فنِ خطاطی: وقت کی دھول میں گُم ہوتا پیشہ!
- صاحب لڑی arifkarim
- تاریخ ابتداء
زیک
مسافر
چارم تو ناسٹالجیا کی وجہ سے ہے۔ مگر سوال یہ ہے کہ ٹیکنالوجی ہاتھ کی خطاطی کے معیار کو کیوں نہیں پہنچ سکتی؟
زیک
مسافر
ہر بچے کو خطاطی کی تعلیم دینا وقت اور پیسے کا زیاں ہے۔شکریہ،آپ نے ٹیگ کیا ہوا ہے، لیکن ٹیگ نہیں ملا۔
پاکستان میں اگر اسکولوں میں خطاطی کی تعلیم دی جائے تو بہت اچھا ہو جانا ہے۔ دوسرے شہروں میں نہیں معلوم کیا صورت ہے، تاہم کراچی میں تو لازمی کر دیا جائے، یہاں تو لکھائی کی جانب مجرمانہ حد تک بے توجہی و غفلت ہے۔ کروڑوں کی آبادی میں انتہائی قلیل تعداد ملے گی اچھی لکھائی کی۔ اور حروف کی ساخت (فارمیشن) کی اغلاط دیکھ کر تو بندے کا بی پی اگر نیچے ہو تو یقینا بلندی کی جانب پرواز کر جائے گا
کم از کم پاکستان بھر میں تختی کا لکھنا ہی لازم قرار ہو بچوں کے لیے۔
زیک
مسافر
مگر یہ تو آج کی بات ہے۔ اسے ٹیکنالوجی سے کافی حد تک تبدیل کیا جا سکتا ہے۔ یہ الگ بات ہے کہ ایسی ٹیبلٹ کی مانگ اور ضرورت کیا ہو گی۔
زیک
مسافر
جب پتھر پر لکیر کی صورت لکھنا ہوتا تھا تو املاء کی معمولی غلطی بھی فاش غلطی ثابت ہوتی تھی۔اچھا تو یہ وجہ ہے غلط املا اور حروف کی غلط فارمیشن کی
حسیب احمد حسیب
محفلین
کچھ چیزوں کا بطور ثقافت اور تہذیبی ورثے کے زندہ رہنا ضروری ہے ........
arifkarim
معطل
جیسے علماء کرام وغیرہ۔
arifkarim
معطل
پہنچ سکتی ہے۔ یہ کوئی ناممکن چیز نہیں۔ لیکن اسکے لئے ٹیکنالوجی بنانے والوں کو یا تو دیسی ہونا پڑے گا یا کم از کم دیسی فنون کی سوجھ بوجھ حاصل کرنی ہوگی۔
اور وسائل کا بھی۔ خطاطی وہی سیکھیں جنہیں اسکا شوق ہے۔ جیسے آرٹ کے شعبہ سے تعلق رکھنے والے طلباء۔
محمد وارث
لائبریرین
ہاتھ سے خطاطی کرنا ایک فن ہے، اور انشاءاللہ زندہ رہے گا۔ لوگوں میں رجحان کم ہے تو وہ ہر کلاسیکی فن میں ہے صرف خطاطی ہی میں نہیں۔ اور اس فن کو زندہ رکھنے اور ترویج دینے کے لیے مناسب انتظامات حکومتی اور ایسوسی ایشنز کی سطح پر کیے جانے چاہیں۔
لیکن یہ بنیاد بنا کر کہ کمپیوٹر میں لکھائی کی وجہ سے ہاتھ سے لکھنے والے بیروزگار ہو جائیں گے، مٹ جائیں گے، فقط غلط فہمی ہے اور اس کو بنیاد بنا کر جدید ٹیکنالوجی کے خلاف محاذ نہیں بنانا چاہیے۔
ایک واقعہ جو کہ کچھ مؤرخین نے لکھا ہے کہ مغل بادشاہ اکبر کے سامنے ذکر کیا گیا کہ فرنگی ہاتھوں سے کتابیں لکھنے کی بجائے اب چھاپے خانوں میں کتابیں چھاپتے ہیں جس کی وجہ سے کتابیں لکھنا بہت آسان ہو گیا ہے اور بہت جلد لکھی جاتی ہیں وغیرہ لہذا مغل سلطنت میں بھی اس کو رایج کرنا چاہیے، اکبر نے یہ دلیل بنا کر کہ اس طرح ہمارے خوش نویس اور کاتب فارغ ہو جائیں گے اس کو رد کر دیا تھا۔
