جاسم محمد
محفلین
عظمیٰ خان: اداکارہ کے ملک ریاض کی بیٹیوں پر ہراساں اور تشدد کرنے کے الزامات، مقدمہ درج کرنے کا مطالبہ
عماد خالق بی بی سی اردو ڈاٹ کام، اسلام آباد
پاکستان میں سوشل میڈیا پر بعض ویڈیوز وائرل ہونے کے بعد اداکارہ اور ماڈل عظمیٰ خان نے الزام عائد کیا ہے کہ پاکستان کی معروف کاروباری شخصیت ملک ریاض کی بیٹیوں نے انھیں اور ان کی بہن کو ان کے گھر میں گھس کر مبینہ طور پر تشدد کا نشانہ بنایا ہے۔
انھوں نے پنجاب پولیس سے اس مبینہ واقعے کی ایف آئی آر درج کرنے کی اپیل بھی کی ہے۔
جبکہ ڈی آئی جی آپریشنز لاہور پولیس کا کہنا ہے کہ 'اس معاملے کی درخواست موصول ہو چکی ہے اور قانونی کارروائی کا آغاز کر دیا گیا ہے۔‘
ان الزامات کے سامنے آنے کے بعد اگرچہ ملک ریاض کی بیٹیوں کی جانب سے تاحال کوئی ردعمل سامنے نہیں آیا ہے تاہم خود ملک ریاض نے اسے پروپیگینڈا قرار دیا ہے۔
ویڈیوز میں کیا ہے؟
سوشل میڈیا پر گردش کرنے والی ویڈیوز میں جن کی آزاد ذرائع سے تصدیق نہیں ہوسکی ہے، دیکھا جا سکتا ہے کہ تین خواتین محاظوں کے ہمراہ اداکارہ کے گھر میں داخل ہوتی ہیں اور وہاں انھیں تشدد کا نشانہ بنانے کے علاوہ توڑ پھوڑ بھی کرتی ہیں۔
پہلی ویڈیو میں اداکارہ اور ماڈل عظمیٰ خان اور ان کی بہن ہما خان سے ایک خاتون کو بظاہر اپنے شوہر کے ساتھ مبینہ تعلقات کے متعلق سوالات کرتے سنا جا سکتا ہے۔ سوال کرنے والی خاتون اس ویڈیو میں خود نظر نہیں آ رہی ہیں۔
اس ویڈیو کے بعد بدھ کو اس مبینہ واقعے سے جڑی مزید ویڈیوز بھی سوشل میڈیا پر منظر عام پر آئی ہیں، جس کے بعد عظمیٰ خان نے الزام لگایا ہے کہ پاکستان کی معروف کاروباری شخصیت ملک ریاض کی بیٹیوں نے مبینہ طور پر اپنے گارڈز کے ساتھ زبردستی ان کے گھر میں گھس کر توڑ پھوڑ کی، انھیں تشدد کا نشانہ بنایا اور ہراساں کیا۔
اداکارہ عظمیٰ خان نے اس واقعے کے خلاف لاہور کے علاقے ڈیفنس کے تھانہ ڈیفنس ایریا سی میں ایف آئی آر درج کرنے کی درخواست دی ہے۔
منگل کو سوشل میڈیا پر وائرل ہونے والی ویڈیو میں دکھائی نہ دینے والی ایک خاتون اداکارہ و ماڈل عظمیٰ خان سے کسی عثمان نامی شخص کے ساتھ مبینہ تعلقات کے متعلق سوالات کرتی سنائی دیتی ہیں۔
جبکہ بدھ کو منظر عام میں آنے والی ویڈیوز اور تصاویر میں چند افراد خواتین کے ساتھ مبینہ طور پر اداکارہ عظمیٰ خان کے گھر میں بلااجازت داخل ہوتے ہیں اور وہاں توڑ پھوڑ کرنے کے ساتھ ساتھ عظمیٰ خان اور ان کی بہن ہما خان کو تشدد کا نشانہ بناتے ہوئے ہراساں کرتے ہیں۔
اس ویڈیو میں چند خواتین کو عثمان نامی شخص کو پکارتے سنا اور گھر میں موجود سامان کو توڑتے دیکھا جا سکتا ہے۔
اسی طرح ایک اور ویڈیو بھی سامنے آئی ہے جس میں ایک خاتون اداکارہ عظمیٰ خان اور ان کی بہن ہما خان کو ہراساں کرنے اور گالیاں دینے کے ساتھ ساتھ پاکستان کی فوج کی خفیہ ایجنسی آئی ایس آئی کے ذریعے اٹھوانے کی دھمکی دیتی سنائی دیتی ہیں۔ وہ خاتون خود اس ویڈیو میں نظر نہیں آ رہی ہیں۔
