عید کی تیاریاں اور خوشیاں

[ظفری]

یہ دھاگہ اب اوپر آنا چاہیئے ۔

 

[شمشاد]

لگے ہاتھوں تعبیر کا سوالنامہ بھی ادھر ہی پوسٹ کر دیتے ہیں :

السلام علیکم​

امید ہے کہ آپ سب رمضان کی رحمتوں اور برکتوں سے فیض یاب ہو رہے ہونگے اب رمضان ہم سے رخصت ہونے ہی والا ہے اور عید کی آمد آمد ہے تو کیوں نا عید پر ایک ٹاپک ہو جائے ​

​

​

1)عید کے چاند کا اعلان سنتے یا دیکھتے ہی آپ کیا دعا مانگتے ہیں اور پہلا کام کیا کرتے ہیں مارکیٹ کا چکر یا کچن کا رخ یا ؟؟؟​

2)عید کی تیاریاں مکمل ہو گئی ہیں یا ابھی بھی مارکیٹ کے چکر لگ رہے ہیں؟
عید پر اس بار آپ کا جوڑا/ڈریس کس رنگ کا ہہے اور عید پر کتنے جوڑے بناتے ہیں اور جوتے کیسے خریدے ہیں اس بار؟​

3)عید آپ کی نظر میں کیا ہے اور عید کی خوبصورتی کیا ہے آپکی نظر میں،کس چیز کے بغیر عید کو ادھورا سمجھتے ہیں(جیسے رنگ،چوڑیاں،مہندی اور سویوں کے بغیر وغیرہ )

4)زیادہ تر آپ عید کیسے گزارتے ہیں اور عید کا آغاز کیسے کرتے ہیں،سو کر،دوسروں کے گھروں میں جاکر،مہمانوں کی آؤبھگت کر کے یا پکنک اور آؤٹنگ کر کے،یا اپنے آبائی قبرستان جا کر فاتح پڑھنے ،کالز کرنے،مسیجز پڑھنے اور بھیجنے میں وغیرہ وغیرہ؟؟؟

5 ) عید پر وہ ڈش جو آپ کے گھر ضرور بنتی ہے یا جس کی فرمائش ضرور کی جاتی ہے؟​

6 ) عید پر کیا کرنا بہت اچھا لگتا ہے ،کیا پسند ہے اور کیا ناپسند؟​

7 ) خود کسی کے گھر جانا پسند ہے یا کسی اور کا آپکی طرف آنا ؟​

8 ) اس بار کتنے عید کارڈز بھیجے اور موصول کیے،کوئی یادگار عید کارڈز انکا پیغام جو یہاں شیئر کرنا چاہیں؟​

9 ) عید کے حوالے سے کوئی خاص پیغام ،حدیث ،سنت یا آپکا پسندیدہ عید شعر، گانا وغیرہ وغیرہ ؟​

10 ) اس بار کتنی عیدی دینے اور لینے کا ارادہ ہے،کس ککس سے عیدی لیتے ہیں اور کس کس سے لیتے ہیں؟

11) عید کے حوالے سے کوئی پیغام یا کوئی یادگار عید،واقعہ جسے ہم سب کے ساتھ شیئر کرنا چاہیں؟​

 

[ظفری]

اب تعبیر بھی آجائیں کہ رمضان میں ہر کوئی شکوک و شباہت کا شکار ہوجاتا ہے ۔

 

[شمشاد]

کل آئی تھی۔ میں نے دیکھا تھا کہ زبیر بھائی والے سوالنامے کے جواب دے کر گئی ہیں۔

 

[ظفری]

اچھا ۔۔۔۔۔
ان کی لیئے جو دعا مانگی تھی لگتا ہے کہ اب وہ واپس مانگنی پڑے گی ۔

 

[شمشاد]

صاف صاف لکھیں، کیا واپس مانگنی پڑے گی؟

 

[زبیر مرزا]

یہ دھاگہ اب اوپر آنا چاہیئے ۔

دھاگے کو تو آپ اُوپر لے آئے لیکن جوابات کہاں ہیں آپ کے؟
نیلم نیرنگ خیال انیس الرحمن بھلکڑ امجد میانداد حسان خان
آپ سب کے جوابات کا انتظار ہے شاباش جلدی سے جوابات دیں اوریہ کام ابھی ہو تو اچھا ہے
چونکہ آپ کوئی مشہورومعروف شخصیات نہیں لہذا نخرے کرنا بیکار ہوگا
ہاں ظفری بھائی کے نخرے اُٹھانے کوتیار ہیں کیونکہ ان کی تحریروں کے ہم فین ہیں

