عباد اللہ
محفلین
بے وزن نہیں لیکن الفاظ کے ساتھ بے انصافیاں
مثال تو ہم بھی پیش نہیں کرسکتے بھیا ۔۔۔۔
فیض کا یہ کلام سخن کی کونسی صنف ہے؟
- صاحب لڑی عباد اللہ
- تاریخ ابتداء
مثال تو ہم بھی پیش نہیں کرسکتے بھیا ۔۔۔۔
عباد اللہ
محفلین
میں نے بھی میر کی چند ہی غزلیات ہی پڑھی ہیں
جس تہمتِ دل آزاد کا ذکر ہے وہ کسی نقاد کی لگائی ہوئی ہے
جانے کیا مضمون تھا الفاظ کے ساتھ بے انصافیوں ہی کی بات تھی۔ سلمان دانش بھائی کا مراسلہ پڑھتے ہوئے مجھے وہ یاد آ گئی
نور وجدان
لائبریرین
یہ تقطیع تو عروض کی سائیٹ سے دی ہے ۔ میں ہر مصرعے پر بحر نہیں لکھتی اگر خود کی ہوتی یا اشاری نظام 1 ،2 لکھتی ۔ آپ عروض کی سائیٹ پر تقطیع میں جاکے ۔۔۔پابند- آزاد میں آزاد پر لکھ کے تقطیع کریں ۔ آپ کو یہی تقطیع مل جائے گی
عباد اللہ
محفلین
اور تو اسے ایک نظر پڑھئے کتنے مصرعے حذف کر دئے ہیں عروض انجن نے
اور یہ باقی ماندہ کی صحت پر رائے کے لئے کوئی استاد آئے تو آئے
ہم تو طفلِ مکتب ہیں
سلمان دانش جی
معطل
صاحب ۔ عقل کا خانہ خالی رکھنے والے جمیل الرحمن کو چھوڑیں، آپ شمس الرحمن فاروقی، ظفر اقبال، خالد احمد مرحوم ، یعقوب آسی، محمد وارث یا انور عبید جیسے کسی علم والے شخص کا حوالہ دیں۔ کسی عروض اور بحر کے بغیر شاعری یا غزل کا کوئی تصور نہیں۔ جمیل الرحمن جب سے مسلمان سے مرتد ہوا ہے وہ تو ۔معاذ اللہ خدا کی ذات پاک پر بھی گستاخانہ تنقید کرتا اور قرآن کو بھی تضادات کی کتاب کہتا ہے۔
فاتح
لائبریرین
ایسا نہیں ہوتا کہ نظم کہنے کی کوشش کی جائے اور اگر بحور خلط ملط ہو جائیں تو اسے نثری کہہ دیا جائے۔
عباد اللہ
محفلین
سر میرا اصل سوال بھی یہی ہے کہ اسے کیا کہا جائے
شترِ بے مہار شاید ایک موزوں نام ہے؟
فاتح
لائبریرین
اسے غلطی کہنا چاہیے جو کسی بھی شاعر سے ہونا ممکن ہے۔
سعیدالرحمن سعید
معطل
بڑا یا چھوٹا کوئی بھی شاعر ہو، نظم ہو یا غزل ، ایک مصرع کا بھی بحر اور وزن سے خارج ہونا بہر حال ایک عیب ہے
محمد خرم یاسین
محفلین
خرم بھیا یہ آزاد نظم پیشِ خدمت ہے اس کی تفہیم میں میری رہنمائی فرمائیں
(یہ سیدھی سیدھی نثر ہے اس میں کہیں بحور کا خلط نہیں بلکہ بحر موجود ہی نہیں ہے)
کلام میں بحر خود بہ خود نہیں در آتی بلکہ اسے التزاماََ اختیار کیا جاتا ہے
جی اس کی جہاں سمجھ نہیں آئی حکم کیجیے، تفہیم کی کوشش کی جائے گی۔
محمد خرم یاسین
محفلین