اگر اس وقت اکبر نے یہاں چھاپے خانوں کو رواج دے دیا ہوتا تو کیا صورتحال ہوتی۔
لیکن یہ بنیاد بنا کر کہ کمپیوٹر میں لکھائی کی وجہ سے ہاتھ سے لکھنے والے بیروزگار ہو جائیں گے، مٹ جائیں گے، فقط غلط فہمی ہے اور اس کو بنیاد بنا کر جدید ٹیکنالوجی کے خلاف محاذ نہیں بنانا چاہیے۔
ایک واقعہ جو کہ کچھ مؤرخین نے لکھا ہے کہ مغل بادشاہ اکبر کے سامنے ذکر کیا گیا کہ فرنگی ہاتھوں سے کتابیں لکھنے کی بجائے اب چھاپے خانوں میں کتابیں چھاپتے ہیں جس کی وجہ سے کتابیں لکھنا بہت آسان ہو گیا ہے اور بہت جلد لکھی جاتی ہیں وغیرہ لہذا مغل سلطنت میں بھی اس کو رایج کرنا چاہیے، اکبر نے یہ دلیل بنا کر کہ اس طرح ہمارے خوش نویس اور کاتب فارغ ہو جائیں گے اس کو رد کر دیا تھا۔
اگر اس وقت اکبر نے یہاں چھاپے خانوں کو رواج دے دیا ہوتا تو کیا صورتحال ہوتی۔
arifkarim
معطل
سلطنت عثمانیہ کے جید علماء کرام نے بھی غالباً پرنٹگ پریس کے خلاف یہی دلیل دی تھی جب 15 ویں صدی میں یہ ایجاد یورپ سے وہاں پہنچی تھی۔ اس ایجاد کو رد کرنے اور بروقت بروئے کار نہ لانے کی سزا پوری امت نے اہل یورپ سے جدید علوم میں کئی سو سال پیچھے رہ جانے کی صورت میں ادا کی۔
متلاشی
محفلین
سادہ اور آسان سا جواب ہے کہ مشین کبھی بھی انسان کی سو فیصد مبدل نہیں ہو سکتی ۔۔۔
فاتح
لائبریرین
کمپیوٹرز میں گرافکس ایڈیٹرز آ جانے سے فن مصوری تباہ نہیں ہوا بلکہ اس میں اس حوالے سے تو بہتری ہی آئی ہے کہ جو کسر ہاتھ سے رہ جاتی ہے اسے کمپیوٹر میں دور کر لیا جاتا ہے۔
اسی طرح خطاطی ہے کہ اس کے شوقین افراد خطاطی بھی کرتے اور کرواتے رہیں گے اور اس میں طغرے بھی بنتے رہیں گے لیکن عام زندگی کے یا دفتری کاموں کے لیے اب خطاطی کی ضرورت نہیں رہی۔ ہم جیسے لوگوں کے لیے کمپیوٹر کے فونٹس کی سہولت کافی ہے۔
اسی طرح خطاطی ہے کہ اس کے شوقین افراد خطاطی بھی کرتے اور کرواتے رہیں گے اور اس میں طغرے بھی بنتے رہیں گے لیکن عام زندگی کے یا دفتری کاموں کے لیے اب خطاطی کی ضرورت نہیں رہی۔ ہم جیسے لوگوں کے لیے کمپیوٹر کے فونٹس کی سہولت کافی ہے۔
متلاشی
محفلین
خطاطی سے مراد اگر صرف خوشخطی لیا جائے تو یہ تعلیم ہر بچے کے لیے ضروری اور اہم ہے ۔۔۔ اور اگر اس سے مراد محض اعلیٰ درجے کی خطاطی ہے تو یہ بحث ہی فضول ہے کیوں کہ صرف خطاطی ہی نہیں کسی بھی فن میں مہارت ہر بچے کے لیے لازمی قرار دینا غلط ہے ۔۔۔ !