 

[نیلم]

دھاگے کو تو آپ اُوپر لے آئے لیکن جوابات کہاں ہیں آپ کے؟
نیلم نیرنگ خیال انیس الرحمن بھلکڑ امجد میانداد حسان خان
آپ سب کے جوابات کا انتظار ہے شاباش جلدی سے جوابات دیں اوریہ کام ابھی ہو تو اچھا ہے
چونکہ آپ کوئی مشہورومعروف شخصیات نہیں لہذا نخرے کرنا بیکار ہوگا
ہاں ظفری بھائی کے نخرے اُٹھانے کوتیار ہیں کیونکہ ان کی تحریروں کے ہم فین ہیں

لیں جی آپ نے آواز دی ہم آگئے نیرنگ خیال نے تو مشہور ومعروف ہو ہی جانا ہے فلموں میں کام کرنے کے بعد ۔ہمارا کوئی چانس نہیں مہشور ومعروف ہونے کا اسی لیے ابھی دیتی ہوں جوابات

 

[محمد بلال اعظم]

ہممم
مزیدار دھاگہ ہے

 

[امجد میانداد]

لگے ہاتھوں تعبیر کا سوالنامہ بھی ادھر ہی پوسٹ کر دیتے ہیں :

السلام علیکم​

امید ہے کہ آپ سب رمضان کی رحمتوں اور برکتوں سے فیض یاب ہو رہے ہونگے اب رمضان ہم سے رخصت ہونے ہی والا ہے اور عید کی آمد آمد ہے تو کیوں نا عید پر ایک ٹاپک ہو جائے ​

​

1)عید کے چاند کا اعلان سنتے یا دیکھتے ہی آپ کیا دعا مانگتے ہیں اور پہلا کام کیا کرتے ہیں مارکیٹ کا چکر یا کچن کا رخ یا ؟؟؟

ہمیشہ ہر چاند دیکھ کر بابرکت ہونے اور سارا مہینہ بخیریت گزرنے کی دعا مانگتا ہوں،​

2)عید کی تیاریاں مکمل ہو گئی ہیں یا ابھی بھی مارکیٹ کے چکر لگ رہے ہیں؟

ہمارے گھر میں بچپن سے چاند رات ہی کو خریداری کا ٹرینڈ ہے اس لیے دونوں چاند راتوں میں شاپنگ کی جاتی ہے ( اَن کنفرمڈ چاند رات اور کنفرمڈ چاند رات)۔

عید پر اس بار آپ کا جوڑا/ڈریس کس رنگ کا ہہے اور عید پر کتنے جوڑے بناتے ہیں اور جوتے کیسے خریدے ہیں اس بار؟

چاند رات کو پتہ چلے گا

3)عید آپ کی نظر میں کیا ہے اور عید کی خوبصورتی کیا ہے آپکی نظر میں،کس چیز کے بغیر عید کو ادھورا سمجھتے ہیں(جیسے رنگ،چوڑیاں،مہندی اور سویوں کے بغیر وغیرہ )

عید میری نظر میں خوشی ہے اور خوشیاں بانٹنے اور سمیٹنے کا موقع نہ مل سکے تو ادھورا سمجھتا ہوں۔ (عیدی بٹورنے والی عمر میں خلاف معمول کریز نہیں رہا جبکہ اب بانٹنے کی عمر میں بہت ہے)

4)زیادہ تر آپ عید کیسے گزارتے ہیں اور عید کا آغاز کیسے کرتے ہیں،سو کر،دوسروں کے گھروں میں جاکر،مہمانوں کی آؤبھگت کر کے یا پکنک اور آؤٹنگ کر کے،یا اپنے آبائی قبرستان جا کر فاتح پڑھنے ،کالز کرنے،مسیجز پڑھنے اور بھیجنے میں وغیرہ وغیرہ؟؟؟

بچپن گزرنے کے بعد اب تو بس نہانے کے بعد گرتے پڑتے عیدہ گاہ پہنچتے ہیں اکثر وہ عید گاہ بڑی مشکل سے ڈھونڈنی پڑتی ہے جہاں ابھی نماز نہ ہوئی ہو، مہمانوں کی آؤ بھگت کر کے بہت خوشی ہوتی ہے، اور اچھے اچھے گانے لگاتا ہوں شوق سے۔