اداکارہ عظمیٰ خان کا کیا کہنا ہے؟
Image copyrightUZMAKHAN/FACEBOOK
ان ویڈیوز کے منظر عام پر آنے کے بعد اداکارہ و ماڈل عظمیٰ خان نے پاکستان کی معروف کاروباری شخصیت ملک ریاض کی بیٹیوں پر یہ الزام عائد کیا ہے کہ انھیں گذشتہ تین روز سے مبینہ طور پر ڈرانے اور ہراساں کرنے کے ساتھ ساتھ ’قتل کی دھمکیاں‘ دی جا رہی ہیں اور ان کی ’عزت کو اچھالا‘ جا رہا ہے۔
اداکارہ نے اپنے فیس بک پر جاری بیان میں الزام عائد کیا ہے کہ مبینہ طور پر ملک ریاض کی بیٹیوں نے اپنے گارڈز کے ہمراہ زبردستی ان کے گھر میں گھس کر انھیں تشدد کا نشانہ بنایا۔
اداکارہ کی جانب سے جاری بیان میں کہا گیا ہے کہ 'اب میرے پاس کھونے کو کچھ نہیں ہے اور اب میں نے ملک کے طاقتور ترین لوگوں کے خلاف لڑنے کا فیصلہ کیا ہے۔ میں ملک ریاض کی بیٹیوں عنبر ملک اور پشمینہ ملک کے خلاف لڑوں گی جنھوں نے آدھی رات کے وقت میرے گھر پر دھاوا بولا۔'
اپنے بیان میں ان کا مزید کہنا تھا کہ 'میں ایک یتیم ہوں لہذا آپ میرے والدین کو نہیں مار سکتے، زیادہ سے زیادہ آپ مجھے قتل کر سکتے ہیں، اب جبکہ آپ نے مجھے پوری دنیا کے سامنے رسوا کر دیا ہے کیونکہ میں ایک اکیلی اور کمزور عورت تھی لیکن اب میں اپنے خون کے آخری قطرے تک لڑوں گی۔‘
وہ مزید کہتی ہیں ’میں پنجاب پولیس سے درخواست کرتی ہوں کہ وہ میری ایف آئی آر درج کرتے ہوئے میرا اور میری بہن کا طبی معائنہ کروائے جو میرا بنیادی حق ہے۔ میں امید کرتی ہوں میں بھی اتنی پاکستانی ہوں جتنے ملک ریاض ہیں۔'
اداکارہ عظمیٰ خان نے اس واقعے کے خلاف لاہور کے علاقے ڈیفنس کے تھانہ ڈیفنس ایریا سی میں ایف آئی آر درج کرنے کی درخواست دیتے ہوئے قانونی کارروائی کے لیے وکیل حسان خان نیازی کی خدمات حاصل کی ہیں جس کا اعلان انھوں نے اپنی ایک ٹویٹ کے ذریعے کیا۔
جبکہ اداکارہ کی جانب سے جمعرات کو اس حوالے سے ایک پریس کانفرنس کرنے کا بھی کہا گیا ہے۔
تاحال مقدمہ درج نہیں ہوا
بی بی سی نے عظمیٰ خان کے وکیل حسان خان نیازی سے اس کیس میں پیش رفت کے متعلق جاننے کے لیے رابطہ کیا تو حسن خان نیازی نے بتایا کہ 'ان کے موکلہ عظمیٰ خان کی درخواست پر ابھی تک نہ ہی کوئی ایف آئی آر درج کی گئی ہے اور نہ ہی دوسرے فریق کے خلاف کوئی کارروائی عمل میں آئی ہے۔'
بیریسٹر حسان خان کا الزام ہے کہ ان کی موکلہ کو ذہنی اور جسمانی تشدد کا نشانہ بنایا گیا ہے اور ان کے مطابق اس کی تمام ثبوت ویڈیوز کی صورت پر منظر عام پر آ چکے ہیں لیکن پولیس کی جانب سے کارروائی نہیں کی گئی ہے۔
ویڈیو میں جس عثمان نامی شخص کا ذکر ہے اس کے بارے میں وکیل حسان خان نیازی کا کہنا تھا کہ 'ان کی موکلہ اور عثمان ملک گذشتہ دو برس سے دوست ہیں اور انھوں نے ان کی موکلہ سے شادی کا وعدہ کیا ہوا تھا۔'
