طبع زاد اشعار کی بیت بازی

[سیما علی]

آہنی فصیلوں سے فاصلہ نہیں بڑھتا
فیصلے شرر افشاں، فاصلہ بڑھاتے ہیں

واہ واہ کیا کہنے!!!!

 

[فہد اشرف]

آہنی فصیلوں سے فاصلہ نہیں بڑھتا
فیصلے شرر افشاں، فاصلہ بڑھاتے ہیں

نہ پر شرر تھے فیصلے نہ آہنی فصیلیں تھیں
نہ جانے کیا ہوا تھی وہ جدا جو ہم کو کر گئی

 

[محمد عبدالرؤوف]

نہ پر شرر تھے فیصلے نہ آہنی فصیلیں تھیں
نہ جانے کیا ہوا تھی وہ جدا جو ہم کو کر گئی

یہ فیصلہ لمحوں کا نہیں، ترکِ محبت
بس دھول ہے صدیوں کی یہ دل پر پڑی ہے جو

 

[ام عبدالوھاب]

وہ ہوا جو پھول کھلا گئی ،وہی دل سے دھول اڑا گئی
یہ قربتوں کا وقت ہے،میرے کان میں یہ بتا گئی

 

[محمد عبدالرؤوف]

وہ ہوا جو پھول کھلا گئی ،وہی دل سے دھول اڑا گئی
یہ قربتوں کا وقت ہے،میرے کان میں یہ بتا گئی

پیشگی معذرت
اس شعر میں اگر ذرا سی تبدیلی کریں تو وزن میں آ جائے گا
وہ ہوا جو پھول کھلا گئی، وہی دل سے دھول اڑا گئی
یہی قربتوں کا زمانہ ہے، مرے کان میں یہ بتا گئی

 

[ام عبدالوھاب]

پیشگی معذرت
اس شعر میں اگر ذرا سی تبدیلی کریں تو وزن میں آ جائے گا
وہ ہوا جو پھول کھلا گئی، وہی دل سے دھول اڑا گئی
یہی قربتوں کا زمانہ ہے، مرے کان میں یہ بتا گئی

مگر مجھ سے تو زمانہ کے لفظ سے وزن خراب ہو رہا ہے

 

[محمد عبدالرؤوف]

مگر مجھ سے تو زمانہ کے لفظ سے وزن خراب ہو رہا ہے

آپ معلوم نہیں کون سے اوزان پر پرکھ رہی ہیں لیکن جو میں نے ایک حقیر سے رائے دی ہے وہ چار بار "متفاعلن" ہے
آپ عروض ڈاٹ کام پر چیک کریں ان شاءاللہ ٹھیک ہو گا

سرگوشی

یا اس شعر کو ذرا گنگنا کے دیکھ لیں

 

[محمد شکیل خورشید]

یا گنگنا کے پرکھیں یا پھر عروض تولیں
ہم سے اناڑی شاعر لازم ہے تب ہی بولیں

 

[ام عبدالوھاب]

نہیں مل رہا ہے کوئی سب کہاں چھپ گئے ہیں
آ جاؤ پھر سے کھیلیں،وہ بہار لوٹ آ ئے

 

[یاسر شاہ]

یہ آٹھ رکعتوں کی رفاقت نہیں کافی
ٹھہرو ذرا کچھ اور کہ مہمان ہے رمضان

 

[محمد شکیل خورشید]

نماز و روزہ و افطار، سب بجا لیکن
ذرا سا وقت یہاں بھی قیام ہو جائے

 

[محمد خلیل الرحمٰن]

نماز و روزہ و افطار، سب بجا لیکن
ذرا سا وقت یہاں بھی قیام ہو جائے

یارب! زمانے والوں کی نظروں کو کیا ہوا
کل تک کچھ اور اور تھیں اور اب کچھ اور اور

 

[حسرت جاوید]

رہتا نہیں یہاں پہ کسی کا سدا کوئی
وہ بھی چلے گئے جو پیارے جہاں سے تھے

 

[محمد شکیل خورشید]

یاد ان کو نہیں کیا اب تک
بھول پائیں تبھی تو یاد کریں

 

[الف عین]

نہ جانے مشق سخن کیسے ہو گئی دشوار
کہ اب تو شعر اترتے نہیں وحی کی طرح
.. وحی کے غلط تلفظ کی معذرت

 

[محمد خلیل الرحمٰن]

حلوے ہیں قسم قسم کے اور چاکلیٹ ہے
جن کے بغیر زندگی خالی پلیٹ ہے

 

[محمد شکیل خورشید]

یاد کرتے ہیں حلوے مانڈے آپ
اور روزے سے بھی یقیناََ ہیں

 

[محمد عبدالرؤوف]

نا جانے ہوتی کس طرح تکمیل روزے کی
فاسد اگر یہ ہوتا خیالی پلاو سے

 

[فہد اشرف]

نا جانے ہوتی کس طرح تکمیل روزے کی
فاسد اگر یہ ہوتا خیالی پلاو سے

یہ (خیالی پلاؤ) تو اک چیز ہے پکانے کی
روزہ ٹوٹے ہے کب پکانے سے

 

[محمد عبدالرؤوف]

یہ (خیالی پلاؤ) تو اک چیز ہے پکانے کی
روزہ ٹوٹے ہے کب پکانے سے

یہ نکتہ آپ نے جو اٹھایا ابھی ابھی
جیسے خیال ہو یہ کسی کہنہ مشق کا