5 ) عید پر وہ ڈش جو آپ کے گھر ضرور بنتی ہے یا جس کی فرمائش ضرور کی جاتی ہے؟

شیرخورمہ اور چنا چاٹ اور ڈھیروں نمکو ہر طرح کی۔

6 ) عید پر کیا کرنا بہت اچھا لگتا ہے ،کیا پسند ہے اور کیا ناپسند؟

چونکہ ساری چاند رات ہم شاپنگ کر کے تھک ہار چکے ہوتے ہیں اس لیے عید کے دن سونا بہت اچھا لگتا ہے اچھا سا میوزک لگا کر کچھ خاموشی میں، سب کو اچھے اور نئے پہناوں میں دیکھ کر بہت اچھا لگتا ہے، اور ناپسند ہے یہ بات کہ اگر کوئی بزرگ عید کے لیے کوئی پہناوا نہ لینے کی ضد کرے یا لے کر عید پہ پہنے نا۔

7 ) خود کسی کے گھر جانا پسند ہے یا کسی اور کا آپکی طرف آنا ؟

مہمانوں کا آنا اور ان کی آؤ بھگت کرنا بہت اچھا لگتا ہے۔ دل چاہتا ہے سب لوگ ہمارے پاس ہی آ جائیں۔

8 ) اس بار کتنے عید کارڈز بھیجے اور موصول کیے،کوئی یادگار عید کارڈز انکا پیغام جو یہاں شیئر کرنا چاہیں؟

ابھی ڈیزائن کرنا ہے پھر بھیجنا ہے، وصول کوئی نہیں کیا ابھی تک،
یادگار پیغام ​

؎ غیروں میں ہے جو شاد اسے عید مبارک
ہم جس کو نہیں یاد اسے عید مبارک
معصوم سے ارمانوں کی معصوم سی دنیا
جو کر گیا برباد اسے عید مبارک

9 ) عید کے حوالے سے کوئی خاص پیغام ،حدیث ،سنت یا آپکا پسندیدہ عید شعر، گانا وغیرہ وغیرہ ؟

عید آئی میرا یار نئیں آیا
تینوں ویکھنے دا چاء پایا وے سجناں
عید آئی میرا یار نئیں آیا

10 ) اس بار کتنی عیدی دینے اور لینے کا ارادہ ہے،کس ککس سے عیدی لیتے ہیں اور کس کس سے لیتے ہیں؟

لینے والی تو اب کوئی بات نہیں دینا لینے والوں پر ڈیپینڈ کرتا ہے۔

11) عید کے حوالے سے کوئی پیغام یا کوئی یادگار عید،واقعہ جسے ہم سب کے ساتھ شیئر کرنا چاہیں؟​

کاش عید پہ کسی کا کوئی غم کوئی دکھ باقی نہ رہے۔ اور ہر ایک کم از کم اس ایک دن کو بھر پور خوشی سے منا سکے۔

 

[نیلم]

1)عید کے چاند کا اعلان سنتے یا دیکھتے ہی آپ کیا دعا مانگتے ہیں اور پہلا کام کیا کرتے ہیں مارکیٹ کا چکر یا کچن کا رخ یا ؟؟؟
دعا تو مانگتی ہوں دنیا اور آخرت میں بھلائی کی ۔اور دوسرا کام مہندی لگوانے کا کرتی ہوں

2)عید کی تیاریاں مکمل ہو گئی ہیں یا ابھی بھی مارکیٹ کے چکر لگ رہے ہیں؟
عید کی تیاری مکمل ہی ہے گرمیاں شروع ہوتے ہی کافی سارے کپڑے لے لیے تھے کچھ سلوا لیے ہیں کچھ ان سلے ہی رکھ دیے ہیں اُنہی میں سے ہی ایک پہنوں گی اور جوتے سسٹرز نے باہر سے بہجھوا دیئے ہیں ۔