فاتح
لائبریرین
خوشخطی کی تعلیم ہر بچے کے لیے کیوں ضروری اور اہم ہے متلاشی بھائی؟
متلاشی
محفلین
جس طرح علم حاصل کرنا ہر بچے کے لیے ضروری ہے ۔۔۔ نہیں تو آپ تو یہ بھی کہہ سکتے ہیں کہ بچوں کو پڑھانے کی ضرورت نہیں بس بچے کو جو بنوانا ہو اک چپ خریدو اور بچے کے دماغ میں لگوا دو۔۔۔ ایک گھنٹے میں سائنس دان اور انجینئر اور ہر فن کے کامل لوگ تیار ملیں گے ۔۔۔ مستقبل قریب میں یہ سب ہونے جا رہا ہے آپ بھی جانتے ہیں ۔۔۔ تب کیا آپ تعلیم کے بھی خلاف ہو جائیں گے ؟؟؟؟
کیا آپ یہ نہیں سمجھتے کہ جدید ٹیکنالوجی انسانیت کے لیے روز بروز خطرہ بنتی جارہی ہے ؟؟؟؟؟
فاتح
لائبریرین
بچوں کو پڑھایا مقصد کے تحت جاتا ہے۔ میں آپ سے خوش خطی کی انتہائی ضروری اور اہم تعلیم کا بھی مقصد ہی پوچھ رہا ہوں۔
نہیں! میں واقعی نہیں جانتا۔ فکشن یا قصے کہانیوں کے علاوہ مستقبل قریب میں تو ایسا کچھ نہیں ہونے جا رہا کہ بچے کو جو بنوانا ہے اس کی چپ دماغ میں لگوا دو۔
جی بالکل! جب ایسا ہو گیا تو میں آج کے دور کے اس نظامِ تعلیم کا مخالف ہوں گا۔
میں اگر بہت زیادہ نہ بھی کہوں تب بھی گذشتہ 15 یا 16 سالوں کے متعلق تو قسم اٹھا کر کہہ سکتا ہوں کہ سن 2000 سے لے کر 2016 تک میں نے انگریزی اور اردو کل ملا کر 10 صفحے بھی ہاتھ سے نہیں لکھے ہوں گے اور وہ 10 صفحے بھی کسی ایسی مجبوری میں کہ کوئی موبائل فون یا کمپیوٹر قریب موجود نہ ہو تب لکھےہوں گے اور جونہی کمپیوٹر میسر آیا اس رف لکھے ہوئے کو بھی کمپیوٹر پر منتقل کر لیا۔
حتیٰ کہ میری بیٹی کے سکول میں آدھے سے زیادہ پڑھائی لکھائی الیکٹرانک ڈیوائسز پر ہوتی ہے۔
میں جس یونیورسٹی میں پڑھا رہا ہوں وہاں طلبا لکھائی کا 99 فیصد سے زائد کام کمپیوٹر پر ہی کرتے ہیں۔
یہ سطور لکھنے کا مقصد یہ تھا کہ دماغ میں چپ فٹ کرنے کی باتیں فی الحال فکشن ہیں لیکن کمپیوٹر تو ایک حقیقت ہے اور گذشتہ کئی سالوں سے موجود ہے۔
آخری تدوین:
متلاشی
محفلین
خطِ خوش را بہتر از لعل و جواہر گفتہ ام
یک جواہر خانہ از بہر نثار آوردہ ام
دیکھیں خطاطی اور اسی طرح کے دوسرے فنون کا تعلق انسان کی جمالیاتی حس کے ساتھ ہے ۔۔۔ اور جمالیات سے محبت اور اس کا شوق فطرت نے انسان کی سرشت میں رکھا ہے ۔۔ میں جدید ٹیکنالوجی کے استعمال کے خلاف نہیں ہوں ۔۔۔اپنے کام میں آسانی کے لیے اسے استعمال مستحسن سمجھتا ہوں مگر میں جدید ٹیکنالوجی کو فن کا مبدل نہیں سمجھتا۔۔ فن کسی چیز کا محتاج نہیں ہوتا جب کہ ٹیکنالوجی محتاج ہے ۔۔ آپ کے پاس لائٹ نہ ہو آپ کیا کریں گے ؟؟؟ آپ کا کمپیوٹر یا لیپ ٹاپ خراب ہو جائے تب آپ کو کچھ ضروری لکھنا ہو تب آپ کیا کریں گے ۔۔۔ ؟؟؟؟ کسی خطرناک وائرس کی وجہ سے آپ کا سارا الیکٹرانک سسٹم تباہ ہو جائے تب آپ کیا کریں گے ؟؟؟ کیا ایسا ممکن نہیں ہے ؟؟؟؟
کیا کمپیوٹر اور ربورٹس بچوں کو تعلیم نہیں دے سکتے ؟؟؟ دے سکتے ہیں نا ؟؟؟ تو پھر کیا ہمیں سارے اساتذہ کی چھٹی کروا دینی چاہیے کیونکہ ان کا مبدل موجود ہے ؟؟؟؟؟
