عید اور چاند رات کے موضوعات پر اشعار!

[فرقان احمد]

سسکیاں ہجر گَزیدوں کی سِوا ہوتی گئیں
جانے کس دَرد کی ہوتا ہے دَوا عید کا چاند

شہزاد قیس

 

[یاسر شاہ]

قطعہ

حنا لگانے میں ہیں محو ،کوئی بات نہیں
دو بچوں پر بھی گلہ کیا کہ التفات نہیں
میاں !بڑی بی کی مہندی تو سوکھنے دیجے
یہ چاند رات ہے کوئی سہاگ رات نہیں​

 

[لاريب اخلاص]

پڑھیں گے ہم نمازِ عید اشکوں سے وضو کرکے
بچھا کر مُصلّی یاد کا سجدے گزاریں گے

 

[جان]

السلام علیکم! لڑی ھذا میں شرکت کرنے والے تمام احباب اور ان کے اہلخانہ کو میری طرف سے عیدالفطر کی ڈھیروں خوشیاں مبارک ہوں۔ سدا سلامت رہیں، شاد و آباد رہیں۔ آمین۔

 

[جاسمن]

میں عید پہ اتنا سویا جتنا سویا جاسکتا تھا،
پھر بھی تین دنوں میں کتنا سویا جاسکتا تھا!!

 

[جاسمن]

عید کا دن ہے گلے مل لیجے
اختلافات ہٹا کر رکھیے
عبدالسلام

 

[فرقان احمد]

جو لوگ گزرتے ہیں مسلسل رہ دل سے
دن عید کا ان کو ہو مبارک تہ دل سے

عبید اعظم اعظمی

 

[Azmat Rasool Ghumman]

عیدگاہِ ما غریباں روئے تو
انبساطِ عید دیدن روئے تو
صد ہزاراں عید قربانت کنم
اے ہلالِ ما خمِ ابروئے تو
(نامعلوم)​

ترجمہ:
ہم غریبوں کی عیدگاہ تیرا چہرہ ہے۔ عید کی مسرت تجھے دیکھنا ہے۔ اے میرے چاند، لاکھوں عیدیں تیرے ابروؤں کے خم پر قربان کر دوں!

السلام و علیکم
یہ امیر خسرو رحمتہ اللہ علیہ کا کلام ہے

 

[Azmat Rasool Ghumman]

سر یہ اشعار امداد اللہ مہاجر مکی (رح) کے ہیں..

نہیں یہ امیر خسرو رحمتہ اللہ علیہ کے ہیں

 

[شمشاد]

کہتے ہیں عید ہے آج اپنی بھی عید ہوتی
ہم کو اگر میسر جاناں کی دید ہوتی
غلام بھیک نیرنگ

 

[شمشاد]

میں چاند رات کا بھٹکا ہوا مسافر تھا
اندھیری رات میں تنہا کیا سفر میں نے
سعید نقوی

 

[ام اویس]

عید کے چاند غریبوں کو پریشاں نہ کر
تجھ کو معلوم نہیں زیست گراں ہے کتنی

 

[شمشاد]

وہ رقیب کے جو بغیر تھی
وہ جو چاند رات کی سیر تھی
انور مسعود

 

[سیما علی]

اس مہرباں نظر کی عنایت کا شکریہ
تحفہ دیا ہے عید پہ ہم کو جدائی کا

 

[سیما علی]

تجھ کو میری نہ مجھے تیری خبر جائے گی
عید اب کے بھی دبے پاؤں گزر جائے گی
ظفر اقبال

 

[سیما علی]

مہک اٹھی ہے فضا پیرہن کی خوشبو سے
چمن دلوں کا کھلانے کو عید آئی ہے
محمد اسد اللہ

 

[سیما علی]

گل نہ ہوگا تو جشن خوشبو کیا
تم نہ ہوگے تو عید کیا ہوگی
پروین شاکر

 

[سیما علی]

آج کے دن صاف ہوجاتا ہے دل اغیار کا
آؤ مل لو عید یہ موقع نہیں تکرار کا
منیر نیازی

 

[سیما علی]

دیکھا ہلال عید تو آیا تیرا خیال
وہ آسماں کا چاند ہے تو میرا چاند ہے

 

[سیما علی]

عید تو آ کے مرے جی کو جلاوے افسوس
جس کے آنے کی خوشی ہو وہ نہ آوے افسوس
مصحفی غلام ہمدانی