عید پر اس بار آپ کا جوڑا/ڈریس کس رنگ کا ہہے اور عید پر کتنے جوڑے بناتے ہیں اور جوتے کیسے خریدے ہیں اس بار؟
پیچ کلر کا ہے سوٹ اور رہا سوال کے کتنے بناتی ہوں تو جوڑے تو پورا سال ہی بنتے رہتے ہیں موسم کی مناسبت سے ہی رمضان سے پہلے ہی میں نے کافی لے لیئے تھے۔کھاڈی عید کلیکیشن سے بھی ایک لے لیا ہے لیکن ان سلا ہی رکھ دیا ہے ۔دل ہی نہیں کیا سلائی کروانے کا۔کافی ہوگئے تھے۔۔جوتے بھی کافی سارے ہیں کچھ پہنے ہوئے بھی ہیں اور کچھ ایسے ہیں جو ابھی نہیں پہنے ہیں۔ سسٹرز بھیجواتی رہتی ہیں اُنہی میں سے کوئی سیلکیٹ کروں گی

یہ پہنوں گی عید پہ ۔۔یہ اورنج لگ رہا ہے لیکن ہے پیچ،،اس کا سلیو لیس ہے میں نے تھری کواٹرز بازو رکھوائے ہیں

3)عید آپ کی نظر میں کیا ہے اور عید کی خوبصورتی کیا ہے آپکی نظر میں،کس چیز کے بغیر عید کو ادھورا سمجھتے ہیں(جیسے رنگ،چوڑیاں،مہندی اور سویوں کے بغیر وغیرہ )
عید تیار شیار ہونے کا اور سب سے ملنے کا ایک بہانہ ہوتی ہے ۔مل بیٹھ کے سب کھاتے پیتے اور گپ شپ کرتے ہیں ۔

4)زیادہ تر آپ عید کیسے گزارتے ہیں اور عید کا آغاز کیسے کرتے ہیں،سو کر،دوسروں کے گھروں میں جاکر،مہمانوں کی آؤبھگت کر کے یا پکنک اور آؤٹنگ کر کے،یا اپنے آبائی قبرستان جا کر فاتح پڑھنے ،کالز کرنے،مسیجز پڑھنے اور بھیجنے میں وغیرہ وغیرہ؟؟؟
پہلے سب ہمارے گھر آتے ہیں فیملی میں سے پھر ہم سب کے گھر جاتے ہیں اور دوسرے دن سسٹرز اور بچہ پارٹی آجاتے ہیں

5 ) عید پر وہ ڈش جو آپ کے گھر ضرور بنتی ہے یا جس کی فرمائش ضرور کی جاتی ہے؟
عید پر کافی کچھ بنتا رہتا ہے ۔چاٹ ،سویاں ۔دن کے کھانے میں چکن کڑھائی اور رات میں پلاؤ اور دوسرے دن بریانی

6 ) عید پر کیا کرنا بہت اچھا لگتا ہے ،کیا پسند ہے اور کیا ناپسند؟
مل بیٹھ کے گپ شپ کرنا اچھا لگتا ہے ۔ناپسند کچھ بھی نہیں ہے

7 ) خود کسی کے گھر جانا پسند ہے یا کسی اور کا آپکی طرف آنا ؟
دونوں باتیں پسند ہیں

8 ) اس بار کتنے عید کارڈز بھیجے اور موصول کیے،کوئی یادگار عید کارڈز انکا پیغام جو یہاں شیئر کرنا چاہیں؟
کسی کو بھی نہیں بھیجا

9 ) عید کے حوالے سے کوئی خاص پیغام ،حدیث ،سنت یا آپکا پسندیدہ عید شعر، گانا وغیرہ وغیرہ ؟
ایسا تو اس وقت کچھ بھی دماغ میں نہیں آرہا

10 ) اس بار کتنی عیدی دینے اور لینے کا ارادہ ہے،کس ککس سے عیدی لیتے ہیں اور کس کس سے لیتے ہیں؟
ابو ،بھائی اور سسٹرز سے

11) عید کے حوالے سے کوئی پیغام یا کوئی یادگار عید،واقعہ جسے ہم سب کے ساتھ شیئر کرنا چاہیں؟
ایسا تو کچھ نہیں ہے خاص

 

[بھلکڑ]

دھاگے کو تو آپ اُوپر لے آئے لیکن جوابات کہاں ہیں آپ کے؟
نیلم نیرنگ خیال انیس الرحمن بھلکڑ امجد میانداد حسان خان
آپ سب کے جوابات کا انتظار ہے شاباش جلدی سے جوابات دیں اوریہ کام ابھی ہو تو اچھا ہے
چونکہ آپ کوئی مشہورومعروف شخصیات نہیں لہذا نخرے کرنا بیکار ہوگا
ہاں ظفری بھائی کے نخرے اُٹھانے کوتیار ہیں کیونکہ ان کی تحریروں کے ہم فین ہیں

یعنی آپ نے ہم کو سیدھا سیدھا ویہلا ہی کہہ دیا!!!!!
کہنا بنتا بھی ہے!!!!!
اچھا ہم اپنی فرسٹریشن جوابات پر نکال لیتے ہیں!!!!!!

