فرخ منظور کی تک بندیاں

[فرخ منظور]

خواہشیں کیوں لہو میں پلتی ہیں
جسم کی موت سے جو ٹلتی ہیں

ہورہے ہم اسی کے پروانے
شمعیں آنکھوں میں جس کی جلتی ہیں

(فرخ منظور)​

​

​

 

[فرخ منظور]

کل رات ہم نے جس سے لپٹ کر گزار دی
پیکر تھا تیرا وہ یا کوئی نقشِ دود تھا

(فرخ منظور)​

 

[فرخ منظور]

اچھا ہوا کہ تم بھی کسی اور کے ہوئے
کچھ تو کمی ہوئی مرے ہجر و وصال میں

(فرخ منظور)​

​

​

 

[فرخ منظور]

واعظ کی سنیں کیا کہ نہ طاقت ہے نہ فرصت
ایسے میں ہمیں رندِ خرابات بہت ہے

(فرخ منظور)​

 

[فرخ منظور]

دل کی چوٹیں بھلا رہا تھا وہ
اک نئی دھن میں گا رہا تھا وہ
(فرخ منظور)​

 

[فرخ منظور]

میں کنجِ ہجر میں بیٹھا ہوں کب سے
نصابِ وصل ہی پڑھتا رہا ہوں
(فرخ منظور)​

 

[فرخ منظور]

اِک مجسّم غزل ہے اس کا بدن
پھر قیامت ہے شاعری اُس کی

(فرخ منظور)​

 

[نایاب]

بہت خوب
بہت سی دعاؤں بھری داد
ڈھیروں دعائیں

 

[فرخ منظور]

بہت خوب
بہت سی دعاؤں بھری داد
ڈھیروں دعائیں

بہت عنایت۔ خوش رہیے۔

 

[محمد تابش صدیقی]

بہت خوب۔
یعنی پھر مشاعرہ میں آپ کی شرکت کا منتظر رہا جائے۔

 

[ماہی احمد]

اچھا ہوا کہ تم بھی کسی اور کے ہوئے
کچھ تو کمی ہوئی مرے ہجر و وصال میں

(فرخ منظور)​

یہ شعر ان تمام سوٹوں اور چیزوں کے لئیے جو میں خریدنا چاہتی تھی... مگر مجھ سے پہلے وہ "آخری پیس" کوئی اور لے گیا....

 

[فرخ منظور]

یہ شعر ان تمام سوٹوں اور چیزوں کے لئیے جو میں خریدنا چاہتی تھی... مگر مجھ سے پہلے وہ "آخری پیس" کوئی اور لے گیا....

پہلے میں سمجھا شاید سگریٹ والے سُوٹوں کی بات کر رہی ہیں۔

 

[ماہی احمد]

پہلے میں سمجھا شاید سگریٹ والے سُوٹوں کی بات کر رہی ہیں۔

استغفرللہ....

 

[فرخ منظور]

سرما کے پرندوں کا سفر دیکھا تو سوچا
شاعر کا تخیّل ہے ذرا عرش سے آگے

(فرخ منظور)​

 

[فرخ منظور]

مہِ دو ہفتہ کی چھاؤں، شراب ہاتھ میں ہے
سرور و لذت و فتنہ، فساد ہاتھ میں ہے
(فرخ منظور)​

 

[حسن ترمذی]

میں کنجِ ہجر میں بیٹھا ہوں کب سے
نصابِ وصل ہی پڑھتا رہا ہوں
(فرخ منظور)​

واہ واہ
بہت ہی خوب سر جی
نصاب وصل ہی پڑھتا رہا ہوں

 

[حسن ترمذی]

مہِ دو ہفتہ کی چھاؤں، شراب ہاتھ میں ہے
سرور و لذت و فتنہ، فساد ہاتھ میں ہے
(فرخ منظور)​

آہا کمال

 

[فرخ منظور]

واہ واہ
بہت ہی خوب سر جی
نصاب وصل ہی پڑھتا رہا ہوں

بہت عنایت۔

 

[فرخ منظور]

آہا کمال

شکریہ جناب۔ خوش رہیے۔

 

[فرخ منظور]

بہت خوب۔
یعنی پھر مشاعرہ میں آپ کی شرکت کا منتظر رہا جائے۔

عجیب بات ہے۔ آپ کا مراسلہ میں نے آج دیکھا۔ دراصل میں کوئی شاعر نہیں ہوںِ یہ ایسے ہی چلتے پھرتے کی تک بندیاں ہیں۔