تعارف عاطف بٹ کا سلام قبول کیجیے۔۔۔
- صاحب لڑی عاطف بٹ
- تاریخ ابتداء
عاطف بٹ
محفلین
حضور، نہ تو اردو میرے لئے کوئی نئی زبان ہے اور نہ ہی محفل کوئی پہلی بزم، البتہ اس فورم پر آج میرا پہلا دن ہے اور وقت واقعی بہت اچھا گزر رہا ہے۔ آپ کی محبت کا بہت شکریہ۔ہاہاہا۔۔۔ ۔! آپ تو ابھی سے پکے پکے اردو محفل والے لگ رہے ہیں۔
سبط الحسین
لائبریرین
خوش آمدید ، عاطف صاحب!
نایاب
لائبریرین
بٹ صاحب ۔۔۔۔۔ نشریاتی صحافت سے وابستگی اور خطاب بدنام پیشے کا ۔ ؟
جب بدنام پیشے کا علم تھا تو کس سوچ کر اس صحافت کا حصہ بنے ۔ ؟
مشاغل ۔ پڑھنا لکھنا ۔۔۔۔۔۔۔ گھومنا پھرنا گپیں مارنی ۔
پڑھنے میں کس قسم کی تحاریر بچپن میں پسند رہیں ۔ اور اب کس قسم کا ادب پسند کرتے ہیں ۔؟
لکھنا کس سے سیکھا ؟ اور جب لکھا تو سب سے پہلے کیا لکھا ؟
ماضی کے بارے کیا سوچ رکھتے ہیں ؟
حال کو بدلنے کے لیئے ماضی سے کیا استفادہ حاصل کریں گے ۔؟
مستقبل کے بارے کیا سوچ رکھتے ہیں ؟
مستقبل بنایا جاتا ہے یا خود ہی بن جاتا ہے ۔ جیسے پتھر گول ہوجاتا ہے ۔بنا کوشش کے ۔
نجومی تو ہم سے بڑا کوئی نہیں ۔ بس ذرا اپنے ماضی حال مستقبل بارے خبر دے دیں ۔
نجوم جھاڑ دیں گے سب جان کر آپ سے آپ کے بارے ۔۔۔۔۔۔۔۔۔
بہت گہرا جواب ہے میرے محترم ۔احمد صاحب، بہت نوازش۔ بندے کے قبولِ اسلام کا واقعہ ابھی پیش نہیں آیا اور اب تو لگتا ہے کہ آپ ہی کے ہاتھ پر بیعت کرنا پڑے گی۔
یہ پڑھتے ہی وجدان میں ابھرا کہ
وقت لگتا ہے اولاد آدم کو انسان بننے میں
آپ کیا کہیں گے اس بارے ÷؟
ذرا ہم بھی دیکھیں کہ
کتنے مہربان کتنے شفیق ہیں ۔۔۔ عطف کے حامل
بے تکلفی معاف ایسے لگتا ہے جانے کب سے واقفیت ہے آپ سے ۔۔۔۔۔۔۔۔۔۔
عاطف بٹ
محفلین
نایاب صاحب، بہت بہت نوازش۔
تعلقات کے بارے میں اس ناچیز کا ماننا یہ ہے کہ انہیں ماپنے کا پیمانہ وقت نہیں بلکہ خلوص ہوا کرتا ہے اور سچ پوچھیے تو آپ کی یہ بے تکلفی مجھے بہت پُرخلوص لگی۔
آپ نے بالکل درست کہا کہ "وقت لگتا ہے اولاد آدم کو انسان بننے میں" اور اپنے بھائی میر اور چچا غالب بھی تو کچھ اسی مفہوم کی باتیں کہہ گئے ہیں۔
اب آئیے میرے پیشے کی طرف جس کی بدنامی کا چرچا میں اپنے تعارف میں کرچکا ہوں۔ درحقیقت میں تو یہی سوچ کر اس پیشے سے منسلک ہوا تھا کہ "بدنام جو ہوں گے تو کیا نام نہ ہوگا!" اور یوں بھی جس ادارے سے میں آج کل وابستہ ہوں گزشتہ دنوں ایک خاص واقعے کی وجہ سے اسے اچھی خاصی بدنامی کا سامنا کرنا پڑا، اب یہ ایک الگ بحث ہے کہ اس واقعے سے ادارے کا بطور ادارہ کتنا لینا دینا تھا۔
