غزل ۔ الگ تھلگ رہے کبھی، کبھی سبھی کے ہو گئے ۔ محمد احمدؔ

[محمداحمد]

غزل

الگ تھلگ رہے کبھی، کبھی سبھی کے ہو گئے
جنوں کا ہاتھ چُھٹ گیا تو بے حسی کے ہو گئے

طلب کی آنچ کیا بجھی، بدن ہی راکھ ہو گیا
ہوا کے ہاتھ کیا لگے، گلی گلی کے ہو گئے

بہت دنوں بسی رہی تری مہک خیال میں
بہت دنوں تلک ترے خیال ہی کے ہوگئے

چراغِ شام بجھ گیا تو دل کے داغ جل اُٹھے
پھر ایسی روشنی ہوئی کہ روشنی کے ہو گئے

سخن پری نے ہجر کو بھی شامِ وصل کر دیا
تری طلب سِوا ہوئی تو شاعری کے ہوگئے

محمد احمدؔ​

 

[محمداحمد]

یہ پرانی غزل ہے۔ اردو محفل مشاعرے میں پیش کی تھی ۔ سوچا آپ کی شاعری میں بھی لگا دی جائے۔

 

[عبد الرحمن]

الگ تھلگ رہے کبھی، کبھی سبھی کے ہو گئے
جنوں کا ہاتھ چُھٹ گیا تو بے حسی کے ہو گئے

واہ! بہت خوب!

ماشاء اللہ ہر شعر ہی لائق داد ہے۔

 

[نیرنگ خیال]

واہ۔۔۔۔ سبحان اللہ۔۔۔ زبردست۔۔۔ لطف آگیا۔۔۔ اک اک شعر عمدہ و اعلیٰ۔۔۔ بہت ہی شاندار

طلب کی آنچ کیا بجھی، بدن ہی راکھ ہو گیا
ہوا کے ہاتھ کیا لگے، گلی گلی کے ہو گئے

چراغِ شام بجھ گیا تو دل کے داغ جل اُٹھے
پھر ایسی روشنی ہوئی کہ روشنی کے ہو گئے


واہ لاجواب سئیں۔۔۔

 

[محمد اسامہ سَرسَری]

بہت ہی عمدہ کلام ہے۔
پُر لطف غزل پر ڈھیروں داد قبول فرمائیے۔

 

[محمداحمد]

الگ تھلگ رہے کبھی، کبھی سبھی کے ہو گئے
جنوں کا ہاتھ چُھٹ گیا تو بے حسی کے ہو گئے

واہ! بہت خوب!

ماشاء اللہ ہر شعر ہی لائق داد ہے۔

بہت شکریہ عبدالرحمٰن بھائی۔۔۔!

آپ کی محبت کے لئے ممنون ہوں۔

 

[محمد یعقوب آسی]

بہت خوب

 

[ساقی۔]

ساری غزل ہی لاجواب ہے ۔مگر یہ شعر کمال کے ہیں۔
طلب کی آنچ کیا بجھی، بدن ہی راکھ ہو گیا
ہوا کے ہاتھ کیا لگے، گلی گلی کے ہو گئے

چراغِ شام بجھ گیا تو دل کے داغ جل اُٹھے
پھر ایسی روشنی ہوئی کہ روشنی کے ہو گئے

زبردست !





























محمد احمد بھائی آپ کیا کہتے ہیں کیا یہ شعر "کمال کے" ہیں۔

 

[الشفاء]

ہوا کے ہاتھ کیا لگے گلی گلی کے ہو گئے۔ واہ۔ بہت خوب۔۔۔

 

[فرحت کیانی]

واہ واہ واہ. بہت خوب. بہترین.
اللہ کرے زور قلم اور زیادہ.

 

[سلمان حمید]

بہت ہی خوب جناب۔ مزہ آگیا

 

[محمد خلیل الرحمٰن]

ایک مرتبہ پھر دادا قبول فرمائیے جناب۔ واہ کیا بات ہے۔

 

[سید ذیشان]

خوبصورت غزل احمد بھائی بہت ساری داد۔

جنوں کا ہاتھ چُھٹ گیا تو بے حسی کے ہو گئے

تو گویا آپ نے جِنوں سے بھی دوستی کر لی ہے۔

 

[فلک شیر]

سخن پری نے ہجر کو بھی شامِ وصل کر دیا
تری طلب سِوا ہوئی تو شاعری کے ہوگئے
کیا نسخہ ہاتھ لگا ہے حضور...........................مقدروں والے ہیں
سلمت یداک یا احمد بھائی........

 

[ساقی۔]

خوبصورت غزل احمد بھائی بہت ساری داد۔

جنوں کا ہاتھ چُھٹ گیا تو بے حسی کے ہو گئے
تو گویا آپ نے جِنوں سے بھی دوستی کر لی ہے۔

صرف جنوں سے نہیں۔

سخن پری نے ہجر کو بھی شامِ وصل کر دیا
تری طلب سِوا ہوئی تو شاعری کے ہوگئے

ہوائی مخلوق سے خوب تعلقات کو فروغ دیا ہے محمد احمد بھائی نے۔

 

[مہدی نقوی حجاز]

بہترین!

 

[محمداحمد]

واہ۔۔۔ ۔ سبحان اللہ۔۔۔ زبردست۔۔۔ لطف آگیا۔۔۔ اک اک شعر عمدہ و اعلیٰ۔۔۔ بہت ہی شاندار

طلب کی آنچ کیا بجھی، بدن ہی راکھ ہو گیا
ہوا کے ہاتھ کیا لگے، گلی گلی کے ہو گئے

چراغِ شام بجھ گیا تو دل کے داغ جل اُٹھے
پھر ایسی روشنی ہوئی کہ روشنی کے ہو گئے


واہ لاجواب سئیں۔۔۔

بہت شکریہ نین بھائی،

آپ کی داد پا کر نہال ہو گئے ہیں ہم۔

 

[محمداحمد]

بہت ہی عمدہ کلام ہے۔
پُر لطف غزل پر ڈھیروں داد قبول فرمائیے۔

بہت شکریہ اسامہ بھائی ۔۔۔!

 

[محمداحمد]

بہت خوب

بہت شکریہ محترم ۔۔۔۔!

غزل کے لئے آپ کی پسندیدگی میرے لئے بہت خوشی کی بات ہے۔

 

[محمداحمد]

ساری غزل ہی لاجواب ہے ۔مگر یہ شعر کمال کے ہیں۔
طلب کی آنچ کیا بجھی، بدن ہی راکھ ہو گیا
ہوا کے ہاتھ کیا لگے، گلی گلی کے ہو گئے

چراغِ شام بجھ گیا تو دل کے داغ جل اُٹھے
پھر ایسی روشنی ہوئی کہ روشنی کے ہو گئے

زبردست !
۔۔۔۔۔

محمد احمد بھائی آپ کیا کہتے ہیں کیا یہ شعر "کمال کے" ہیں۔

ساقی بھیا آپ کا خصوصی شکریہ کہ آپ نے "کمال کے اشعار" کی داد بھی خاکسار کی نذر کر دی۔