 

[زبیر مرزا]

ماشاءاللہ امجد میانداد بھائی اور نیلم دلچسپ جوابات اور ان سے آپ کے معمولات عید کا پتہ چلا بہت اچھالگا آپ کے بارے
میں مزیدجان کر- بہت شکریہ آپ دونوں کا - جوابات پرتبصرے ہوں گے دھاگے کی میزبان تعبیر کی جانب سے اس لیے انتظارفرمائیں
ملائکہ بچے آپ بھی آجاو جوابات لے کر فلک شیر بھائی
اس جانب توجہ فرمائیں

 

[بھلکڑ]

السلام علیکم
امید ہے کہ آپ سب رمضان کی رحمتوں اور برکتوں سے فیض یاب ہو رہے ہونگے اب رمضان ہم سے رخصت ہونے ہی والا ہے اور عید کی آمد آمد ہے تو کیوں نا عید پر ایک ٹاپک ہو جائے ​

وعلیکم السلام
جی الحمدللہ!!!! اور رمضان تو ابھی آدھا پڑا ہوا ہے!!!! ہاں البتہ عید کی آمد ضرور ہو گی!!!!! ہو جائے ایک کیا دو ٹاپک ہو جائیں اپیا!!!!!!

​

1)عید کے چاند کا اعلان سنتے یا دیکھتے ہی آپ کیا دعا مانگتے ہیں اور پہلا کام کیا کرتے ہیں مارکیٹ کا چکر یا کچن کا رخ یا ؟؟؟​

عید کا چاند تو لوگ دیکھتے میں تو آزاد ہونے کی خوشی سے پھولے نہیں سماتا!!!! آزاد ہونے کے بعد مجھے بھی نہیں پتہ کہ کدھر کا رُخ کرتا ہوں کیونکہ ہر جگہ میرا ہی تذکرہ ہوتا اور قصور وار سبھی لوگ ہوتے ہیں الزام مجھ پر ڈالتے رہتے ہیں!!!!

2)عید کی تیاریاں مکمل ہو گئی ہیں یا ابھی بھی مارکیٹ کے چکر لگ رہے ہیں؟​

عید پر اس بار آپ کا جوڑا/ڈریس کس رنگ کا ہہے اور عید پر کتنے جوڑے بناتے ہیں اور جوتے کیسے خریدے ہیں اس بار؟
​

ارے ہماری کیا عید کی تیاریاں!!!!!!! ہم تو دیس میں رہتے ہوئے پردیسی ہیں!!!!!! ۔۔۔۔۔ اگر کچھ لینا ہوا تو وہ جانے تک لے لیا گیا ہو!!!
ویسے جوڑا تو ابھی سلوایا نہیں ۔۔۔۔اور جوتا کوئی پُرانا ہی چمکا لیں گے!!!!!!!!!

3)عید آپ کی نظر میں کیا ہے اور عید کی خوبصورتی کیا ہے آپکی نظر میں،کس چیز کے بغیر عید کو ادھورا سمجھتے ہیں(جیسے رنگ،چوڑیاں،مہندی اور سویوں کے بغیر وغیرہ )

میری نظر میں عید عید ہے بھئی!!!! ویسے عید تمام روزے داروں کے لئے تحفہ ہے۔۔۔۔اور اپنی غلطیاں سُدھارنے کا ایک نادر موقع یعنی پُرانی رنجشوں کو بھلا کر سبھی لوگوں کے ساتھ خوشی منانے کا ایک قیمتی چانس ہے۔۔۔ میری نظر میں گھر والوں کے بغیر عید ادھوری ہوتی ہے!!!! کیونکہ وہ ساتھ ہوں تو پھر سوٹ ،بوٹ ۔۔۔چوڑیاں نہ بھی ہوں تو کام چل جاتا ہے البتہ نہ ہوں تو جو مرضی لے آؤ عید کی خوشیوں کا وہ مزہ نہیں آنے کا
​

