صرف آپ کے لیے

[shahzadafzal]

مل ہی جائے گا کبھی، دل کو یقیں رہتا ہے
وہ اسی شہر کی گلیوں میں کہیں رہتا ہے

جس کی سانسوں سے مہکتے تھے در و بام ترے
اے مکاں بول، کہاں اب وہ مکیں رہتا ہے

اِک زمانہ تھا کہ سب ایک جگہ رہتے تھے
اور اب کوئی کہیں کوئی کہیں رہتا ہے

روز ملنے پہ بھی لگتا تھا کہ جُگ بیت گئے
عشق میں وقت کا احساس نہیں رہتا ہے

دل فسردہ تو ہوا دیکھ کے اس کو لیکن
عمر بھر کون جواں، کون حسیں رہتا ہے


​

 

[shahzadafzal]

میری ساری زندگی کو بے ثمر اس نے کیا
عمر میری تھی مگر اس کو بسر اس نے کیا

میں بہت کمزور تھا اس ملک میں ہجرت کے بعد
پر مجھے اس ملک میں کمزور تر اس نے کیا

راہبر میرا بنا گمراہ کرنے کے لئے
مجھ کو سیدھے راستے سے در بدر اس نے کیا

شہر میں وہ معتبر میری گواہی سے ہُوا
پھر مجھے اس شہر میں نا معتبر اس نے کیا

شہر کو برباد کر کے رکھ دیا اس نے منیر
شہر پر ظلم میرے نام پر اس نے کیا


​

 

[ثناءاللہ]

راہبر میرا بنا گمراہ کرنے کے لئے
مجھ کو سیدھے راستے سے در بدر اس نے کیا

شہر میں وہ معتبر میری گواہی سے ہُوا
پھر مجھے اس شہر میں نا معتبر اس نے کیا

​

بہت خوب جناب

 

[محمد وارث]

بہت خوب شہزاد افضل صاحب،

آپ نے مبتدی ہوتے ہوئے بھی استادوں والا اور استادوں کا کلام پیش کیا ہے۔

 

[پاکستانی]

راہبر میرا بنا گمراہ کرنے کے لئے
مجھ کو سیدھے راستے سے در بدر اس نے کیا


​

عمار بھائی کہاں ہیں آپ ؟؟؟؟

 

[shahzadafzal]

بہت خوب جناب

شکریہ ثنااللہ بھائی

بہت خوب شہزاد افضل صاحب،
تھینک یو سر جی!!!!

آپ نے مبتدی ہوتے ہوئے بھی استادوں والا اور استادوں کا کلام پیش کیا ہے۔

بائے دی وے برادر مجھے اس مبدی کا مظلب نہیں پتا ورنہ آپکو جواب دیتا!!!!!!!!

عمار بھائی کہاں ہیں آپ ؟؟؟؟

یہ تو عمار بھائی کو ہی پتا ہو گا کہ وہ کہاں ہیں!!!!!!!!!

 

[shahzadafzal]

رات سُنتی رہی،میں سُناتا رہا۔
درد کی داستاں میں بتاتا رہا۔
لوگ لوگوں سے چاہت نبھاتے رہے
ایک وہ تھا میرا دِل دُکھاتا رہا۔
دھوپ چھاوں سی اُس کی طبیعت رہی
وہ نگاہیں مِلاتا چُراتا رہا
ایک میں ہِی پیاسا میرے دوستو
لوگ پیتے رہے، میں پِلاتا رہا۔
دِل کے مہمان خانے میں رونق رہی
کوئی آتا رہا، کوئی جاتا رہا۔
ہم مکتب نے سارے سبق پڑھ لیئے
میں تیرا نام لکھتا ،مٹاتا رہا۔
​

 

[shahzadafzal]

۔
۔
وہی ہوا نہ بدلتے موسم میں تُم نے ہم کو بُھلا دیا ہے
کوئی بھی رُت ہو نہ چاہتوں کو ذوال ہوگا یہ طے ہوا تھا۔
۔
۔

​

 

[shahzadafzal]

لوگ

وفا کی بستی والے لوگ
جھوٹے ہیں یہ سارے لوگ
جانے کیسے زندہ ہیں یہ
قسموں وعدوں کے مارے لوگ
چہروں سے کتنے حسین ہیں لیکن
دل کے ہیں یہ کالے لوگ
غضب کے زندہ دل تھے لیکن
دل کی بازی ہارے لوگ
دل میں ان کے کھوٹ ہے لوگو
چہروں سے ہیں پیارے لوگ
محفلیں ان کو ڈستی ہیں گل
ہجر کے ہیں یہ مارے لوگ

​

 

[الف عین]

ایک غزل تو منیر نیازی کی ہے۔ باقی کلام کس کا ہے؟؟؟؟ آخری غزل شاید شہزاد افضل کی اپنی ہے۔ لیکن شہزاد یہ بتائیں کہ لائبریری میں اس کا کیا محل ہے۔ کیا کوئی کتاب پوسٹ کر رہے ہیں؟

 

[shahzadafzal]

ایک غزل تو منیر نیازی کی ہے۔ باقی کلام کس کا ہے؟؟؟؟ آخری غزل شاید شہزاد افضل کی اپنی ہے۔ لیکن شہزاد یہ بتائیں کہ لائبریری میں اس کا کیا محل ہے۔ کیا کوئی کتاب پوسٹ کر رہے ہیں؟

کمال ہے سر جی آپ تو غصہ ہی کر گئے!!!!!!!!!!!

