عید اور چاند رات کے موضوعات پر اشعار!

[سیما علی]

عید اب کے بھی گئی یوں ہی کسی نے نہ کہا
کہ ترے یار کو ہم تجھ سے ملا دیتے ہیں
مصحفی غلام ہمدانی

 

[سیما علی]

نصیب جن کو تیرے رخ کی دید ہوتی ہے
وہ خوش نصیب ہیں خوب انکی عید ہوتی ہے
امیر مینائی

 

[سیما علی]

اپنی خوشیاں بھول جا سب کا درد خرید
سیفیؔ تب جا کر کہیں تیری ہوگی عید
سیفی سرونجی

 

[سیما علی]

اے ہوا تو ہی اسے عید مبارک کہیو
اور کہیو کہ کوئی یاد کیا کرتا ہے

 

[گُلِ یاسمیں]

اے ہوا تو ہی اسے عید مبارک کہیو
اور کہیو کہ کوئی یاد کیا کرتا ہے

سرگوشی

 

[سیما علی]

عید کے بعد وہ ملنے کے لیے آئے ہیں
عید کا چاند نظر آنے لگا عید کے بعد

 

[سیما علی]

سرگوشی

ہمیں اپنا بیٹا بہت یاد آتا ہے ۔۔۔۔۔

 

[سیما علی]

آئی عید و دل میں نہیں کچھ ہوائے عید
اے کاش میرے پاس تو آتا بجائے عید
شیخ ظہور حاتم

 

[سیما علی]

اگر حیات ہے دیکھیں گے ایک دن دیدار
کہ ماہ عید بھی آخر ہے ان مہینوں میں

 

[سیما علی]

بادباں ناز سے لہرا کے چلی باد مراد
کارواں عید منا قافلہ سالار آیا
جوش

 

[سیما علی]

ابرو کا اشارہ کیا تم نے تو ہوئی عید
اے جان یہی ہے مہ شوال ہمارا
حاتم علی مہر

 

[سیما علی]

جہاں نہ اپنے عزیزوں کی دید ہوتی ہے
زمین ہجر پہ بھی کوئی عید ہوتی ہے

 

[گُلِ یاسمیں]

ہمیں اپنا بیٹا بہت یاد آتا ہے ۔۔۔۔۔

اللہ پاک سلامت رکھیں رضا بھائی کو۔۔۔ میل ملاقات کے لئے آ ہی جائیں گے۔ ان شاء اللہ
پردیس کے معاملات بہت بھاری گزرتے ہیں

 

[سیما علی]

اللہ پاک سلامت رکھیں رضا بھائی کو۔۔۔ میل ملاقات کے لئے آ ہی جائیں گے۔ ان شاء اللہ
پردیس کے معاملات بہت بھاری گزرتے ہیں

ان شاء اللّہ ان شاء اللّہ

 

[شمشاد]

اُس سے ملنا تو اُسے عید مُبارک کہنا
یہ بھی کہنا کہ مری عید مُبارک کر دے

 

[فاخر]

عیدگاہِ ما غریباں روئے تو
انبساطِ عید دیدن روئے تو
صد ہزاراں عید قربانت کنم
اے ہلالِ ما خمِ ابروئے تو
(نامعلوم)

معذرت کے ساتھ کہ یہ قطعہ کسی نامعلوم کا نہیں ہے؛بلکہ امیر خسرو کا ہے ، یہ قطعہ حضرت نظام الدین کے مزار کی دیوار کے بالائی حصوں میں سنگ مرمر سے کندہ ہے۔ میں نے اس کا بارہا مشاہدہ کیا ہے۔

 

[جاسمن]

آج یاروں کو مبارک ہو کہ صبح عید ہے
راگ ہے مے ہے چمن ہے دل ربا ہے دید ہے
غم کے پیچھو راست کہتے ہیں کہ شادی ہووے ہے
حضرت رمضاں گئے تشریف لے اب عید ہے
عید کے دن رووتا ہے ہجر سیں رمضان کے
بے نصیب اس شیخ کی دیکھو عجب فہمید ہے
آبرو شاہ مبارک