شوق

[ہما]

غنچہ ء‌شوق لگا ہے کھلنے
پھر تجھے یاد کیا ہے دل نے
داستانیں ہیں‌ لبِ عالم پر
ہم تو چُپ چاپ گئے تھے ملنے

وجیح عرفانی

 

[شمشاد]

بڑے شوق سے داستاں تھی سنائی
وہ سنتے رہے سن کے پھر مسکُرائے
(سرور)

 

[ہما]

پڑھ کے تیرا خط میرے دل کی عجب حالت ہوئی
اضطرابِ شوق نے ایک حشر برپا کر دیا

 

[شمشاد]

اگریوں ہی رہا رنگِ جنونِ شوق اے سرور
تو اک دن آگ اس الفت کو پانی میں لگانی ہے
(سرور)

 

[شمشاد]

عجیب چیز ہے دل کا معاملہ سرور
اک عمر گذری مجھے شوقِ این و آں نہ رہا
(سرور)

 

[راجہ صاحب]

سزا کے طور پر ہم کو ملا قفس جالب
بہت شوق تھا ہمیں آشیاں بنانے کا


​

 

[زونی]

جزبہء بے اختیارِ شوق دیکھا چاھیئے
سینہء شمشیر سے باہر ھے دم شمشیر کا

( غالب)

 

[شمشاد]

ہم بے خودئ شوق میں کرلیتے ہیں سجدے
یہ ہم سے نہ پوچھو کہ کہاں ناصیہ سا ہیں
(چچا)

 

[عین لام میم]

صرف اس شوق میں کی ہیں ہزاروں باتیں تجھ سے
کہ تیرا حسن ، تیرے حسنِ بیاں تک دیکھوں

 

[فرخ منظور]

صرف اس شوق میں کی ہیں ہزاروں باتیں تجھ سے
کہ تیرا حسن ، تیرے حسنِ بیاں تک دیکھوں

فقط اس شوق سے پوچھی ہیں ہزاروں‌ باتیں
میں ترا حسن ترے حسنِ بیاں تک دیکھوں

 

[راجہ صاحب]

وا کر دیے ہیں شوق نے بندِ نقابِ حسن
غیر از نگاہ، اب کوئی حائل نہیں رہا

 

[شمشاد]

شوق، ہر رنگ رقیبِ سر و ساماں نکلا
قیس تصویر کے پردے میں بھی عریاں نکلا
(چچا)

 

[راجہ صاحب]

کیوں کے طے ہو دشتِ شوق آخر کو مانندِ سرشک
میرے پاؤں میں تو پہلے ہی قدم چھالے پڑے

 

[شمشاد]

گر ترے دل میں ہو خیال، وصل میں شوق کا زوال
موجِ محیطِ آب میں مارے ہے دست و پا کہ یُوں
(چچا)

 

[راجہ صاحب]

اُس لب سے مل ہی جائے گا بوسہ کبھی تو، ہاں!
شوقِ فضول و جرأتِ رندانہ چاہئے

(غالب)

 

[فرخ منظور]

جذبۂ بے اختیارِ شوق دیکھا چاہیے
سینۂ شمشیر سے باہر ہے دم شمشیر کا
(غالب)

 

[راجہ صاحب]

وا کر دیے ہیں شوق نے بندِ نقابِ حسن
غیر از نگاہ، اب کوئی حائل نہیں رہا

 

[شمشاد]

شوق اندیشوں سے پاگل ہوا جاتا ہے فراز
کاش یہ خانہ خرابی مجھے بے در کر دے
(احمد فراز)

 

[شاہ حسین]

اس راہ شوق میں مرے نا تجربہ شناس
غیروں سے ڈر نہ ڈر مگر اپنوں سے احتیاط

مصطفیٰ زیدی

 

[شمشاد]

میری زندگی تو فراق ہے وہ ازل سے دل میں مکیں سہی
وہ نگاہِ شوق سے دور ہیں رگِ جاں سے لاکھ قریں سہی