بی بی سی نے مقدمے کے اندراج کے حوالے سے پولیس کی کارروائی کے تفضیلات کے لیے تھانہ ڈیفنس سی ایریا کے ایس ایچ او سے رابطہ کرنے کی کوشش کی تاہم متعلقہ تھانے کے ایس ایچ او سمیت کسی اہلکار سے رابطہ نہیں ہو سکا۔
جبکہ اس واقعے پر پولیس کا موقف بیان کرتے ہوئے ڈی آئی جی آپریشنز لاہور پولیس نے ٹوئٹر پر جاری بیان میں کہا کہ ' اس معاملے کی درخواست موصول ہو چکی ہے، قانونی کارروائی کا آغاز کر دیا گیا ہے، خواتین کا طبی معائنہ کروایا جا چکا ہے جبکہ ایف آئی آر بھی درج کی جا رہی ہے۔ اور قانون تقاضوں کو پورا کیا جائے گا۔'
ملک ریاض کا ردعمل
اس تمام واقعے میں مبینہ طور پر پاکستان کے معروف کاروباری شخصیت ملک ریاض کے اہلخانہ کا نام شامل ہونے کے بعد ملک ریاض نے سوشل میڈیا پر ردعمل دیتے ہوئے ٹویٹ کیا کہ 'میں ایک وائرل ویڈیو میں اپنے سے منسلک اس جھوٹے پروپیگنڈا کو مسترد کرتا ہوں، عثمان میرا بھانجا نہیں ہے، مجھے اس طرح بدنام کرنے کی اخلاق سے گری کوشش پر بہت حیرانی ہوئی ہے اور صدمہ پہنچا ہے۔ میرا ایسے کسی بھی واقعے سے کسی بھی حیثیت میں کوئی تعلق نہیں ہے۔'
ملک ریاض کا ایک اور ٹویٹ میں کہنا تھا کہ 'میں یہ بھی بتانا چاہتا ہوں کہ جس کسی نے بھی جان بوجھ کر اس واقعے کا تعلق مجھ سے جوڑ کر میری ساکھ کو نقصان پہنچایا ہے میں اس کے خلاف ہتک عزت کا مقدمہ درج کروا رہا ہوں۔'
سوشل میڈیا پر ردعمل
اداکارہ عظمیٰ خان کی ویڈیو وائرل ہونے کے بعد سوشل میڈیا صارفین نے ان کے ساتھ ہونے والے مبینہ تشدد پر ردعمل دینا شروع کر دیا۔
سوشل میڈیا صارفین کا کہنا تھا کہ اداکارہ کو تو ویڈیو میں دکھایا گیا لیکن عثمان ملک نامی شخص کو کیوں نہیں دکھایا گیا۔
لاہور یونیورسٹی آف سائنسز میں استاد ندا کرمانی نے اس واقعے پر ردعمل دیتے ہوئے لکھا کہ 'پدرشاہی نظام عورت کو ایک دوسرے کے خلاف کر دیتا ہے، عظمیٰ خان اس کی ایک مثال ہیں، لیکن ہم ایسے واقعات روزانہ دیکھتے ہیں جہاں عورتوں پر دوسری عورتوں کے مردوں کو لبھانے یا 'خراب' کرنے کا الزام لگایا جاتا ہے۔ جبکہ مردوں کے ساتھ ایسا سلوک برتا جاتا ہے کہ وہ تو اپنی جنسی خواہشات پر اختیار نہ رکھتے ہوئے معصوم ہیں اور عورتیں ہی ہمیشہ سے ان کو پھنسانے میں کامیاب ہو جاتی ہیں۔'
جبکہ مہوش اعجاز نے ایک ٹویٹ میں ردعمل دیتے ہوئے اپنا ایک ویڈیو پیغام جاری کیا جس میں ان کا کہنا تھا کہ 'قانون سب کے لیے برابر ہونا چاہیے اور طاقتور قانون کو اپنی مرضی سے توڑ مروڑ نہیں سکتا۔‘
جبکہ جگنو جرنیل نامی ایک صارف کا کہنا تھا کہ 'اچھا ایک خاتون کے شوہر نے مبینہ طور پر دیگر دو خواتین کے ساتھ تعلقات استوار کیے لیکن عوامی سطح پر صرف خواتین کی عزت کو ہی اچھالا جا رہا ہے اور وہ مرد جس نے شادی کے بندھن کا اعتماد توڑا وہ آسانی سے اس سب سے بچ نکلا ہے۔'
