ریا کی جڑیں تو دھوکے فریب سے ہی ملتی ہیں مگر میرے خیال میں یہ ایک خاص اصطلاح ہے جو ظاہر داری، بناوٹ تصنع یا منافقت وغیرہ کی طرف پہلا اشارہ کرتی ہے۔ مزید یہ کہ کیا جس بھی چیز کا انجام نا معلوم ہو تو اسے ریا بمعنی منافقت حتیٰ کہ دھوکہ ہی لیا جائے گا؟؟ یہ میرا نکتہ تھا۔
رضا بھائی جب انجام ہی نہ معلوم ہوا تو اسے دھوکے اور ریا کے کھاتے میں کیوں ڈالینگے ..یہ تو انجام ہے بتائے گا کے یہ دھوکا تھا یا منافقت تھی ...
تو حضور یہی بات تو مطلع میں شاعر نے کی ہے کہ چونکہ عاشقی کا انجام معلوم نہیں اس لیے اس سے بڑا دھوکا کوئی نہیں ۔جس سے اتفاق نہیں کیا جاسکتا ، مطلع دوبارہ پڑھیں۔
یہاں بات کی تا نیث ثابت ہو تی ہے۔ ریا کی نہیں ۔۔۔۔
توثیق و مفصل وضاحت کے لیے ممنون ہوں وارث سر۔جزاکم اللہ خیرا
طبیعت ٹھیک کر لیجئے وارث بھائی۔کاشف صاحب، معاف کیجیے گا، ریا کو مذکر بندھا دیکھ کر کئی دن سے طبیعت گڑبڑ ہو رہی ہے، کئی دوستوں نے آپ کو بتانے کی کوشش کی ہے لیکن آپ ہے کہ مان کے ہی نہیں دے رہے، یہ محبوب سے وصل کا اصرار نہیں ہے بھئی کہ کوئی مانے ہی نہ، اصلاحِ سخن ہے سو دماغ کھلا رکھیں۔
درست ہے کہ دھوکا، مذکر ہے لیکن یہ کہاں سے آ گیا کہ اس کے سارے مترادف بھی مذکر ہونگے۔ مثال کے طور پر، پیار مذکر ہے لیکن اس کا مترادف محبت مونث ہے، عشق مذکر ہے وغیرہ۔ اب اگر آپ کسی سے کہیں کے مجھے تم سے پیار ہوگیا ہے تو شاید وہ شرمائے یا خفگی کا اظہار کرے، لیکن اگر آپ یہ کہیں کہ مجھے تم سے محبت ہو گیا ہے تو وہ ہنسے گا، اگر آپ کہیں گے کہ ہنستے کیوں ہو کسی مستند لغت کی سند لاؤ تو شاید معاملہ زیادہ نازک ہو جائے۔ اور اگر خدا نخواستہ اسی چیز کو آپ شعر میں باندھ دیں گے تو بھدا لگے گا اور بھد اڑے گی۔
پھر بھی آپ کی تشفی کے لیے نیچے دو مستند ترین لغات، فرہنگ آصفیہ اور نور اللغات کے عکس دے رہا ہوں، باقی آپ کی مرضی ہے صاحب۔
لیجئے صاحب شعر کا تیا پانچا بھی ہو گیا۔
خیال سے قطع نظر اس مطلعے کو ایطا نے گھیر لیا ہے
بہت بہتر استاد محترم
نور لکھنوی صاحب کی یہ زمین مجھے بھی پسند ہے اس میں طبع آزمائی کا ارادہ ہے دیکھتے ہیں کس کروٹ بیٹھتا ہے یہ اونٹ۔