پڑھنے کے لئے جو بھی مل جائے پڑھ لیتا ہوں اور بچپن سے اب تک اسی اصول پر کاربند ہوں۔ الحمدللہ گھر میں ایک اچھی خاصی ذاتی لائبریری بنا رکھی ہے جس میں تقریبا ہر موضوع پر کتابیں موجود ہیں۔ علاوہ ازیں، میرے کمپیوٹر میں ہزاروں کی تعداد میں برقی کتابیں محفوظ ہیں اور پنجاب پبلک لائبریری کا تاحیات رکن بھی ہوں۔
لکھنا ان لوگوں سے سیکھا جنہیں پڑھتا چلا آیا ہوں اور پہلے پہل کچھ نظمیں غزلیں لکھی تھیں جن میں پائی جانے والی خامیوں کا بہت بعد میں اندازہ ہوا۔
ماضی میرا بہت تابناک نہ سہی مگر تاریک بھی نہیں۔ سکول، کالج اور یونیورسٹی میں قومی اور بین الاقوامی سطح پر بہت سے مقابلوں میں حصہ لے چکا ہوں اور الحمدللہ کئی انعامات بھی حاصل کئے، لہٰذا ماضی بہت خوشگوار رہا۔
ماضی میں جو غلطیاں ہوئیں ان کو پیشِ نظر رکھتے ہوئے اپنے حال کو سنوارنے کی کوشش اکثر کرتا رہتا ہوں۔ اس کوشش میں کبھی کامیاب ہوتا ہوں تو کبھی ناکامی کا بھی منہ دیکھنا پڑتا ہے۔
مستقبل کے بارے میں میرا ایمان کی حد تک یقین ہے کہ اسے اللہ کی رحمت اور مدد سے انسان خود ہی بناتا ہے۔
زبیر مرزا
محفلین
عاطف خالد بٹ صاحب جناب ہمیں تو بناء کچھ پوچھے اتنی باتیں معلوم ہوگئیں آپ کے بارے میں
جو بات ایک دھاگے کے جواب میں آپ نے فرقہ واریت کی حوالے سے کہی اُس نے آپ کی مثبت اور تعمیری سوچ کو واضح کردیا
اوردل خوش کردیا کہ فی زمانہ مثبت سوچ کسی نعمت سے کم نہیں
جو بات ایک دھاگے کے جواب میں آپ نے فرقہ واریت کی حوالے سے کہی اُس نے آپ کی مثبت اور تعمیری سوچ کو واضح کردیا
اوردل خوش کردیا کہ فی زمانہ مثبت سوچ کسی نعمت سے کم نہیں
نایاب
لائبریرین
بٹ صاحب بلاشبہ درست کہا آپ نے
مگر اپنے عدم صاحب تو کچھ ایسا فرما گئے ہیں کہ
عدم خلوص کے بندوں میں ایک خامی ہے. ستم ظریف بڑے جلد باز ہوتے ہیں.
محترم@چھوٹاغالبؔ جی ۔
قدم رنجہ فرمائیں ۔
اک اور قتیل غالب و میر محفل میں رونق افروز ہوئے ہیں ۔
اب جانے کیا گزرے جب مل بیٹھیں گے قتیل غالب و میر
یہ بدنام ہونے کا شوق کس سے اکتساب ہے ؟
ویسے اچھے کام کر کے بھی بدنام ہونے کے خاصے مواقع ہیں نا اس میدان میں ؟
آپ صحافت کے بارے کیا رائے رکھتے ہیں ۔
یہ عبادت ہے ۔ خدمت ہے ۔ یا صرف پیشہ ؟
ماشاءاللہ
کس کتاب سے ازحد متاثر ہوئے ؟
یا کس کتاب نے آپ کی شخصیت پر اپنا رنگ چڑھایا ۔ ؟
کیا واقعی کتاب انسان کی سچی دوست اور غم گسار کہلا سکتی ہے ۔؟
کچھ نظمیں غزلیں یہاں محفل پر بھی شریک کریں نا ۔۔۔۔۔۔۔۔
نظم اچھی لگتی ہے ۔ اور غزل تو میری جان ہے ۔
ماشاءاللہ
اللہ تعالی آپ پر مہربان رہتے آپ کی نیک جائز خواہشات کو پورا فرمائے آمین
بلا شبہ اللہ کی رحمت کوشش میں آسانیاں پیدا فرماتی ہے ۔
