طبع زاد اشعار کی بیت بازی

[زبیر صدیقی]

گئے وہ دن کہ تھیں محفل کی رونقیں ہم سے
کہ خواب ہو گئے ہیں اب مرے خیال کے لوگ

گماں ہو تم، کہ یقیں؟ یہ کھلے گا کیسے؟ کب؟
ہو آسماں یا زمیں؟ یہ کھُلے گا کیسے؟ کب؟

 

[فیصل عظیم فیصل]

گئے وہ دن کہ تھیں محفل کی رونقیں ہم سے
کہ خواب ہو گئے ہیں اب مرے خیال کے لوگ

یہاں یہ ہو گئی ہے کنفیوژن
کہ لوٹی یا لٹائی ہے وراثت

گو کہ ہم اشعار کہتے ہیں بہت ہی کم یہاں
لیجئے حضرت وہ اوپر سب" مدون" کر دیا
لوٹنے کی بات میں لگتا ہے اصلا نقص تھا
لیجئے ہم نے لٹا کر اس کوا ے ون کر دیا

 

[فیصل عظیم فیصل]

گماں ہو تم، کہ یقیں؟ یہ کھلے گا کیسے؟ کب؟
ہو آسماں یا زمیں؟ یہ کھُلے گا کیسے؟ کب؟

بروقت جب کہ بات نکلنے سے رہ گئی
پھر دیکھنے میں حرف سے نہ گفتگو ہوئی

 

[سیما علی]

بروقت جب کہ بات نکلنے سے رہ گئی
پھر دیکھنے میں حرف سے نہ گفتگو ہوئی

واہ واہ
بہت عمدہ

 

[سیما علی]

بروقت جب کہ بات نکلنے سے رہ گئی
پھر دیکھنے میں حرف سے نہ گفتگو ہوئی

کیا بات ہے جناب 🌟🌟🌟🌟

 

[اکمل زیدی]

بروقت جب کہ بات نکلنے سے رہ گئی
پھر دیکھنے میں حرف سے نہ گفتگو ہوئی

یہ تھا یقیں کہ آخر اک دن
ہو جائینگے قریب اپنی منزل کے

 

[اکمل زیدی]

یہ کیا کہ پھر سے چھا گئے سناٹے
یا کچھ دیر کو توقف ہو گیا یہاں پر

 

[محمد عبدالرؤوف]

رک رک کے چلنا بھی ہے گویا
خوبی ہے ایک اس لڑی کی

 

[محمد شکیل خورشید]

رک رک کے چلنا بھی ہے گویا
خوبی ہے ایک اس لڑی کی

یہ لڑی رابطے بناتی ہے
ہم پہ لازم ہے یہ رہے قائم

 

[اکمل زیدی]

یہ لڑی رابطے بناتی ہے
ہم پہ لازم ہے یہ رہے قائم

میں آپ سے حضور متفق ہوا
جڑا رہے یہ سلسلےسے سلسلہ

 

[محمد عبدالرؤوف]

میں آپ سے حضور متفق ہوا
جڑا رہے یہ سلسلےسے سلسلہ

ہممم شعر اچھے سنا رہے ہو
بحر و اوزاں نبھا رہے ہو

 

[محمد شکیل خورشید]

وزن اور بحر نبھ رہے ہوں اگر
کیجیئے فکر پھر خیال کی بھی

 

[اکمل زیدی]

ٰٰیہ خیال میں ندرت کیسے آیا کرتی ہے
جان لینگے جو رہی میسر صحبت احباب

 

[محمد عبدالرؤوف]

ٰٰیہ خیال میں ندرت کیسے آیا کرتی ہے
جان لینگے جو رہی میسر صحبت احباب

بحر و اوزاں پہ دسترس کے بعد
شاعری پڑھ قدیم اور جدید
اور جہاں کا مشاہدہ بھی کر
پھر خیال ان سے کر تو کوئی کشید
کام باقی اساتذہ کا ہے
شعر میں جو کریں گے قطع و برید
ایک آسان اور سادہ سا نسخہ 😊

 

[محمد شکیل خورشید]

بحر و اوزاں پہ دسترس کے بعد
شاعری پڑھ قدیم اور جدید
اور جہاں کا مشاہدہ بھی کر
پھر خیال ان سے کر تو کوئی کشید
کام باقی اساتذہ کا ہے
شعر میں جو کریں گے قطع و برید
ایک آسان اور سادہ سا نسخہ 😊

در حقیقت درست ہےیہ سب
لیکن اس پر کریں عمل تو، تب

 

[عظیم]

بس بات کا ڈھب ہے کہ نہ ہو خوب سے ہٹ کر
ورنہ ہے زمانے میں نصیحت بھی اذیت

 

[اکمل زیدی]

تلمیذ ادب طے ہے تو پھر کیوں ہو تردد
اصلاح خیر خواہی میں اذیت نہیں ہوتی

 

[اکمل زیدی]

یوں ویران ہو گیا گلستانِ طبع زاد
اُڑ ے سبھی جو آگئے شاعری کے پر

 

[محمد شکیل خورشید]

رکا ہواتھا یہ سلسلہ کب سے
خیال آپ کو آیا تو چل پڑا ہے پھر

 

[فیصل عظیم فیصل]

رہے سلامت خیال تیرا کہ خوب تر ہے
محبتوں کے تمام رستے کھلے ہوئے ہوں
گلوں کا موسم مرے وطن میں رہے ہمیشہ
وجیہہ چہرے بشاشتوں سے دھلے ہوئے ہوں