عماد خالق بی بی سی اردو ڈاٹ کام، اسلام آباد
- 27 مئی 2020
پاکستان میں سوشل میڈیا پر بعض ویڈیوز وائرل ہونے کے بعد اداکارہ اور ماڈل عظمیٰ خان نے الزام عائد کیا ہے کہ پاکستان کی معروف کاروباری شخصیت ملک ریاض کی بیٹیوں نے انھیں اور ان کی بہن کو ان کے گھر میں گھس کر مبینہ طور پر تشدد کا نشانہ بنایا ہے۔
انھوں نے پنجاب پولیس سے اس مبینہ واقعے کی ایف آئی آر درج کرنے کی اپیل بھی کی ہے۔
جبکہ ڈی آئی جی آپریشنز لاہور پولیس کا کہنا ہے کہ 'اس معاملے کی درخواست موصول ہو چکی ہے اور قانونی کارروائی کا آغاز کر دیا گیا ہے۔‘
ان الزامات کے سامنے آنے کے بعد اگرچہ ملک ریاض کی بیٹیوں کی جانب سے تاحال کوئی ردعمل سامنے نہیں آیا ہے تاہم خود ملک ریاض نے اسے پروپیگینڈا قرار دیا ہے۔
ویڈیوز میں کیا ہے؟
سوشل میڈیا پر گردش کرنے والی ویڈیوز میں جن کی آزاد ذرائع سے تصدیق نہیں ہوسکی ہے، دیکھا جا سکتا ہے کہ تین خواتین محاظوں کے ہمراہ اداکارہ کے گھر میں داخل ہوتی ہیں اور وہاں انھیں تشدد کا نشانہ بنانے کے علاوہ توڑ پھوڑ بھی کرتی ہیں۔
پہلی ویڈیو میں اداکارہ اور ماڈل عظمیٰ خان اور ان کی بہن ہما خان سے ایک خاتون کو بظاہر اپنے شوہر کے ساتھ مبینہ تعلقات کے متعلق سوالات کرتے سنا جا سکتا ہے۔ سوال کرنے والی خاتون اس ویڈیو میں خود نظر نہیں آ رہی ہیں۔
اس ویڈیو کے بعد بدھ کو اس مبینہ واقعے سے جڑی مزید ویڈیوز بھی سوشل میڈیا پر منظر عام پر آئی ہیں، جس کے بعد عظمیٰ خان نے الزام لگایا ہے کہ پاکستان کی معروف کاروباری شخصیت ملک ریاض کی بیٹیوں نے مبینہ طور پر اپنے گارڈز کے ساتھ زبردستی ان کے گھر میں گھس کر توڑ پھوڑ کی، انھیں تشدد کا نشانہ بنایا اور ہراساں کیا۔
اداکارہ عظمیٰ خان نے اس واقعے کے خلاف لاہور کے علاقے ڈیفنس کے تھانہ ڈیفنس ایریا سی میں ایف آئی آر درج کرنے کی درخواست دی ہے۔
منگل کو سوشل میڈیا پر وائرل ہونے والی ویڈیو میں دکھائی نہ دینے والی ایک خاتون اداکارہ و ماڈل عظمیٰ خان سے کسی عثمان نامی شخص کے ساتھ مبینہ تعلقات کے متعلق سوالات کرتی سنائی دیتی ہیں۔
جبکہ بدھ کو منظر عام میں آنے والی ویڈیوز اور تصاویر میں چند افراد خواتین کے ساتھ مبینہ طور پر اداکارہ عظمیٰ خان کے گھر میں بلااجازت داخل ہوتے ہیں اور وہاں توڑ پھوڑ کرنے کے ساتھ ساتھ عظمیٰ خان اور ان کی بہن ہما خان کو تشدد کا نشانہ بناتے ہوئے ہراساں کرتے ہیں۔
اس ویڈیو میں چند خواتین کو عثمان نامی شخص کو پکارتے سنا اور گھر میں موجود سامان کو توڑتے دیکھا جا سکتا ہے۔
اسی طرح ایک اور ویڈیو بھی سامنے آئی ہے جس میں ایک خاتون اداکارہ عظمیٰ خان اور ان کی بہن ہما خان کو ہراساں کرنے اور گالیاں دینے کے ساتھ ساتھ پاکستان کی فوج کی خفیہ ایجنسی آئی ایس آئی کے ذریعے اٹھوانے کی دھمکی دیتی سنائی دیتی ہیں۔ وہ خاتون خود اس ویڈیو میں نظر نہیں آ رہی ہیں۔
