عید اور چاند رات کے موضوعات پر اشعار!

[فرقان احمد]

ہنسی خوشی ترے جیون کا ہر سفر گزرے
مری دعا ہے تری عید خوب تر گزرے!

 

[فرقان احمد]

آؤ مل کر مانگیں دعائیں ہم عید کے دن
باقی رہے نہ کوئی بھی غم عید کے دن

ہر آنگن میں خوشیوں بھرا سورج اُترے
اور چمکتا رہے ہر آنگن عید کے دن ۔۔۔!

 

[فرقان احمد]

چاند کو دیکھا تو یاد آگئی صورت تری
ہاتھ اٹھے ہیں مگر حرف دعا یاد نہیں!

 

[فرقان احمد]

جب تک تمام شہر مہکتا نہ پائیں ہم
کیسے یہ عید کی خوشیاں منائیں ہم!

 

[فہد اشرف]

عید کا دن ہے سو کمرے میں پڑا ہوں اسلمؔ
اپنے دروازے کو باہر سے مقفل کر کے
اسلم کولسری

 

[مریم افتخار]

ہاں جی پر لطف دن تھا. الحمد للہ امسال بھی اعتکاف کی توفیق دی مالک نے.

بے حد مبارک باد بھیا!

 

[عبدالقیوم چوہدری]

‏منگّ عید دا تحفہ کیا بھیجاں
جیہڑا شوقّاں نال سجّا بھیجاں
دو چیزاں ھِن مینڈھے سینے وِچ
دسّ دِل بھیجاں یا ساہ بھیجاں

 

[عبدالقیوم چوہدری]

‏دسو عید دا تحفہ کے لیئسو، چھلا مندری یا میں ہار دیواں
یا جگر چوں کڈھ کے رت دیواں یا جھنگ دی ونگ سرکار دیواں
دل پہلے ای جناب دے کول اے, دسو ہور میں کتنا پیار دیواں
اک جندڑی کول باقی ہے, کرو حکم تاں او وی وار دیواں

 

[فرقان احمد]

یہ دعا مانگتے ہیں ہم ۔۔۔۔۔۔۔۔۔۔۔ عید کے دن
باقی نہ رہے آپ کا کوئی غم ۔۔۔۔ عید کے دن

آپکے آنگن میں ہر روز خواہشوں بھرا چاند اُترے
اور مہکتا رہے پھولوں سے چمن ۔۔۔ عید کے دن

 

[فرقان احمد]

جس طرف تُو ہے، ادھر ہوں گی سبھی کی نظریں
عید کے چاند کا دیدار ۔۔۔۔۔۔۔۔۔۔۔۔۔۔۔ بہانہ ہی سہی !

امجد اسلام امجد

 

[فرقان احمد]

عید کا چاند جو دیکھا تو تمنا لپٹی
ان سے تقریب ملاقات کا رشتہ نکلا

رحمت قرنی

 

[جان]

اِہلِ دِل باقی مر چکے ہیں قیس
اور ہم عنقریب عید کے دن
شہزاد قیس

 

[جان]

قریب آؤ کوئی بات چھیڑیں موسم کی
چلو حنا ہی دِکھاؤ کہ عید آئی ہے

وُہ بولے آپ ہیں میرے بزرگ ، میں نے کہا
تو پھر یہ پیر دَباؤ کہ عید آئی ہے

شہزاد قیس

 

[فرقان احمد]

اس سے ملنا تو اسے عید مبارک کہنا
یہ بھی کہنا کہ مری عید مبارک کر دے
ٓ
دلاور علی آزر
ٓ
ٓ
ٓ

 

[فرقان احمد]

جس طرف تو ہے ادھر ہوں گی سبھی کی نظریں
عید کے چاند کا دیدار ۔۔۔۔۔۔۔۔۔۔۔۔۔۔۔۔۔ بہانہ ہی سہی!
ٓ
ٓ
ٓ
امجد اسلام امجد

 

[فرقان احمد]

تم ابھی آسماں کو تکتے ہو
شہر میں سب نے عید بھی کر لی
ٓ
ٓ
ٓ
ٓ
معین شاداب

 

[فرقان احمد]

میری خوشیوں سے وہ رشتہ ہے تمہارا اب تک
عید ہو جائے ۔۔۔۔۔۔۔۔۔۔۔۔۔ اگر عید مبارک کہہ دو

ٓ
ٓ
ٓ
نعمان شوق

 

[لاريب اخلاص]

اے ہوا تو ہی اسے عید مبارک کہیو
اور کہیو کہ کوئی یاد کیا کرتا ہے .

 

[فرقان احمد]

مہک اٹھی ہے فضا پیرہن کی خوشبو سے
چمن دلوں کا کھلانے کو ۔۔۔ عید آئی ہے
ٓ
ٓ
ٓ
محمد اسد اللہ

 

[فرقان احمد]

دریا کو کس کے ہجر نے پامال کردیا؟
پھر چاند رات میں اٹھی دیوانگی کی لہر

شہناز پروین سحر