عدل و انصاف سے متعلق اشعار

[جاسمن]

تم نے سچ بولنے کی جرأت کی
یہ بھی توہین ہے عدالت کی
سلیم کوثر

 

[عبدالرحمن آزاد]

سبق پھر پڑھ صداقت کا عدالت کا شجاعت کا
لیا جائے گا تجھ سےکام دنیا کی امامت کا
اقبال رح

 

[فرقان احمد]

ہمارے خیال میں اس لڑی کا عنوان 'عدل و انصاف سے متعلقہ اشعار' ہونا چاہیے تاکہ زیادہ اشعار اس لڑی میں جگہ پا سکیں۔ سلسلہ خوب ہے ویسے!

 

[محمد وارث]

لوبھیوں کی بستی میں، مایا کے ترازو سے
فیصلہ کرے گا کون، کیا ہے پاپ کیا ہے پُن

 

[عبدالرحمن آزاد]

آپ ہی کی ہے عدالت آپ ہی منصف بھی ہیں
یہ تو کہیے آپ کے عیب و ہنر دیکھے گا کون
منظر بھوپالی

 

[عبدالرحمن آزاد]

وہی قاتل وہی منصف عدالت اس کی وہ شاہد
بہت سے فیصلوں میں اب طرف داری بھی ہوتی ہے
ملک زادہ منظور احمد

 

[عبدالرحمن آزاد]

پھر کھلا ہے درِعدالتِ ناز
گرم بازارِ فوجداری ہے

 

[فہد اشرف]

لوبھیوں کی بستی میں، مایا کے ترازو سے
فیصلہ کرے گا کون، کیا ہے پاپ کیا ہے پُن

شاعر: جناب محمد وارث صاحب

 

[فہد اشرف]

تمہارے حق میں کوئی فیصلہ ہوا ہوگا
جو یہ نظام تمہیں منصفانہ لگتا ہے
رفیع رضا

 

[جاسمن]

قاضئ شہر کا ماتھا چوموں
جس کے قلم میں ہے زہرِ ہلال

 

[عثمان ندیم]

میرا یہ فرض بنتا ہے میں اس کے ہاتھ دھلواوں
سنا ہے اس نے میری ذات پر کیچڑ اچھالا ہے

 

[محمد تابش صدیقی]

دل کو چھوڑا مجھ کو الزامِ خطا دینے لگے
وہ تو ملزم ہی کے حق میں فیصلہ دینے لگے
نظرؔ لکھنوی

 

[فہد اشرف]

شرع و آئین پر مدار سہی
ایسے قاتل کا کیا کرے کوئی

 

[جاسمن]

یہ احتساب عجب ہے کہ محتسب ہی نہیں
رکاب تھامنے والے حساب مانگتے ہیں
(عباس رضوی)

 

[جاسمن]

اس مقدمے پر بھی اک مقدمہ ہوگا زور و شور سے ہوگا اور آج ہی ہوگا
کھول کر اگر دیکھیں ان کی ہم دکاں یارو ریت اس نگر کی ہے اینٹ اس نگر کی ہے

نبیل احمد نبیل

 

[جاسمن]

کیا سبق پڑھاتے ہیں شہر کو دیانت کا آ گیا ہے جب اس پر فیصلہ عدالت کا
آپ کیوں پکڑتے ہیں ان کی چوریاں یارو ریت اس نگر کی ہے اینٹ اس نگر کی ہے

نبیل احمد نبیل

 

[جاسمن]

تم کو حق بات جو کہنے کی بہت عادت ہے
تختہ دار پر جانے کا ارادہ ہے کیا
نعیم فراز

 

[جاسمن]

بے گناہ تو ہونے سے کچھ نہیں ہوگا
ُµثبوت دیجیے رونے سے کچھ نہیں ہوگا
ندیم شاد

 

[جاسمن]

فیصلہ لکھا ہوا رکھا تھا پہلے سے خلاف
آپ کیا خاک عدالت میں دکھائی دیں گے

وسیم بریلوی

 

[جاسمن]

اسی کا شہر ، وہی مدعی ، وہی منصف
ہمیں یقیں تھا ہمارا قصور نکلے گا
امیر قزلباش