اداکارہ عظمیٰ خان کا کیا کہنا ہے؟
Image copyrightUZMAKHAN/FACEBOOK
ان ویڈیوز کے منظر عام پر آنے کے بعد اداکارہ و ماڈل عظمیٰ خان نے پاکستان کی معروف کاروباری شخصیت ملک ریاض کی بیٹیوں پر یہ الزام عائد کیا ہے کہ انھیں گذشتہ تین روز سے مبینہ طور پر ڈرانے اور ہراساں کرنے کے ساتھ ساتھ ’قتل کی دھمکیاں‘ دی جا رہی ہیں اور ان کی ’عزت کو اچھالا‘ جا رہا ہے۔
اداکارہ نے اپنے فیس بک پر جاری بیان میں الزام عائد کیا ہے کہ مبینہ طور پر ملک ریاض کی بیٹیوں نے اپنے گارڈز کے ہمراہ زبردستی ان کے گھر میں گھس کر انھیں تشدد کا نشانہ بنایا۔
اداکارہ کی جانب سے جاری بیان میں کہا گیا ہے کہ 'اب میرے پاس کھونے کو کچھ نہیں ہے اور اب میں نے ملک کے طاقتور ترین لوگوں کے خلاف لڑنے کا فیصلہ کیا ہے۔ میں ملک ریاض کی بیٹیوں عنبر ملک اور پشمینہ ملک کے خلاف لڑوں گی جنھوں نے آدھی رات کے وقت میرے گھر پر دھاوا بولا۔'
اپنے بیان میں ان کا مزید کہنا تھا کہ 'میں ایک یتیم ہوں لہذا آپ میرے والدین کو نہیں مار سکتے، زیادہ سے زیادہ آپ مجھے قتل کر سکتے ہیں، اب جبکہ آپ نے مجھے پوری دنیا کے سامنے رسوا کر دیا ہے کیونکہ میں ایک اکیلی اور کمزور عورت تھی لیکن اب میں اپنے خون کے آخری قطرے تک لڑوں گی۔‘
وہ مزید کہتی ہیں ’میں پنجاب پولیس سے درخواست کرتی ہوں کہ وہ میری ایف آئی آر درج کرتے ہوئے میرا اور میری بہن کا طبی معائنہ کروائے جو میرا بنیادی حق ہے۔ میں امید کرتی ہوں میں بھی اتنی پاکستانی ہوں جتنے ملک ریاض ہیں۔'
اداکارہ عظمیٰ خان نے اس واقعے کے خلاف لاہور کے علاقے ڈیفنس کے تھانہ ڈیفنس ایریا سی میں ایف آئی آر درج کرنے کی درخواست دیتے ہوئے قانونی کارروائی کے لیے وکیل حسان خان نیازی کی خدمات حاصل کی ہیں جس کا اعلان انھوں نے اپنی ایک ٹویٹ کے ذریعے کیا۔
جبکہ اداکارہ کی جانب سے جمعرات کو اس حوالے سے ایک پریس کانفرنس کرنے کا بھی کہا گیا ہے۔
تاحال مقدمہ درج نہیں ہوا
بی بی سی نے عظمیٰ خان کے وکیل حسان خان نیازی سے اس کیس میں پیش رفت کے متعلق جاننے کے لیے رابطہ کیا تو حسن خان نیازی نے بتایا کہ 'ان کے موکلہ عظمیٰ خان کی درخواست پر ابھی تک نہ ہی کوئی ایف آئی آر درج کی گئی ہے اور نہ ہی دوسرے فریق کے خلاف کوئی کارروائی عمل میں آئی ہے۔'
بیریسٹر حسان خان کا الزام ہے کہ ان کی موکلہ کو ذہنی اور جسمانی تشدد کا نشانہ بنایا گیا ہے اور ان کے مطابق اس کی تمام ثبوت ویڈیوز کی صورت پر منظر عام پر آ چکے ہیں لیکن پولیس کی جانب سے کارروائی نہیں کی گئی ہے۔
ویڈیو میں جس عثمان نامی شخص کا ذکر ہے اس کے بارے میں وکیل حسان خان نیازی کا کہنا تھا کہ 'ان کی موکلہ اور عثمان ملک گذشتہ دو برس سے دوست ہیں اور انھوں نے ان کی موکلہ سے شادی کا وعدہ کیا ہوا تھا۔'