بنا سانس لیئے کتنا فاصلہ دوڑ کر طے کر سکتے ہیں ؟
سانس لے لیں کہ ابھی بہت سے بے تکے سوالات قطار میں ہیں ۔۔
زبیر مرزا
محفلین
صحیح کہا آپ نے لیکن جناب کیا فرق پڑتا خوش تو ہم سب کوکسی صورت نہیں کرسکتے تو روشن سوچ کے ساتھ اورجذبہء تعمیر کیوں نا جیا جائے
حسیب نذیر گِل
محفلین
لو جی ساتھ میں مجھے بھی شامل کرکے ایک تکون بنا لیں۔
عاطف بٹ
محفلین
قبلہ، بعض حالات میں جلد بازی ناگزیر ہوتی ہے (مثال کے طور پر مسجد میں روزہ افطار کرتے ہوئے
)چھوٹا غالب صاحب بڑے آدمی ہیں، انہیں آنے میں کچھ وقت لگے گا۔
یہ شوق انہی لوگوں کی دین ہے جنہیں پڑھتے پڑھتے بندے نے لڑکپن سے جوانی میں قدم رکھا۔ آج کل تو اس پیشے میں وہی لوگ بدنام ہیں جو اچھے کام کرتے ہیں کیونکہ برے کام کرنے والوں کی تعداد نوے فیصد سے تجاوز کرچکی ہے۔ میں نے تو آج تک عبادت سمجھ کر یہ کام کیا ہے، یہی وجہ ہے کہ پچھلے پانچ سال میں دس ادارے تبدیل کرچکا ہوں۔ اصول کی خاطر نوکری چھوڑنے سے جان دینے تک کچھ بھی کرسکتا ہوں۔
میں قرآن مجید کے بعد اگر کسی کتاب سے بے حد متاثر ہوا ہوں تو وہ کلیاتِ اقبال ہے۔ ویسے میں نے کتابوں کی نسبت بندوں سے زیادہ سیکھا ہے۔ کتاب کی دوستی اپنی جگہ مگر اچھی صحبت کا کوئی ثانی ہی نہیں۔
میں انشاءاللہ آج ہی اپنی غزل پیش کروں گا۔ میں زیادہ تر غزلیں ہی لکھتا ہوں۔
ثم آمین، بہت شکریہ۔ ابا جی رحمۃ اللہ علیہ اپنے کلب کی طرف سے قومی سطح پر فٹ بال کھیل چکے ہیں اور ان کی دیکھا دیکھی کالج میں میں بھی فٹ بال کھیلا کرتا تھا، سو دوڑنا کوئی مسئلہ ہی نہیں۔ سوالات کو آنے دیجئے کیونکہ یوٹیلیٹی سٹور پر آٹا اور چینی خریدنے والوں اور نیشنل بینک سے پینشن لینے والوں کی قطاروں کے بعد پہلی بار کوئی اتنی لمبی قطار دیکھنے کا موقع مل رہا ہے، اور پہلی دو قطاروں کی نسبت مجھے اس تیسری قطار میں زیادہ دلچسپی ہے۔
نایاب
لائبریرین
محترم بھائی یہ قبلہ سن کر کچھ بڑھاپے کا احساس ستانے لگا ہے ۔قبلہ، بعض حالات میں جلد بازی ناگزیر ہوتی ہے (مثال کے طور پر مسجد میں روزہ افطار کرتے ہوئے
رمضان شریف ہے " ابھی تو میں جوان ہوں " غزل بھی نہیں سن سکتا ۔
ذرا خیال کریں جوان جہاں ہوں ابھی ۔۔۔۔۔۔۔۔۔۔
ویسے یہ جلدی لذت کام و دہن کے لیئے ناگزیر ہوتی ہے
یا اس سجدے کے لیئے
جو کہ اکثر گراں گزرتا ہے مگر ہزار سجدوں سے دیتا ہے نجات
ویسے پاکستان میں مسجد میں افطاری کرنے کا اپنا ہی الگ مزہ ہوتا ہے ۔
اب تو مدت ہوئی پاکستان میں مسجد میں روزہ افطار کیئے ہوئے ۔
آج کل کی افطاری کا کچھ حال تحریر کر سکیں تو بہت شکریہ
