" عشق " پر اشعار

[مغزل]

عشق وہ کارِ مسلسل ہے کہ ہم اپنے لیے
ایک لمحہ بھی پس انداز نہیں کرسکتے !!!!
رئیس فروغ

 

[شمشاد]

سب مایا ہے، سب ڈھلتی پھرتی چھایا ہے​

اس عشق میں ہم نے جو کھویا جو پایا ہے​

جو تم نے کہا ہے، فیض نے جو فرمایا ہے​

سب مایا ہے​

(ابن انشاء)
​

 

[کاشفی]

آگے بڑھے نہ قصہء عشق بتاں سے ہم
سب کچھ کہا مگر نہ کھلے رازداں سے ہم
(خواجہ الطاف حسین حالی)

 

[عرفان سرور]

عشق کا نام لیا ہے تو ہو بہتر انجام
اب تو بدنام نہ ہونے میں بھی رُسوائی ہے
(وحید الہ آبادی)

 

[کاشفی]

عشق سے تو نہیں ہوں میں واقف​

دل کو شعلہ سا کچھ لپٹتا ہے​

​

غنچہ سمٹے تو سمٹے ممکن ہے​

دل جو بکھرے تو کب سنبھلتا ہے​

(سودا)​

 

[عمر سیف]

جب کبھی عشق کی راہوں میں قدم ہوتا ہے
ہم قدم میرا وہی اہلِ ستم ہوتا ہے

 

[تبسم]

یہ عشق نہیں آسان بس اتنا سمجھ لیجے
اک آگ کا دریا ہو اور ڈوب کے جانا ہے

 

[مغزل]

میں نے محسوس کیا عشق کی تلخی کو مگر
میرے احساس کو معّیار نہ سمجھا جائے !
سرور ؔجاوید

 

[عمر سیف]

کہاں یہ عشق کا عالم کہاں وہ حسن تمام
یہ سوچتا ہوں کہ میں اپنے رو برو تو نہیں

 

[مغزل]

عشق و ایجاب ہر کسے باشد
لیک باشد کسے مغزّل نیست
م۔م۔مغلؔ

 

[عمر سیف]

عشق میں جس کے یہ احوال بنا رکھا ہے
اب وہی کہتا ہے اِس وضع میں کیا رکھا ہے

 

[مغزل]

یہ تری یاد ہے یہ آئینہ
عشق آباد ہے کہ آئینہ
شبیر نازش،

 

[عمر سیف]

عشق میں ذات کیا، انا کیسی
اِن مقامات سے گزر جاؤ

 

[مغزل]

میں سراپا نماز ہوں اے عشق !!!!!
تو اذاں دے رہا ہے ؟ حیرت ہے !
م۔م۔مغلؔ

 

[عمر سیف]

عشق وہ عرصہَ پُر خار ہے ہمدم کہ جہاں
زندگی راس نہ آئے تو قضا بھی نہ ملے

 

[مغزل]

ای عقل تو ز شوق پراگندہ گوئے شو
اے عشق نکتہ ہائے پریشانم آرزوست
رومی

ترجمہ: (لفظی):: اے عقل! تو شوق سے پراگندہ گو بن جا! اور اے عشق!تجھ سے مجھے پریشان کر دینے والے نکات سننے کی آرزو ہے۔
ترجمہ :: (معنوی) :: اے عقل تو شوق (عشق) کی وجہ سے بہکی بہکی باتیں کرنے والی بن جا، اے عشق مجھے تیری پریشان کر دینے والی لطیف باتوں کی ہی آرزو ہے۔

 

[عمر سیف]

آدمی کے ریشے ریشے میں سما جاتا ہے عشق
شاحِ گل میں جس طرح بادِ سحر گاہی کا نم

 

[مغزل]

آدمی کے ریشے ریشے میں سما جاتا ہے عشق
شاحِ گل میں جس طرح بادِ سحر گاہی کا نم

سبحان اللہ سبحان اللہ سبحان اللہ ۔۔ روح سرشارکردی پیارے صاحب ۔۔ سبحان اللہ سبحان اللہ واہ ۔۔۔۔۔

 

[عمر سیف]

اک عشق کا غم آفت اور اُس پہ یہ دل آفت
یا غم نہ دیا ہوتا یا دل نہ دیا ہوتا

 

[غ۔ن۔غ]

عاصم کسی کے عشق میں مصروف یوں ہوئے
ہم نے تمام دوست ہی بیزار کر لیے