بی بی سی نے مقدمے کے اندراج کے حوالے سے پولیس کی کارروائی کے تفضیلات کے لیے تھانہ ڈیفنس سی ایریا کے ایس ایچ او سے رابطہ کرنے کی کوشش کی تاہم متعلقہ تھانے کے ایس ایچ او سمیت کسی اہلکار سے رابطہ نہیں ہو سکا۔
جبکہ اس واقعے پر پولیس کا موقف بیان کرتے ہوئے ڈی آئی جی آپریشنز لاہور پولیس نے ٹوئٹر پر جاری بیان میں کہا کہ ' اس معاملے کی درخواست موصول ہو چکی ہے، قانونی کارروائی کا آغاز کر دیا گیا ہے، خواتین کا طبی معائنہ کروایا جا چکا ہے جبکہ ایف آئی آر بھی درج کی جا رہی ہے۔ اور قانون تقاضوں کو پورا کیا جائے گا۔'
ملک ریاض کا ردعمل
اس تمام واقعے میں مبینہ طور پر پاکستان کے معروف کاروباری شخصیت ملک ریاض کے اہلخانہ کا نام شامل ہونے کے بعد ملک ریاض نے سوشل میڈیا پر ردعمل دیتے ہوئے ٹویٹ کیا کہ 'میں ایک وائرل ویڈیو میں اپنے سے منسلک اس جھوٹے پروپیگنڈا کو مسترد کرتا ہوں، عثمان میرا بھانجا نہیں ہے، مجھے اس طرح بدنام کرنے کی اخلاق سے گری کوشش پر بہت حیرانی ہوئی ہے اور صدمہ پہنچا ہے۔ میرا ایسے کسی بھی واقعے سے کسی بھی حیثیت میں کوئی تعلق نہیں ہے۔'
ملک ریاض کا ایک اور ٹویٹ میں کہنا تھا کہ 'میں یہ بھی بتانا چاہتا ہوں کہ جس کسی نے بھی جان بوجھ کر اس واقعے کا تعلق مجھ سے جوڑ کر میری ساکھ کو نقصان پہنچایا ہے میں اس کے خلاف ہتک عزت کا مقدمہ درج کروا رہا ہوں۔'
سوشل میڈیا پر ردعمل
اداکارہ عظمیٰ خان کی ویڈیو وائرل ہونے کے بعد سوشل میڈیا صارفین نے ان کے ساتھ ہونے والے مبینہ تشدد پر ردعمل دینا شروع کر دیا۔
سوشل میڈیا صارفین کا کہنا تھا کہ اداکارہ کو تو ویڈیو میں دکھایا گیا لیکن عثمان ملک نامی شخص کو کیوں نہیں دکھایا گیا۔
لاہور یونیورسٹی آف سائنسز میں استاد ندا کرمانی نے اس واقعے پر ردعمل دیتے ہوئے لکھا کہ 'پدرشاہی نظام عورت کو ایک دوسرے کے خلاف کر دیتا ہے، عظمیٰ خان اس کی ایک مثال ہیں، لیکن ہم ایسے واقعات روزانہ دیکھتے ہیں جہاں عورتوں پر دوسری عورتوں کے مردوں کو لبھانے یا 'خراب' کرنے کا الزام لگایا جاتا ہے۔ جبکہ مردوں کے ساتھ ایسا سلوک برتا جاتا ہے کہ وہ تو اپنی جنسی خواہشات پر اختیار نہ رکھتے ہوئے معصوم ہیں اور عورتیں ہی ہمیشہ سے ان کو پھنسانے میں کامیاب ہو جاتی ہیں۔'
جبکہ مہوش اعجاز نے ایک ٹویٹ میں ردعمل دیتے ہوئے اپنا ایک ویڈیو پیغام جاری کیا جس میں ان کا کہنا تھا کہ 'قانون سب کے لیے برابر ہونا چاہیے اور طاقتور قانون کو اپنی مرضی سے توڑ مروڑ نہیں سکتا۔‘
جبکہ جگنو جرنیل نامی ایک صارف کا کہنا تھا کہ 'اچھا ایک خاتون کے شوہر نے مبینہ طور پر دیگر دو خواتین کے ساتھ تعلقات استوار کیے لیکن عوامی سطح پر صرف خواتین کی عزت کو ہی اچھالا جا رہا ہے اور وہ مرد جس نے شادی کے بندھن کا اعتماد توڑا وہ آسانی سے اس سب سے بچ نکلا ہے۔'
