غزل: ایک دن، اک عدد لڑائی کی

[محمداحمد]

غزل

ایک دن، اک عدد لڑائی کی
اور بصد شدّ و مد لڑائی کی

جب نہ رستہ فرار کا پایا
تب بصد ردّ و کد لڑائی کی

رشک کرتے رہے مقابل پر
اور ورائے حسد لڑائی کی

بڑھ گیا اعتماد اپنے پر
جب نہ پہنچی رسد، لڑائی کی

آج آئی تھی صلح کی تجویز
وہ بھی کی ہم نے رد، لڑائی کی

اِس کی خاطر الجھ گئے اُس سے
بر بِنائے مدد لڑائی کی

ہر کسی سے نہیں لڑے ہم بھی
دیکھ کر نیک و بد، لڑائی کی

اب تو احمدؔ خدا خدا کیجے
کوئی ہوتی ہے حد لڑائی کی

محمد احمدؔ​

 

[محمد عدنان اکبری نقیبی]

بہت شاندار بہتر ین مجموعہ لڑائی
ویسے آپس کی بات ہے بھیا آپ کو ہم جہاں تک جانتے ہیں کہ آپ بہت صلح پسند ہیں مگر آپ نے کیوں لڑائی کی۔

 

[محمداحمد]

بہت شاندار بہتر ین مجموعہ لڑائی

ویسے آپس کی بات ہے بھیا آپ کو ہم جہاں تک جانتے ہیں کہ آپ بہت صلح پسند ہیں مگر آپ نے کیوں لڑائی کی۔

ہاہاہا۔۔۔!

غزل کے دوسرے شعر میں وجہ دیکھی جا سکتی ہے۔

باقی یہ کہ وہ ہمیں مستقل لڑائی پر اُکساتی رہی!

یعنی غزل کی ردیف۔

 

[محمد تابش صدیقی]

ہر کسی سے نہیں لڑے ہم بھی
دیکھ کر نیک و بد، لڑائی کی

بہت خوب۔ احمد بھائی

 

[محمد عبدالرؤوف]

بہت خوب احمد بھائی۔ اچھی لڑائی کی

 

[عرفان علوی]

غزل

ایک دن، اک عدد لڑائی کی
اور بصد شدّ و مد لڑائی کی

جب نہ رستہ فرار کا پایا
تب بصد ردّ و کد لڑائی کی

رشک کرتے رہے مقابل پر
اور ورائے حسد لڑائی کی

بڑھ گیا اعتماد اپنے پر
جب نہ پہنچی رسد، لڑائی کی

آج آئی تھی صلح کی تجویز
وہ بھی کی ہم نے رد، لڑائی کی

اِس کی خاطر الجھ گئے اُس سے
بر بِنائے مدد لڑائی کی

گاہ دے کر اُدھار بھول گئے
گاہ دے کر نقد، لڑائی کی

ہر کسی سے نہیں لڑے ہم بھی
دیکھ کر نیک و بد، لڑائی کی

اب تو احمدؔ خدا خدا کیجے
کوئی ہوتی ہے حد لڑائی کی

محمد احمدؔ​

احمد صاحب، بہت عمدہ غزل ہے . داد قبول فرمائیے . اجازت ہو تو ایک سوال ہے . کیا لفظ ’نقد‘ میں حرف ’قاف‘ بفتحہ بھی روا ہے؟

 

[محمداحمد]

احمد صاحب، بہت عمدہ غزل ہے . داد قبول فرمائیے

بہت شکریہ عرفان صاحب ممنون ہوں۔

اجازت ہو تو ایک سوال ہے . کیا لفظ ’نقد‘ میں حرف ’قاف‘ بفتحہ بھی روا ہے؟

نقد کی قاف پر سکون ہی ہے۔ میں نے سہواً اسے غلط باندھ دیا۔ نشاندہی کے لیے ممنون ہوں۔

جزاک اللّہ!

 

[محمداحمد]

بہت خوب۔ احمد بھائی

بہت شکریہ تابش بھائی!

بے حد ممنون ہوں۔

 

[محمداحمد]

بہت خوب احمد بھائی۔ اچھی لڑائی کی

بہت شکریہ محمد عبدالرؤوف بھائی!

جیتے رہہے!

