طبع زاد اشعار کی بیت بازی

[محمد شکیل خورشید]

یہ نکتہ آپ نے جو اٹھایا ابھی ابھی
جیسے خیال ہو یہ کسی کہنہ مشق کا

اب نہ اتنا پکے خیالی پلاؤ
کہ کسی کا دماغ پکنے لگے

 

[محمد عبدالرؤوف]

اب نہ اتنا پکے خیالی پلاؤ
کہ کسی کا دماغ پکنے لگے

یہ اچھی بات ہے کہ اگر پکتا ہے دماغ
پر لطف تو ہے تب، کسی بکرے کا ہو اگر

 

[ام عبدالوھاب]

یہ اچھی بات ہے کہ اگر پکتا ہے دماغ
پر لطف تو ہے تب، کسی بکرے کا ہو اگر

رمضان ہے یہ کوئی عید قرباں تو نہیں
کہ گھر گھر میں پکے بکرے کا مغز

 

[سیما علی]

یہ (خیالی پلاؤ) تو اک چیز ہے پکانے کی
روزہ ٹوٹے ہے کب پکانے سے

واہ واہ

 

[سیما علی]

اب نہ اتنا پکے خیالی پلاؤ
کہ کسی کا دماغ پکنے لگے

بھیا روزدار کا دماغ پکانے کی نہیں ہورہی ویسے ہی بڑا بُرا حال دیکھا ہے ہم نے نشئیوں کا پان کھانے والے تو اسقدر باولے ہوئے رہتے ہیں جیسے روزہ رکھ کے تمام عالمِ اسلام پر احسان کیا ہے سڑکوں پر جو غصہ گرمی دیکھنے کوُملتا ہے عدم برداشت مزاجوں میں کا حصہ بن گیا ہے !!!

 

[الف عین]

زندگی بکرے کے بھیجے کے سوا کچھ بھی نہیں
یا بڑے کے سری پائے کے سوا کچھ بھی نہیں
ہائے مگر ملتے ہی نہیں یہ!

 

[فہد اشرف]

زندگی بکرے کے بھیجے کے سوا کچھ بھی نہیں
یا بڑے کے سری پائے کے سوا کچھ بھی نہیں
ہائے مگر ملتے ہی نہیں یہ!

ہماری رسائی سے باہر کی دنیا
یہ بھیجے یہ پائے نہاری کی دنیا
یہ معدے کی دشمن مسالوں کی دنیا
یہ بھیجے اگر مل بھی جائیں تو کیا ہے

 

[محمد احسن سمیع راحلؔ]

زندگی بکرے کے بھیجے کے سوا کچھ بھی نہیں
یا بڑے کے سری پائے کے سوا کچھ بھی نہیں
ہائے مگر ملتے ہی نہیں یہ!

اسی لیے ہم جناح صاحب کے احسان مند رہتے ہیں

 

[محمد احسن سمیع راحلؔ]

ہماری رسائی سے باہر کی دنیا
یہ بھیجے یہ پائے نہاری کی دنیا
یہ معدے کی دشمن مسالوں کی دنیا
یہ بھیجے اگر مل بھی جائیں تو کیا ہے

عدم رسائی کا سبب طبی ہے یا سیاسی؟

 

[فہد اشرف]

عدم رسائی کا سبب طبی ہے یا سیاسی؟

سبب شعری ہے ۔ بھینس و بکرے کے پائے تو عام دستیاب ہیں۔

 

[ام عبدالوھاب]

ہماری رسائی سے باہر کی دنیا
یہ بھیجے یہ پائے نہاری کی دنیا
یہ معدے کی دشمن مسالوں کی دنیا
یہ بھیجے اگر مل بھی جائیں تو کیا ہے

یہ تو ماہِ صیام ہے رحمت کی بات کیجیئے
نماز اور قرآن کی تلاوت کی بات کیجیئے
بھیجا ،پایا اور سری ملیں گے بقر عید پر
ابھی تو مرغ بریانی پر قناعت کیجیئے

 

[محمد خلیل الرحمٰن]

یہ تو ماہِ صیام ہے رحمت کی بات کیجیئے
نماز اور قرآن کی تلاوت کی بات کیجیئے
بھیجا ،پایا اور سری ملیں گے بقر عید پر
ابھی تو مرغ بریانی پر قناعت کیجیئے

یوں پکوڑے تل رہی ہو بات کچھ سُنتی نہیں
کہہ رہا ہوں اپنا موبائل میں بھول آیا کہیں​

مکمل نظم ذیل میں دئیے لنک پر پڑھیں

نوک جھونک از محمد خلیل الرحمٰن

 

[یاسر شاہ]

نوک جھونک اس کو تبھی کہہ سکتے ہیں
چچی جی چچا سے کچھ یوں بولتیں

نیک بخت آؤ پکوڑے تم تلو
ڈھونڈھتی ہوں اپنی سوتن میں کہیں

 

[فہد اشرف]

یوں پکوڑے تل رہی ہو بات کچھ سُنتی نہیں
کہہ رہا ہوں اپنا موبائل میں بھول آیا کہیں​

مکمل نظم ذیل میں دئیے لنک پر پڑھیں

نوک جھونک از محمد خلیل الرحمٰن

نوک جھونک آپ کی پڑھ کر ہوئے محظوظ ہم
کھائیں گے افطاری میں خربوزہ و تربوز ہم

 

[یاسر شاہ]

مزہ آگیا ذکرِ تربوز سے
مزہ ہوگا کیا واقعی یوز (use)سے

 

[محمد عبدالرؤوف]

نوک جھونک اس کو تبھی کہہ سکتے ہیں
چچی جی چچا سے کچھ یوں بولتیں

نیک بخت آؤ پکوڑے تم تلو
ڈھونڈھتی ہوں اپنی سوتن میں کہیں

مزہ آگیا ذکرِ تربوز سے
مزہ ہوگا کیا واقعی یوز (use)سے

یعنی موبائل کا، یہ سوتن کہا جانا جو ہے
بس مری بپتا نہیں ہر گھر کا افسانہ ہے یہ

 

[ام عبدالوھاب]

ہر گھر میں سوتن ،فون کو کہتی ہونگی عورتیں
میاں کو میرا لیپ ٹاپ ،لگتا ہے اپنا رقیب

 

[محمد شکیل خورشید]

بے سبب ہیں چٹکلے سارے زن و شوہر کے یہ
ان سے پوچھیں جن کے ساتھی چھوڑ کے رخصت ہوئے

 

[الف عین]

یاد مرحومہ کی جانا دل سے مشکل ہی سہی
میری مانو، دوسری لے آؤ، ہر دم خوش رہو

بے سبب ہیں چٹکلے سارے زن و شوہر کے یہ
ان سے پوچھیں جن کے ساتھی چھوڑ کے رخصت ہوئے

 

[یاسر شاہ]

ویلے رہیں گے رو کے یوں رخصت پہ دوست کی
میلے رہیں گے رخصتی پر ہو جو رخصتی