4)زیادہ تر آپ عید کیسے گزارتے ہیں اور عید کا آغاز کیسے کرتے ہیں،سو کر،دوسروں کے گھروں میں جاکر،مہمانوں کی آؤبھگت کر کے یا پکنک اور آؤٹنگ کر کے،یا اپنے آبائی قبرستان جا کر فاتح پڑھنے ،کالز کرنے،مسیجز پڑھنے اور بھیجنے میں وغیرہ وغیرہ؟؟؟

عید سے کچھ عرصہ پہلے ہی دل میں لڈو پھوٹنے لگتے تھے کہ چلو اسی بہانے گھر تو جائیں گے۔۔۔۔۔۔ پھر گھر جا کر دوستوں، عزیزوں اور اپنے گھر والوں کو ملتے ملاتے عید کا روز آجاتا ہے۔۔۔صبح ہی صبح تیار ہو کر گاؤں کیوں کہ عید سبھی لوگ (ہمارے خاندان میں ) گاؤں ہی کرتے ہیں ۔۔۔۔ پھر واپس آکر دعوتیں چلتی رہتی ہیں!!!!!

5 ) عید پر وہ ڈش جو آپ کے گھر ضرور بنتی ہے یا جس کی فرمائش ضرور کی جاتی ہے؟​

میٹھا کچھ بھی صبح صبح (ہاں یہ صبح یہاں والی صبح نہیں ہے ۔۔۔۔وہا ں واقعی صبح اُٹھنا پڑتا ہے)

6 ) عید پر کیا کرنا بہت اچھا لگتا ہے ،کیا پسند ہے اور کیا ناپسند؟​

ہہہہمممم۔۔۔ پسند ناپسند تو لڑکیوں کی ہوگی ۔۔ ہمارے ساتھ تو جو رونما ہو وہی بہترہے۔۔

7 ) خود کسی کے گھر جانا پسند ہے یا کسی اور کا آپکی طرف آنا ؟​

مجھے اپنے پرانے اساتذہ کو مل کر دلی خوشی ہوتی ہے سو جن سے ملا جاسکے ام سے ملنے ضرور جاتا ہوں۔۔۔۔

8 ) اس بار کتنے عید کارڈز بھیجے اور موصول کیے،کوئی یادگار عید کارڈز انکا پیغام جو یہاں شیئر کرنا چاہیں؟​

ہمارے ہاں اس قسم کا ایز سچ کوئی رواج نہیں !!!! البتہ ایس ایم ایس کا دور ہے تو ڈھیروں پیغامات ہوتے ہیں!!!!! بٹ اگنورڈ

9 ) عید کے حوالے سے کوئی خاص پیغام ،حدیث ،سنت یا آپکا پسندیدہ عید شعر، گانا وغیرہ وغیرہ ؟​

پہلے شاید نہیں تھا لیکن اب (یہ بھی اپنے کسی استاد سے سُنا تھا اس لئے کوئی نہ کوئی غلطی ضرور ہوگی نشاندہی پر ٹھیک کر دوں گا)​

عید کا روز ہے گلے اب تو مل لے ظالم
رسم دُنیا بھی ہے موقع بھی ہے دستور بھی ​

10 ) اس بار کتنی عیدی دینے اور لینے کا ارادہ ہے،کس ککس سے عیدی لیتے ہیں اور کس کس سے لیتے ہیں؟
​

کچھ عرصہ پہلے تک تو خوب بٹورتے تھے لیکن اب قد اتنا اونچا ہو گیا ہے کہ دینے والے بھی لینے والوں میں شامل ہو گئے ہیں !!!! اور بچہ پارٹی نے تو سب سے لینی ہی ہوتی ہے ۔۔سو بچنا مشکل ہے ۔
اور محفلین کو عیدی دینے کے بڑا ہی زور سے خیال آ رہا ہے تو چلو جی جو جو اس مراسلے کو زبردست کی ریٹنگ دے گا اس کو فردوس کی لان ملے گی ۔۔۔۔سو جلدی کرو مُسلمانو۔۔۔

