طبع زاد اشعار کی بیت بازی

[ظہیراحمدظہیر]

اس دیوانگی میں بھی ہے دانائی کی جھلک
ہمیں خبر ہے ذہن رسا کاجاتا ہے دور تلک

کووِڈ جسے کہتے ہیں لوگوں کا کھلونا ہے
ہر چھینک پہ کہتے ہیں اِس کو تو کرونا ہے

 

[محمد خلیل الرحمٰن]

کووِڈ جسے کہتے ہیں لوگوں کا کھلونا ہے
ہر چھینک پہ کہتے ہیں اِس کو تو کرونا ہے

یہ کیسا کرونا ہے، تاکید بھی، دھمکی بھی
کہتے ہیں کرونا گو، ڈرتے ہیں سبھی لیکن

 

[اکمل زیدی]

یہ کیسا کرونا ہے، تاکید بھی، دھمکی بھی
کہتے ہیں کرونا گو، ڈرتے ہیں سبھی لیکن

ناروا ظلم سے چلتی ہے خکومت پھر بھی
لاتا ہے تباہی مگر انصاف کا فقدان

 

[محمد تابش صدیقی]

ناروا دو بحروں کا ہے شعر میں یوں اختلاط
ایسے جیسے چائے میں شربت ملانا جرم ہے

 

[اکمل زیدی]

ناروا دو بحروں کا ہے شعر میں یوں اختلاط
ایسے جیسے چائے میں شربت ملانا جرم ہے

اصلاح کیجیے۔۔۔اور مزید تشریح درکارہے اس کی۔۔۔

 

[محمد تابش صدیقی]

ناروا ظلم سے چلتی ہے خکومت پھر بھی
لاتا ہے تباہی مگر انصاف کا فقدان

اصلاح کیجیے۔۔۔اور مزید تشریح درکارہے اس کی۔۔۔

آپ کا پہلا مصرع اس بحر میں ہے
فاعلاتن فعلاتن فعلاتن فعلن
اور دوسرا مصرع اس بحر میں ہے
مفعول مفاعیل مفاعیل فعولن

کسی ایک مصرع کو تبدیل کر لیجیے

 

[اکمل زیدی]

آپ کا پہلا مصرع اس بحر میں ہے
فاعلاتن فعلاتن فعلاتن فعلن
اور دوسرا مصرع اس بحر میں ہے
مفعول مفاعیل مفاعیل فعولن

کسی ایک مصرع کو تبدیل کر لیجیے

بہت شکریہ ۔۔کوشش کرتا ہوں۔۔۔۔

 

[اکمل زیدی]

ناروا ظلم سے چلتی ہے حکومت پھر بھی
وہ پھل نہیں سکتی جو ہو انصاف کا فقدان

؟

 

[محمد تابش صدیقی]

ناروا ظلم سے چلتی ہے حکومت پھر بھی
وہ پھل نہیں سکتی جو ہو انصاف کا فقدان

؟

مصرع کو بحر کے ارکان کے مطابق توڑ کر تولا کیجیے
جیسے
فاعلاتن = ناروا ظل
فعلاتن = م سِ چلتی
فعلاتن = ہِ حکومت
فعلن = پھر بھی

اب دوسرا مصرع اس کے مطابق ہی ہونا چاہیے۔ جو موجودہ صورت میں بھی نہیں ہے۔

 

[اکمل زیدی]

اچھا اتنا اور بتا دیں کچھ لائن یعنی ڈگر سیٹ ہوئی کچھ بہتری کی جانب ہوں پہلے کی نسبت۔۔؟

 

[محمد عبدالرؤوف]

ناروا دو بحروں کا ہے شعر میں یوں اختلاط
ایسے جیسے چائے میں شربت ملانا جرم ہے

یوں اگر ہوتی رہے اشعار کی اصلاح بھی
پھر یقیناً اس لڑی کا فائدہ ہے بے بہا

 

[محمد تابش صدیقی]

اچھا اتنا اور بتا دیں کچھ لائن یعنی ڈگر سیٹ ہوئی کچھ بہتری کی جانب ہوں پہلے کی نسبت۔۔؟

نیا مصرع بھی پرانے مصرع والی بحر پر ہی ہے۔
دوسری بات یہ کہ شعر کا مفہوم مبہم نہ ہو، واضح ہو اور بات مکمل ہو رہی ہو۔

اسے جانچنے کا طریقہ یہ ہے کہ شعر کو نثر کی صورت میں پڑھ کر دیکھیں کہ کیا بات درست طریقہ سے مکمل ہو رہی ہے؟

 

[اکمل زیدی]

نیا مصرع بھی پرانے مصرع والی بحر پر ہی ہے۔
دوسری بات یہ کہ شعر کا مفہوم مبہم نہ ہو، واضح ہو اور بات مکمل ہو رہی ہو۔

اسے جانچنے کا طریقہ یہ ہے کہ شعر کو نثر کی صورت میں پڑھ کر دیکھیں کہ کیا بات درست طریقہ سے مکمل ہو رہی ہے؟

بہتر یہ تو سمجھ آگئی ۔۔۔مگر ابھی میں نے۔۔مجموعی طور پر پوچھا تھا اب تک کی طبع کاریوں پر۔۔۔

 

[محمد تابش صدیقی]

بہتر یہ تو سمجھ آگئی ۔۔۔مگر ابھی میں نے۔۔مجموعی طور پر پوچھا تھا اب تک کی طبع کاریوں پر۔۔۔

سطح مرتفع پوٹھوہار کی طرح ہے۔
کہیں لگتا ہے کہ کافی بہتری آ گئی ہے، مگر اگلے ہی شعر میں بات کہیں اور پہنچ جاتی ہے۔ مزید رولر پھیرنے کی ضرورت ہے۔

 

[اکمل زیدی]

سطح مرتفع پوٹھوہار کی طرح ہے۔
کہیں لگتا ہے کہ کافی بہتری آ گئی ہے، مگر اگلے ہی شعر میں بات کہیں اور پہنچ جاتی ہے۔ مزید رولر پھیرنے کی ضرورت ہے۔

۔۔سمز گئے بھایا۔۔۔

 

[محمد تابش صدیقی]

یوں اگر ہوتی رہے اشعار کی اصلاح بھی
پھر یقیناً اس لڑی کا فائدہ ہے بے بہا

اپنا پندار ٹوٹ جائے گا
خود سے ملیے کبھی اکیلے میں

 

[محمد خلیل الرحمٰن]

اپنا پندار ٹوٹ جائے گا
خود سے ملیے کبھی اکیلے میں

نہ ملا کیجے خود سے خلوت میں
دوست ایسا بھی ہو خدا نہ کرے​

 

[محمد تابش صدیقی]

نہ ملا کیجے خود سے خلوت میں
دوست ایسا بھی ہو خدا نہ کرے​

یہ کارِ تلخ سہی، پر بہت ضروری ہے
خود آگہی کا نتیجہ خدا شناسی ہے

 

[فہد اشرف]

یہ خود فراموشی کا نشّہ اترے تو
میں چکھ کے دیکھوں ساغرِ خود آ گہی

 

[محمد تابش صدیقی]

یہ خود فراموشی کا نشّہ اترے تو
میں چکھ کے دیکھوں ساغرِ خود آ گاہی

آگاہی کو آگہی کر دیں تو روانی بہتر ہو جائے گی۔