 

[امین شارق]

غزل اچھی کہی ہے احمد یہ
اتنی جد و جہد لڑائی کی؟؟؟

 

[La Alma]

شکر ہے لڑائی سرحدوں (ردیف) تک ہی رہی۔

 

[الف عین]

خوب لڑائی کی ہے محمداحمد

 

[نوید ناظم]

ایسی لڑائی پر داد احمد بھائی۔اب صلح نہ کیجیے گا خدارا!

 

[گُلِ یاسمیں]

احمد بھائی کیا ہی زبردست لڑائی کی۔
ایسی کہ صلح کروانے کو بھی دل نہ چاہے۔
ڈھیروں داد قبول کیجئیے اور لڑائی جاری رکھئیے

 

[نیرنگ خیال]

کیا داستان مسلسل ہے۔۔۔۔ بہت اعلی و عمدہ۔۔۔

احمد بھائی مجھے ایسے لگتا ہے کہ اس غزل کے سادہ ہونے کے باوجود ممکن ہے اس کے معانی تک لوگوں کی رسائی نہ ہو سکے۔ اگر آپ کو بھی ایسا لگتا ہے تو آپ کے حکم پر یہ ناچیز شرح بیان کرنے میں کسی تامل سے کام نہ لے گا۔

 

[گُلِ یاسمیں]

کیا داستان مسلسل ہے۔۔۔۔ بہت اعلی و عمدہ۔۔۔

احمد بھائی مجھے ایسے لگتا ہے کہ اس غزل کے سادہ ہونے کے باوجود ممکن ہے اس کے معانی تک لوگوں کی رسائی نہ ہو سکے۔ اگر آپ کو بھی ایسا لگتا ہے تو آپ کے حکم پر یہ ناچیز شرح بیان کرنے میں کسی تامل سے کام نہ لے گا۔

اجازت چھوڑئیے احمد بھائی کی

سرگوشی

ہم سب منتظر محفلین کی رائے اور خواہش کو اہمیت دیجئیے نین بھائی

 

[نیرنگ خیال]

اھازت چھوڑئیے احمد بھائی کی

سرگوشی

ہم سب منتظر محفلین کی رائے اور خواہش کو اہمیت دیجئیے نین بھائی

جھوٹے منہ ہی سہی۔۔۔۔ ہاں یا نہ کی ضرورت بہرحال ہے۔ اگر وہ نہ کریں تو ہم کہیں کہ زبان خلق کو نقارہ خدا سمجھو وغیرہ وغیرہ۔۔۔ اور اگر ہاں کہیں تو بس پھر۔۔۔ :ڈی

 

[سید عاطف علی]

کیا داستان مسلسل ہے۔۔۔۔ بہت اعلی و عمدہ۔۔۔

احمد بھائی مجھے ایسے لگتا ہے کہ اس غزل کے سادہ ہونے کے باوجود ممکن ہے اس کے معانی تک لوگوں کی رسائی نہ ہو سکے۔ اگر آپ کو بھی ایسا لگتا ہے تو آپ کے حکم پر یہ ناچیز شرح بیان کرنے میں کسی تامل سے کام نہ لے گا۔

اتنے ٹھگنے ہیں اس کے سامنے ہم
دیکھ کر اس نے قد لڑائی کی
یہ آپ کی فکر کو تازیانہ لگانے کے لیے آمد ہوئی ہے ۔دوڑنا دوڑانا آپ کا کام ہے ۔
محمد احمد بھائی! آپ کی وسعت قلبی سے پیشگی معذرت کے ساتھ ۔

 

[نیرنگ خیال]

اتنے ٹھگنے ہیں اس کے سامنے ہم
دیکھ کر اس نے قد لڑائی کی
یہ آپ کی فکر کو تازیانہ لگانے کے لیے آمد ہوئی ہے ۔دوڑنا دوڑانا آپ کا کام ہے ۔
محمد احمد بھائی! آپ کی وسعت قلبی سے پیشگی معذرت کے ساتھ ۔

ہوہوہہوہوو
چھوٹی سی شرارت جو ہم نے کی
دیکھ کر اس نے شرح بد لڑائی کی

 

[گُلِ یاسمیں]

جھوٹے منہ ہی سہی۔۔۔۔ ہاں یا نہ کی ضرورت بہرحال ہے۔ اگر وہ نہ کریں تو ہم کہیں کہ زبان خلق کو نقارہ خدا سمجھو وغیرہ وغیرہ۔۔۔ اور اگر ہاں کہیں تو بس پھر۔۔۔ :ڈی

مگر یہ جھوٹا منہ ہو گا کس کا؟