غالب تو پھر غالب ہوتا ہے ۔ اور یہ چھوٹے غالب تو سبحان اللہ
ان کے آنے میں وقت نہیں لگتا ۔ جب آتے ہیں دھرتی ہی ہلا دیتے ہیں ۔
وزن سے نہیں بلکہ اپنی تحریروں سے
کس کس مصنف کو زیادہ اور مسلسل پڑھا ہے ۔ نثر سے زیادہ دلچسپی رہی
کہ شاعری سچ بولتی ہے حال دل کا کھولتی ہے ۔ میں ہی الجھے رہے ۔
اللہ تعالی آپ کی اس عبادت کو آپ کے لیے آسان فرمائے آمین
یہ اصولوں پہ چلنے والے کبھی نہ بکنے والے آخر کس مٹی کے بنے ہوتے ہیں ۔ ؟
یہ اصول کیوں اہم ہوتے ہیں ۔ ؟
ماشاءاللہ بہت خوب ہے آپ کا ذوق مطالعہ
کتابیں تو اپنی گنجلک تحاریر کے باوجود کھلی کتاب ہوتی ہیں ۔
اور بندے اک چہرے پہ کئی نقاب چڑھائے ہوئے
تو انسان بندوں سے کیسے سیکھ سکتا ہے ؟
انسان کا کردار اہم ہوتا ہے کہ اس کی لفاظی ؟
انتظار رہے گا آپ کی غزل کا
یہ پاکستان میں اتنی قطاریں کیوں لگتی ہیں ۔ثم آمین، بہت شکریہ۔ ابا جی رحمۃ اللہ علیہ اپنے کلب کی طرف سے قومی سطح پر فٹ بال کھیل چکے ہیں اور ان کی دیکھا دیکھی کالج میں میں بھی فٹ بال کھیلا کرتا تھا، سو دوڑنا کوئی مسئلہ ہی نہیں۔ سوالات کو آنے دیجئے کیونکہ یوٹیلیٹی سٹور پر آٹا اور چینی خریدنے والوں اور نیشنل بینک سے پینشن لینے والوں کی قطاروں کے بعد پہلی بار کوئی اتنی لمبی قطار دیکھنے کا موقع مل رہا ہے، اور پہلی دو قطاروں کی نسبت مجھے اس تیسری قطار میں زیادہ دلچسپی ہے۔
یوٹیلٹی سٹورز اور بینک بارے اپنے تجربات و مشاہدات تحریر کیجئے
آپ کے دستخط میں شامل یہ شعر
سب ہمیں باکمال کہتے ہیں
اس کو قحط الرجال کہتے ہیں
اک بہت گہری معنویت اپنے اندر سموئے ہوئے ہیں ۔ اس دستخط کو منتخب کرنے کی کوئی خاص وجہ ؟
آپ اس کے ظاہری معنی سے متاثر ہیں یا باطنی معنی سے ۔
یہ شعر کس کا ہے ۔
اجازت اذان فجر ہو چکی ۔ اب خواب نگر کو جانا ہے ۔
اللہ حافظ
عائشہ عزیز
لائبریرین
خوش آمدید بھائی
زبیر مرزا
محفلین
ورنہ پہلی چیک پوسٹ تو شمشاد بھائی کی ہے
چھوٹاغالبؔ
لائبریرین
کب سے انتظار کر رہا تھا کہ ابھی آیا ابھی آیا
بہت دیر کی مہرباں آتے آتے
خیر خود کو شامل سمجھو یار
یہ دوستی ہے کوئی مسلم لیگ نون نہیں ، جو رکنیت فارم فل کرنے پڑیں
چھوٹاغالبؔ
لائبریرین
چھوٹے غالبؔ نے تو کل ہی اپنے خون کی خوشبو سونگھ لی تھی
اویس اکیلا تھا اردو محفل کے جنگل میں، انہیں آنے دو
کیا خوب گزرے گی جب مل بیٹھیں دیوانے(تین) دو
حسیب نذیر گِل یار میری غلطی نہیں ، قافیہ ہی دو کا بنتا تھا
مگر دیکھ لو ہماری اقربا پروری کا کمال ہم نے تین کو بیچ میں گھسا ہی دیا
جیسے نیوخان، منٹھار کے کنڈکٹر فل سے فل بس میں بھی "ماڑا ماڑا آسرا کرنا" کہہ کے ایک بندہ اور سوار کرا لیتے ہیں