دیکھیں مشین کبھی بھی انسان کا مبدل نہیں ہو سکتی وہ محتاج ہے وہ کسی وقت آپ کو دھوکہ دے سکتی ہے جبکہ فن محتاج نہیں ۔۔۔ یہی مشین اور انسان کا فرق ہے ۔۔۔ مشین اپنے اندر محفوظ ہدایات کے مطابق چلتی ہے اس میں ورائٹی ، تنوع ، اور جدت اور اپنی سوچ، قوتِ فیصلہ اس قدر ممکن نہیں جتنی کہ انسان میں ہے ۔۔۔
فاتح
لائبریرین
اس بات سے تو میں سو فیصد متفق ہوں۔ خطاطی اور اس طرح کے دیگر فنون جن کا تعلق انسان کی جمالیاتی حس کے ساتھ ہے انہیں سیکھا جانا چاہیے اگر کوئی سیکھنا چاہے لیکن اسی طرح جیسے مصوری، مجسمہ سازی، شاعری، رقص، وغیرہ وغیرہ
میرا سوال تو آپ سے یہ تھا کہ خطاطی کو ہر بچے کو ضروری اور اہم تعلیم کے طور پر کیوں دیا جائے؟
ایسی ایمرجنسی تو کہیں بھی ہو سکتی ہے مثلاً قلم ٹوٹ گیا، روشنائی میسر نہیں، کاغذ گیلا ہو گیا یا پھٹ گیا،وغیرہ وغیرہ
دوم یہ کہ اگر ایسی کوئی ایمرجنسی ہو بھی جائے کہ عارضی طور پر کسی وجہ سے کمپیوٹر میسر نہیں تو ایسی ایمرجنسی میں کچھ لکھنے کے لیے خوش خط لکھنا ضروری نہیں، میں پہلے بھی عرض کر چکا ہوں کہ گذشتہ 16 سالوں میں ایسی ایمرجنسیز کے باعث میں نے تقریباً 10 صفحات ہاتھ سے لکھے ہوں گے۔
کیا یہ درست ہو گا کہ بچوں کے وقت کا ایک بہت بڑا حصہ انہیں خوش خطی یا خطاطی سکھانے پر لگا دیا جائے تا کہ اتفاقاً اگر کبھی زندگی میں حادثاتی طور پر کمپیوٹر میسر نہ ہو اور انہیں عارضی طور پر کچھ لکھنا پڑ جائے جسے کچھ دیر کے بعد کمپیوٹر مہیا ہونے پر اس پر منتقل کرنا ہو تو اسے خوش خط لکھ سکیں۔
ٹیکنالوجی بیسڈ ٹریننگز بہت کامیاب طریقہ ہے لیکن بعض مواقع پر انسٹرکٹر لیڈ ٹریننگز بہتر رہتی ہیں۔
اساتذہ کی چھٹی نہیں ہو گی بلکہ صرف ان کے کام کا انداز تبدیل ہو گا کہ پہلے جو لیکچر وہ ہر کلاس میں جا کر ہر روز دیتے تھے اب انہیں وہی ریکارڈ کرنا ہو گا اور توجہ رٹا لگائی ہوئی تقریر کی بجائے اس پر ہو گی کہ طلبا کے سوالات کے جوابات دے سکیں۔
خطاطی میں بھی یہی صورت حال ہے کہ ایک مخصوص مضمون کے طور پر پڑھی جائے اور توجہ دکانوں کے اشتہارات لکھنے کی بجائے دیگر بہتر جگہوں پر ہو لیکن۔۔۔ سوال پھر وہی ہے کہ دنیا میں پیدا ہونے والے ہر بچے کو بطور لازمی اور اہم مضمون کے کیوں پڑھائی جائے؟ جیسے دیگر مخصوص مضامین کو اپنی مرضی سے پڑھنے والے پڑھتے ہیں ویسے ہی خطاطی کو بھی پڑھ لیں جنہیں پڑھنا ہو یا اس شعبے کو اپنانا ہو۔
متلاشی
محفلین
فاتح بھائی میں نے خطاطی کو ہر بچے کے لیے لازمی اور ضروری تعلیم نہیں قرار دیا ۔۔۔ صرف خوشخطی یعنی ایسا لکھنا کہ ہر شخص آسانی سے پڑھ سکے ۔۔۔ خوش خطی سے آپ کیا مراد لے رہے ہیں ؟؟؟؟
ابھی ہمارے یہاں زیادہ تر بچوں کے ٹیسٹ اورپیپرز وغیرہ ہینڈ رٹن ہی ہوتے ہیں ایسے میں اگر سٹوڈنٹ کی ہینڈرائٹنگ اچھی ہو گی تو اسے یقیناً اچھے مارکس ملیں گے ۔۔۔
فاتح
لائبریرین
آپ سے متفق ہوں