اگر نثر میں غنائیت ہے، صوتی آہنگ ہے تو اسے کیا کہا جائے؟ اگر نظم میں نثریت در آئے تو اسے کیا کہا جائے ؟
محمد خرم یاسین
محفلین
مجھے جمیل الرحمن کے مرتد ہونے کا علم نہیں تھا، یہاں بات علم کی ہو رہی تھی تو مثال دی۔ اگر وہ نثری نظم کے حامی ہونے پر مطعون قرار دیے جارہے ہیں تو وہ تو غزل بھی کہتے ہیں پھر عین معزز قرار دے دئے جائیں؟
عباد اللہ
محفلین
بھیا ہو سکے تو پوری نظم کی تفہیم کر دیں
معلوم نہیں حقیقت کے بارے ایسی کیا حقیقت بیان کرنا مقصود ہے کہ فاضل شاعر نے اس نظم کو مجھ ایسے قاری کے لئے چیستان بنا دیا
یقیناََ کوئی بچوں کی پہنچ سے دور رکھنے والی رمز ہو گی
محمد خرم یاسین
محفلین
بھائی جان سوسئیر نے کہا تھا کہ ادب پارہ ایک کلوزڈ آئیکن ہے۔ مطلب اس کے آر پار دیکھنا مکمل ممکن نہیں۔ ہم ادب پارے سے اپنی مرضی کی بہت سے چیزیں نکالتے ہیں۔ بعد میں ٹی ایس ایلیٹ نے تو یہاں تک کہہ دیا کہ مصنف اور تصنیف کا آپس میں کوئی تعلق نہیں۔ گو کہ میں ایلیٹ کے اس بیان سے اختلاف کرتا ہوں پھر بھی، ادب بھی آرٹ ہی ہے۔ اور جس طرح آرٹ میں بڑی تبدیلی ڈاڈازم، سیرلزم، کیوبزم، جادوئی حقیقت نگاری وغیرہ کے سبب آئی، اسی طرح ادب بھی اس قسم کی تبدیلیوں سے محفوظ نہیں رہ سکا۔ کچھ چیزیں تجریدی بھی ہوتی ہیں اور میرا یہ ماننا ہے کہ ہر ادب پارے کی مکمل تفہیم ما سوائے مذہبی اصناف کے، ممکن نہیں، ہم اسے اپنے طور پر بیان کریں گے یا سمجھیں گے لیکن ہوسکتا ہے کہ شاعر نے کسی اور زاویہ نگاہ سے لکھا ہو۔ ڈاکٹر سعید صاحب ، استاد شعبہ اردو فیصل آباد جی سی یونیورسٹی نے اردو شعرا کے سائنسی شعور پر پی ایچ ڈی کی ڈگری حاصل کی ہے۔ علامہ اور غالب کے کلام کی شروح ابھی تک لکھی جا رہی ہیں، اس لیے یہ سمجھنا ضروری ہے کہ بہت سے لوگ اپنے طور پر شروح کرتے ہیں یا تفہیم لیکن وہ شاعر کے نقطہ نگاہ سے مختلف ہو سکتی ہے۔ بہر حال میرے مطابق اس میں آستھا وغیرہ کو سمجھے بنا (جو کہ کسی مذہب یا مخصوص قبیلے سے متعلق ہو سکتی ہے) مکمل تفہیم ممکن نہیں۔بسمل شمسی صاحب کی ایک غزل ہے جس کا ایک مصرعہ یہ ہے
ماکھن چور نہیں کہلائے گوپی والے شام نہیں تھے
اب اس میں موجود حوالوں (مکھن چور کون تھا ؟ گوپی کون تھی اور شام سے کیا مراد ہے ؟) کو جانے بنا اس کی تفہیم میں مسائل کا سامنا رہے گا۔
عباد اللہ
محفلین
بھیا ٹوٹی پھوٹی آدھی ادھوری کچھ بھی شرح بیان کر دیں ۔۔۔۔شاید کچھ ہمارے پلے پڑ جائے