" عشق " پر اشعار

[شعیب خالق]

اپنی تعلیم پر توجہ دو
مت پڑو عشق کے عذابوں میں
عمر کٹتی ہے ان کی کانٹوں پر
پھول رکھتےہیں جو کتابوں میں

 

[شمشاد]

آہ ہر غیر سے تاچند کہوں جی کی بات
عشق کا راز تو کہتے نہیں محرم سے بھی
(میر)

 

[شعیب خالق]

کچھ عشق کیا، کچھ کام کیا
وہ لوگ بہت خوش قسمت تھے
جو عشق کو کام سمجھتے تھے
یا کام سے عاشقی کرتے تھے
ہم جیتے جی مصروف رہے
کچھ عشق کیا، کچھ کام کیا،
کام عشق کے آڑے آتا رہا
اور عشق سے کام الجھتا رہا
پھر آخر تنگ آ کر ہم نے
دونوں کو اُدھورا چھوڑ دیا
فیض احمد فیض​

 

[شمشاد]

عشق میں تیرے گزرتی نہیں بِن سر پٹکے
صورت اک یہ رہی ہے عمر بسر کرنے کی
(میر)

 

[سارہ خان]

عشق کرو گے تو کماؤ گے نام
تہمتیں بٹتی نہیں خیرات میں

 

[شمشاد]

تمہارے ساتھ سفر کی صداقتیں بھی گئیں
جنونِ عشق کی ساری حکایتیں بھی گئیں

 

[تیشہ]

میں خوش نظر تھی مجھے اسطرح ستایا گیا
وصال و ہجر کے مابین آزمایا گیا

ابھی کھلے بھی نہ تھے عرصہ و صال میں پھول
تیرے فراق کا نغمہ مجھے سنایا گیا

میں تیرے عشق کی تجدید کرنے نکلی تھی
تو جا چکا ہے مجھے راہ میں بتایا گیا


محبتیں جسے تسخیر کر نہ پائیں تو پھر
منافرت کا نشانہ مجھے بنایا گیا

 

[شمشاد]

لو ہم مریضِ عشق کے بیماردار ہیں
اچھاّ اگر نہ ہو تو مسیحا کا کیا علاج!!

 

[راجہ صاحب]

تم عشق کی منزل میں قدم سوچ کر رکھنا
دریائے محبت کے کنارے نہیں ہوتے

 

[تیشہ]

اسیِ عشق سے ،اسی چاہ سے ،اسی پیار سے، اسی مان سے
میرے ہاتھ میں گلاب دو ،میں بہت دنوںِ سے اُداس ہوں ، ۔۔ ،

 

[گرو جی]

تمہارا عشق تمہاری وفا ہی کافی ہے
تمام عمر یہی آسرا ہی کافی ہے۔

 

[تیشہ]

کسی نے ہم پہ وفاؤں کے گیت لکھے تھے
کتاب ِعشق کا اک اقتباس ہم بھی تھے ، ۔

 

[شمشاد]

لذت ہنوز مائدہء عشق میں نہیں
آتا ہے لطفِ جرمِ تمنا سزا کے بعد

قتلِ حسین اصل میں مرگِ یزید ہے
اسلام زندہ ہوتا ہے ہر کربلا کے بعد
(مولانا محمد علی جوہر)

 

[راجہ صاحب]

م۔۔۔۔رے سرکش ت۔۔۔رانے سن کے دنیا یہ سمجھتی ہے
کہ شاید میرے دل کو عشق کے نغموں سے نفرت ہے


ساحر لدھیانوی

 

[محمداحمد]

عشق کیسا کہ بھروسہ بھی نہیں تھا شاید
اُس سے میرا کوئی رشتہ بھی نہیں تھا شاید

افتخار عارف
​

 

[راجہ صاحب]

روح افزا ہیں جنونِ عشق کے نغمے مگر
اب میں ان گائے ہوئے گیتوں کو گاسکتا نہیں

 

[محسن حجازی]

سراپا مرہون عشق اور ناگزیر الفت ہستی
عبادت کرتا ہوں برق کی اور افسوس حاصل کا۔
(غالب)
یہ ہم کو ہمارے اساتذہ میں سے ایک نے سکھایا ہے جس کے لیے ہم ان کے مشکور ہیں۔

 

[شمشاد]

یہ عشق نے دیکھا ہے یہ عقل سے پنہاں ہے
قطرے میں سمندر ہے ذرے میں بیاباں ہے
(اصغر گوندوی)

 

[راجہ صاحب]

عشق میں تیرے گزرتی نہیں بِن سر پٹکے
صورت اک یہ رہی ہے عمر بسر کرنے کی

 

[شمشاد]

اے زندگی اب اور کوئی تجربہ کہ ہم
تریاق ِ عشق و زہر ِ زمانہ چشیدہ ہیں