ارے لگتا ہے آپ نے ٹائٹل نہیں پڑھا!!!!!!!!!!

 

[محمد وارث]

بائے دی وے برادر مجھے اس مبدی کا مظلب نہیں پتا ورنہ آپکو جواب دیتا!!!!!!!!

آ رہی ہے چاہِ یوسف سے صدا
دوست کم ہیں اور یاں بھائی بہت

(حالی)

 

[الف عین]

کمال ہے سر جی آپ تو غصہ ہی کر گئے!!!!!!!!!!!

ارے لگتا ہے آپ نے ٹائٹل نہیں پڑھا!!!!!!!!!!

شہزاد۔ ٹائٹل تو پڑھا تھا اور وہیں

 

[الف عین]

یہ کیا ہوا، پیغام مکمل نہیں آیا یہاں؟
لکھا یہ تھا کہ اسے لائبریری کی جگہ پسندیدہ کلام والی فورم میں پوسٹ کرنا تھا۔ کم از کم منیر نیازی کی غزل۔ اور اپنی غزل، اگر آپ کی ہی ہے( اسے آپ کی شاعری والے فورم میں۔ یہاں تو یہ لگتا ہے کہ آپ صرف آپ کے لئے‘ نام کی کوئ کتاب پوسٹ کرنے جا رہے ہیں۔۔

 

[shahzadafzal]

یہ کیا ہوا، پیغام مکمل نہیں آیا یہاں؟
لکھا یہ تھا کہ اسے لائبریری کی جگہ پسندیدہ کلام والی فورم میں پوسٹ کرنا تھا۔ کم از کم منیر نیازی کی غزل۔ اور اپنی غزل، اگر آپ کی ہی ہے( اسے آپ کی شاعری والے فورم میں۔ یہاں تو یہ لگتا ہے کہ آپ صرف آپ کے لئے‘ نام کی کوئ کتاب پوسٹ کرنے جا رہے ہیں۔۔

او کے برادر مجھے نہیں پتا بس جو سمجھ آیا وہاں‌پوسٹ کر دیا

میرا مطلب ہے شاعری کے سیکشن سوچا شاعری ہی ہونی چاہیے نا!!!!!!!!!!

سو شاعری کا سیکشن تھا شاعری پوسٹ کر دی!!!!!!

 

[shahzadafzal]

اب دل کی یہ شکل ہو گئی ہے
جیسے کوئی چیز کھو گئی ہے
پہلے بھی خراب تھی یہ دنیا
اب اور خراب ہو گئی ہے
اس بحر میں کتنی کشتیوں کو
ساحل کی ہوا ڈبو گئی ہے
کل جن کی ہنسی اُڑا چکے تھے
شبنم بھی اُنہی کو رو گئی ہے
کل سے وہ اُداس اُداس ہیں کچھ
شاید کوئی بات ہو گئی ہے

​

 

[shahzadafzal]

کب تک دل کی خیر منائیں، کب تک رہ دکھلاؤ گے
کب تک چین کی مہلت دو گے، کب تک یاد نہ آؤ گے
بیتا دید اُمید کا موسم، خاک اُڑتی ہے آنکھوں میں
کب بھیجو گے درد کا بادل، کب برکھا برساؤ گے
عہد وفا ترک محبت، جو چاہو سو آپ کرو
اپنے بس کی بات ہی کیا ہے، ہم سے کیا منواؤ گے
کس نے وصل کا سورج دیکھا، کس پر ہجر کی رات ڈھلی
گیسوؤں والے کون تھے، کیا تھے، ان کو کیا جتلاؤ گے
فیض دلوں کے بھاگ میں ہے گھر بھرنا بھی، لٹ جانا بھی
تم اس حسن کے لطف و کرم پہ کتنے دن اتراؤ گے
( کلام: فیض احمد فیض(

​

 

[عمار ابن ضیا]

عمار بھائی کہاں ہیں آپ ؟؟؟؟

ہااائیںںںںںں مجھ پر گمراہ کرنے الزام ہے۔۔۔۔۔۔۔

 

[shahzadafzal]

ساتھ دل کے چلے دل کو نہیں روکا ہم نے
جو نہ اپنا تھا اسے ٹوٹ کے چاہا ہم نے
اک دھوکے میں کٹی عمر ساری
کیا بتائیں‌ کسے کھویا کسے پایا ہم نے

​

 

[shahzadafzal]

اس سے ملنا ہی نہیں دل میں تہیہ کر لیں
وہ خود آئے تو بہت سرد رویہ کر لیں

ایک ہی بار یہ گھر راکھ ہو، جاں تو چھوٹے
آگ کم ہے تو ہوا اور مہیا کر لیں

کیا ضمانت ہے کہ وہ چاند اتر آئے گا
تارِ مژگاں کو اگر عقدِ ثریا کر لیں

سانس اکھڑ جاتا ہے اب وقت کی ہم گامی میں
جی میں آتا ہے کہ ہم پاؤں کو پہیّہ کر لیں

کوئی پوچھے کہ زباں کیا ہے تری تو پروین
وقت ایسا ہے کہ بہتر ہے تقیّہ کر لیں
​