شعر کا جواب شعر میں

[مغزل]

مجھ کو احساسِ جرم اتنا تھا
میں سزا سے بھی مطمعن نہ ہوا

ثنا اللہ ظہیر

 

[راجہ صاحب]

صنم کی زلف میں کوچہ ہے سربستہ ہر اک مُو پر
نہ دیکھی ہوں گی تُو نے خضر یہ ظلمات میں گلیاں

 

[محمداحمد]

تونے چھیڑا تو یہ کچھ اور بھکر جائے گی
زندگی زلف نہیں ہے کہ سنور جائے گی

اعزاز احمد آذر

 

[الف عین]

زلفیں سنوارنے سے بنے گی نہ کوئی بات
اٹھیے کسی غریب کی قسمت سنوارئے

 

[محمداحمد]

کون بنتا ہے بے کس کا سہارا اے دوست
پیڑ بھی سوکھے ہوئے پتوں کو گرا دیتا ہے

 

[راجہ صاحب]

تو نے دیکھا ہے کبھی ایک نظر شام کے بعد
کتنے چپ چاپ سے لگتے ہیں شجر شام کے بعد

 

[محمد وارث]

تو نے دیکھا ہے کبھی ایک نظر شام کے بعد
کتنے چپ چاپ سے لگتے ہیں شجر شام کے بعد

شام کو صبح چمن یاد آئی
کس کی خوشبوئے بدن یاد آئی

دن شعاعوں سے الجھتے گزرا
رات آئی تو کرن یاد آئی

(احمد ندیم قاسمی)

 

[فہداعجاز]

کس قدر بیکار تھی آہِ شبِ فرقت قمر
ہر ستارہ مسکرایا چرخِ کج رفتار کا

(استاد قمر جلالوی)

 

[مغزل]

اپنی رفتار پہ نازاں ہے نسیم ِسحری
دو قدم چل کے تو دیکھے مری رفتار کے ساتھ
ماہرالقادری

 

[عین لام میم]

میں تیرے سنگ کیسے چلوں ساجنا
تو سمندر ھے میں ساحلوں کی ہوا

 

[شمشاد]

نہ ڈگمگائے کبھی ہم وفا کے رستے میں
چراغ ہم نے جلائے ہوا کے رستے میں
(حبیب جالب)

 

[مغزل]

سیاہی طاق کی بتلا رہی ہے
کہ اس گھر میں اجالا رہ چکا ہے

 

[محمداحمد]

سیاہی طاق کی بتلا رہی ہے
کہ اس گھر میں اجالا رہ چکا ہے

لاجواب شعر ہے۔

 

[مغزل]

کسی کو اپنے عمل کا حساب کیا دیتے
سوال سارے غلط تھے جواب کیا دیتے

جوابی شعر کا انتظار :

 

[سارہ خان]

حساب عمر کا بس اتنا سا گوشوارہ ہے
تمہیں نکال کر باقی سب خسارہ ہے ۔۔۔

 

[پیاسا]

حساب عمر کا بس اتنا سا گوشوارہ ہے
تمہیں نکال کر باقی سب خسارہ ہے ۔۔۔

کمال لکھا ہے بھیی بہت خوب
آپکا شعر تو بہت ہی پیاراہے

 

[سارہ خان]

میرا شعر نہیں ہے امجد اسلام امجد کا ہے ۔۔۔

 

[عین لام میم]

کوئی حساب نہیں بے حسابیوں کا مگر
ہر کوئی الجھا کسی حساب میں ھے

 

[مغزل]

شہرہ بہت ہے علمِ‌ریاضی میں آپ کا
طولِ شبِ فراق ناپ دیجئے ذرا۔۔۔۔۔

 

[جیا راؤ]

شہرہ بہت ہے علمِ‌ریاضی میں آپ کا
طولِ شبِ فراق ناپ دیجئے ذرا۔۔۔۔۔

واہ بہت خوب !

کیوں گزر جاتی نہیں, تو کیوں گزر جاتی نہیں
اے شبِ فرقت ! بتا کیا پی لیا آبِ حیات

زامل