11) عید کے حوالے سے کوئی پیغام یا کوئی یادگار عید،واقعہ جسے ہم سب کے ساتھ شیئر کرنا چاہیں؟

ارےہم کم عمروں سے کیسی کیسی اُمیدیں لگائے بیٹھے ہو ظالمو !!!!!
لیکن آپ کے دھاگے کے توسط سے ایک پیغام دے دیتے ہیں ​

؎ اُن کی طرف گزر ہو تو کہہ دینا اے نسیم
کرتا تھا یاد آج کوئی سوگوار عید​

 

[تعبیر]

اب تعبیر بھی آجائیں کہ رمضان میں ہر کوئی شکوک و شباہت کا شکار ہوجاتا ہے ۔

ہاہاہا
میں رمضان سے پہلے غائب تھی سو کوئی شکوک و شبہات کی گنجائش نہیں اب میں نے سوچا ہے کہ آخری عشرے میں غائب ہونا چاہئے تاکہ اچھا اچھا گمان ہو سب کو

 

[تعبیر]

یہ دھاگہ اب اوپر آنا چاہیئے ۔

آپ کے جوابات کہاں ہیں ؟ پھر اوپر لانے کا مطلب

اچھا ۔۔۔ ۔۔
ان کی لیئے جو دعا مانگی تھی لگتا ہے کہ اب وہ واپس مانگنی پڑے گی ۔

کونسی دعا؟؟؟

 

[ظفری]

ہماری تو دعا ہے کہ آپ یونہی مسکراتیں اور خوش رہیں ۔ اور اسی طرح محفل پر آتیں رہیں ۔
اور باقی یہ کہ آپ خاتونِ خانہ ہیں ہم سمجھ سکتے ہیں کہ آپ کی رمضان اور عید پر کیا مصروفیات ہونگیں ۔

 

[تعبیر]

ماشاءاللہ امجد میانداد بھائی اور نیلم دلچسپ جوابات اور ان سے آپ کے معمولات عید کا پتہ چلا بہت اچھالگا آپ کے بارے
میں مزیدجان کر- بہت شکریہ آپ دونوں کا - جوابات پرتبصرے ہوں گے دھاگے کی میزبان تعبیر کی جانب سے اس لیے انتظارفرمائیں
ملائکہ بچے آپ بھی آجاو جوابات لے کر فلک شیر بھائی قرۃالعین اعوان
اس جانب توجہ فرمائیں

زحال اس بار آپ میزبان ہیں اس دھاگے کہ میں نے تو اسے پچھلے سال پوسٹ کیا تھا اور سب نے یہاں جوابات آپ کے کہنے پر پوسٹ کیے ہیں۔ بھلکڑ تو مجھے جانتے بھی نہیں ہونگے کہ میں کون ہوں؟ ابھی جاوید سے بھی اتنی گپ شپ نہیں ہوئی ہے۔

 

[تعبیر]

ہماری تو دعا ہے کہ آپ یونہی مسکراتیں اور خوش رہیں ۔ اور اسی طرح محفل پر آتیں رہیں ۔
اور باقی یہ کہ آپ خاتونِ خانہ ہیں ہم سمجھ سکتے ہیں کہ آپ کی رمضان اور عید پر کیا مصروفیات ہونگیں ۔

جزاک اللہ خیر
آپ کے لیے بھی یہی دعا ہے کہ اللہ آپ کو بھی خوش رکھے اور آپ یونہی ہنستے اور ہنساتے رہیں
مصروفیات کے علاوہ اس بار گرمی یہاں بھی بہت ہے اور اوپر سے بیس گھنٹے کا روزہ ہنت ہی نہیں رہتی کچھ کرنے کی۔

 

[ظفری]

آپ کے جوابات کہاں ہیں ؟ پھر اوپر لانے کا مطلب


کونسی دعا؟؟؟

جو سوالات آپ نے پوچھے ہیں وہ ہمارے حالات سے مطابقت نہیں رکھتے ۔ جوابات کیا دیں ۔
وہ یہ کہ ہم اکثر رمضان میں غائب رہتے ہیں ۔ اور خصوصاً شمشاد بھائی ہمارے بارے میں شکوک و شہبات کا شکار ہوجاتے ہیں ۔ دعا کی کہ آپ اس سلسلے میں ہمارا ساتھ دیں کہ یک نہ دو شد والی کہاوت کا اطلاق کیا جاسکے ۔