غلتی ہائے مزامین مط پوچھ

[سروش]

جہاں تیرا نقش قدم دیکھتے ہیں
خیاباں خیاباں اَرم دیکھتے ہیں
دل آشفتگاں خالِ کنجِ دہن کے
سویدا میں سیرِ عدم دیکھتے ہیں
ترے سروِ قامت سے اک قدِ آدم
قیامت کے فتنے کو کم دیکھتے ہیں
تماشا کر اے محوئے آئینہ داری
تجھے کس تمنّا سے ہم دیکھتے ہیں
سراغِ تُفِ نالہ لے داغِ دل سے
کہ شب رو ئے کا نقشِ قدم دیکھتے ہیں
بنا کر فقیروں کا ہم بھیس غالبؔ
تماشہء اہلِ کرم دیکھتے ہیں

 

[محمد خلیل الرحمٰن]

غالب کی غزل ایک انوکھے انداز میں

غالب - جہاں تیرا نقش قدم دیکھتے ھیں از مرزا غالب

 

[محمد ریحان قریشی]

تماشا کر اے محوئے آئینہ داری

تماشا کر اے محوِ آئینہ داری

کہ شب رو ئے کا نقشِ قدم دیکھتے ہیں

کہ شب رَو کا نقشِ قدم دیکھتے ہیں

تماشہء اہلِ کرم دیکھتے ہیں

تماشائے اہلِ کرم دیکھتے ہیں

 

[محمد خلیل الرحمٰن]

ایک بادشاہ کے رقعہ نویس اردو املا میں کمزور تھے( اردو پرچہ بی ہی بڑی مشکل سے پاس کیا تھا) ۔ ایک دن بادشاہ کا ایک خاص جاسوس ملنے کے لیے حاضر ہوا۔ واپسی پر بادشاہ نے فصیلِ شہر کے رکھوالوں کے نام ایک وثیقہ لکھوادیا تاکہ بوقتِ ضرورت کام آئے۔

انھوں نے لکھا:
"پحرے پر موجود سپاہیوں کے نام
ہاملے ہازا ایک خاص شخس ہے اس لئے اسے روکو مت جانے دو۔
بہکم بادشاہے وقت"

 

[سروش]

محمد ریحان قریشی بھائی ، دو غلطیاں اور ہیں !!!

 

[محمد تابش صدیقی]

محمد ریحان قریشی بھائی ، دو غلطیاں اور ہیں !!!

جہاں تیرا نقش قدم دیکھتے ہیں

جہاں تیرا نقشِ قدم دیکھتے ہیں

خیاباں خیاباں اَرم دیکھتے ہیں

خیاباں خیاباں اِرم دیکھتے ہیں

 

[سروش]

محمد تابش صدیقی بھائی ، ایک یہ بھی ہے :

ترے سروِ قامت سے اک قدِ آدم​

 

[محمد خلیل الرحمٰن]

محمد تابش صدیقی بھائی ، ایک یہ بھی ہے :

ترے سروِ قامت سے اک قدِ آدم​

یہ

ترے سرو قامت سے اِک قدِّ آدم​

ہی ہے

 

[سروش]

" و " کے نیچے زیر دیکھئے

ترے سر​

وِ ​

قامت سے اک قدِ آدم​

 

[زیک]

خبرادر جو کسی نے غلطی درست کی تو:

آج پھر پینے کی تمنا ہے
آج پھر مرنے کا ارادہ ہے

دوسری غلطی کہ پینے سے کون مرتا ہے

 

[محمد خلیل الرحمٰن]

" و " کے نیچے زیر دیکھئے

ترے سر
وِ
قامت سے اک قدِ آدم​

اوہو آپ غلطی کی نشاندھی کررہے ہیں۔ بالکل درست!

 

[محمد وارث]

دوسری غلطی کہ پینے سے کون مرتا ہے

ابھی کچھ عرصہ قبل سندھ میں مرے تھے، سابق وزیر اعلیٰ صاحب نے "فتویٰ" دیا کہ یہ بھی "شہید" ہی ہیں

 

[محمد عدنان اکبری نقیبی]

ابھی کچھ عرصہ قبل سندھ میں مرے تھے، سابق وزیر اعلیٰ صاحب نے "فتویٰ" دیا کہ یہ بھی "شہید" ہی ہیں

وہ تو صاحب خود بھی شوق فرماتے ہیں شاید اس لیے شہید کا فتوی دے دیا تاکہ مستقبل میں وہ بھی اس عہدے پر فائز ہوسکے۔

 

[سروش]

وہ تو صاحب خود بھی شوق فرماتے ہیں

وہ صاحب پرانے والے تھے یا نئے والے ہیں؟ پرانے والے تو شوق ہی نہیں فرماتے تھے ، ہمیشہ اسی کیفیت میں مبتلا رہتے تھے شاید۔
یہاں زیک صاحب شاید کسی اور طرف اشارہ کررہے ہیں کہ " پینے سے کون مرتا ہے " ، مگر سچ بات یہ ہے کہ زیادتی کسی بھی چیز کی ہو نقصان دہ ہی ہوتی ہے ، اگرچہ کہ وہ پانی ہی کیوں نہ ہو ۔

 

[سروش]

غلطی تلاش کریں :
اے ساقنان عرش بریں غور تو کرو
کس حال میں ہیں اہل زمیں غور تو کرو
یوں سرسری گذرا نہ کرو ہماری طرف سے تم
کہیں ہم گذر نہ جائیں کہیں غور تو کرو

 

[محمد عدنان اکبری نقیبی]

غلطی تلاش کریں :
اے ساقنان عرش بریں غور تو کرو
کس حال میں ہیں اہل زمیں غور تو کرو
یوں سرسری گذرا نہ کرو ہماری طرف سے تم
کہیں ہم گذر نہ جائیں کہیں غور تو کرو

ساکنان،گزرا،گزر

 

[ام اویس]

ایک بادشاہ کے رقعہ نویس اردو املا میں کمزور تھے( اردو پرچہ بی ہی بڑی مشکل سے پاس کیا تھا) ۔ ایک دن بادشاہ کا ایک خاص جاسوس ملنے کے لیے حاضر ہوا۔ واپسی پر بادشاہ نے فصیلِ شہر کے رکھوالوں کے نام ایک وثیقہ لکھوادیا تاکہ بوقتِ ضرورت کام آئے۔

انھوں نے لکھا:
"پحرے پر موجود سپاہیوں کے نام
ہاملے ہازا ایک خاص شخس ہے اس لئے اسے روکو مت جانے دو۔
بہکم بادشاہے وقت"

انہوں نے لکھا

"پہرے پر موجود سپاہیوں کے نام
حاملِ ھٰذا ایک خاص شخص ہے اس لیے اسے روکو مت جانے دو ۔
بحکم بادشاہِ وقت "

 

[محمد وارث]

"تین دوست کہیں بیٹھے تھے۔
پہلا بولا، روٹی ووٹی کھا کر جانا۔
دوسرا بولا، روٹی شوٹی کا کیا ہے، کھا لیں گے۔
تیسرے نے کہا، روٹی موٹی گھر میں جا کر کھائیں گے۔
سوال یہ ہے کہ ان تینوں کی مادری زبان کون کون سی ہو سکتی ہے؟ "

 

[سروش]

1. اردو
2.ہنجابی
3.سندھی

 

[محمد وارث]

1. اردو
2.ہنجابی
3.سندھی

ہنجابی شاید پنجابی ہے۔ باقی غور فرمائیے۔