیا
اکا دکا نہیں واللہ بار بار کیا
شبِ فراق عجب کشمکش میں گزری ہے
اک آس دل میں لیے تیرا انتظار کیا

 

[عباد اللہ]

نہ ہوا نصیب قرار جاں ہوس قرار بھی اب نہیں
تیرا انتظار بہت کیا تیرا انتظا بھی اب نہیں

مرے زخم کی ہے طلب نمو کوئی چارہ گر نہ کرے رفو
کریں ماتمِ دلِ زار کیوں کوئی سوگوار بھی اب نہیں

 

[عائشہ صدیقہ]

بلاوجہ ترے وعدوں پہ اعتبار کیا
اکا دکا نہیں واللہ بار بار کیا
شبِ فراق عجب کشمکش میں گزری ہے
اک آس دل میں لیے تیرا انتظار کیا

انتظار اتنا بھی نہ زیادہ کرنا اس کا
کیا خبر برف پگھلنے میں زمانے لگ جائیں

 

[عائشہ صدیقہ]

مرے زخم کی ہے طلب نمو کوئی چارہ گر نہ کرے رفو
کوئی ماتمِ دلِ زار کیا مرے سوگوار بھی اب نہیں

چارا سازوں کی چارا سازی سے درد بدنام تو نہیں ہو گا
ہاں دوا دو مگر یہ بتلا دو مجھے آرام تو نہیں ہوگا
( جون ایلیا)

 

[عباد اللہ]

چارا سازوں کی چارا سازی سے درد بدنام تو نہیں ہو گا
ہاں دوا دو مگر یہ بتلا دو مجھے آرام تو نہیں ہوگا
( جون ایلیا)

ٹھیک نسبت رہی ہے تم سے مگر
ہم سے اکرام تو نہیں ہو
ہم ذرا بدلحاظ ہیں جاناں
کوئی کہرام تو نہیں ہوگا
تجھ سے شیریں مقال کے لب پر
تیرِ الزام تو نہیں ہوگا؟

 

[عائشہ صدیقہ]

ٹھیک نسبت رہی ہے تم سے مگر
ہم سے اکرام تو نہیں ہو
ہم ذرا بدلحاظ ہیں جاناں
کوئی کہرام تو نہیں ہوگا

نفرتوں نے تو مجھے اعتماد بخشا ہے
محبتوں نے تو کاٹا ہے راستہ میرا

 

[فاتح]

کیا اس لڑی میں صرف اپنے "ذاتی" اشعار نہیں لکھنے تھے؟

 

[عباد اللہ]

کیا اس لڑی میں صرف اپنے "ذاتی" اشعار نہیں لکھنے تھے؟

لکھنے تھے مگر
پھر اس کے بعد چراغوں میں روشنی نہ رہی

 

[محمد تابش صدیقی]

کیا اس لڑی میں صرف اپنے "ذاتی" اشعار نہیں لکھنے تھے؟

ابتدائی سوچ یہی تھی۔ مگر استادِ محترم نے چھوٹ دے دی۔

 

[عبد الرحمٰن]

نفرتوں نے تو مجھے اعتماد بخشا ہے
محبتوں نے تو کاٹا ہے راستہ میرا

اتنے فریب کھائے ہیں حُسنِ تمام سے​

نفرت سی ہو گئی ہے محبت کے نام سے​

 

[عبد الرحمٰن]

چراغوں میں روشنی نہ رہی

کے الیکٹرک والوں سے رابطہ کریں روشنی کے لیے

 

[عباد اللہ]

اتنے فریب کھائے ہیں حُسنِ تمام سے
نفرت سی ہو گئی ہے محبت کے نام سے​

ہاں ٹھیک کچھ نباہ کی صورت نہ بن سکی
الفت مگر ہے آج بھی تجھ حسنِ تام سے

 

[الف عین]

ہاں ٹھیک کچھ نباہ کی صورت نہ بن سکی
الفت مگر ہے آج بھی تجھ حسنِ تام سے

میں ہی کچھ خوش نہیں وفا کر کے
تم نے اچھا کیا نباہ نہ کی

 

[عباد اللہ]

میں ہی کچھ خوش نہیں وفا کر کے
تم نے اچھا کیا نباہ نہ کی

واہ واہ استاد مومن کا یہ شعر ہمارے پسندیدہ اشعار میں سے ایک سے
ہم بھی کچھ خوش نہ تھے وفا کر کے
واہ
ایک عالم کو کر دیا کامل
حیف خود پر کبھی نگاہ نہ کی

 

[نایاب]

اے کاش کہ " میں بھی ہوتا کوئی شاعر "
بہت دعائیں

 

[فیصل عظیم فیصل]

فی البدیہہ شعر کے معاملے میں فیصل عظیم فیصل بھائی کافی متحرک ہوتے تھے۔
اور اشعار کا ذخیرہ اور موقع کی مناسبت سے چسپاں کرنے کا ملکہ یاز بھائی کو خوب حاصل ہے۔

گر کہ آمد اب مری محفل میں ویسی تو نہیں
پھر بھی لیجئے چند مصرعے کاتب تحریر سے

گرچہ ہے کس کس برائی سے، ولے باایں ہمہ
ذکر میرا مجھ سے بہتر ہے کہ اس محفل میں ہے

ذکر ہو محفل میں تیرا یاز خوبی سے سدا
ذکر سے بدرجہا بہتر تمہارا ساتھ ہے... (-:

لکھنے تھے مگر
پھر اس کے بعد چراغوں میں روشنی نہ رہی

رنگ محفل ہے روشنی جیسا
روشنی سے خفا نہیں ہوتے
اب چراغوں کو ڈھونڈنے والے
تم سے عاشق ہوا نہیں ہوتے

اے کاش کہ " میں بھی ہوتا کوئی شاعر "
بہت دعائیں

آپ تو نایاب ہو شاعر نہیں کس نے کہا
رنگ خوشبو تم یہاں پر مثل گل کرتے رہو


________________________________
لیجئے ٹوکن کے کچھ اشعار حاضر کر دئیے
شکریہ پھر یاد کرنے ٹیگ کرنے کا حضور

 

[فیصل عظیم فیصل]

عائشہ آئیں خموشی سے نظارہ کر گئیں
اور تابش بھی مہر لب آئے آکر چل دئیے
----------------------------
لیجئے حافظ قرن سے آن پہنچے ہیں صہیب
رب ہی جانے کیوں مزاج یار ان کا پر فریب

 

[عبد الرحمٰن]

تم میں ہمت ہے تو دنیا سے بغاوت کر لو
ورنہ جہاں ماں باپ کہتے ہیں وہاں شادی کر لو
محمد وارث