قیمتی زندگی کے معمولات کے لیے عام سی باتیں

[محمد عدنان اکبری نقیبی]

ہم اپنی زندگی میں اتنے مصروف ہوگئے ہیں کہ اپنے پیاروں کو تحفے میں گھڑی تو دے سکتے ہیں مگر وقت نہیں ۔

 

[محمد عدنان اکبری نقیبی]

اگر زندگی میں صرف مسرتیں ہوتیں تو ہم یہ جان ہی نہ پاتے کہ بہادری اور صبر کسے کہتے ہیں ۔

 

[رباب واسطی]

سمجھدار انسان کسی چھوٹے گناہ کو چھوٹا نہیں سمجھتا کیونکہ وہ جانتا ہے کہ پہاڑ بھی پتھروں سے بنتے ہیں اور سیلاب بھی قطروں سے بنتا ہے

 

[سفیر آفریدی]

صبر کیسے کہتے ہیں

 

[محمد عدنان اکبری نقیبی]

زندگی میں بہت سے ایسے معاملات بھی ہوتے ہیں جن کو سمجھنے اور دیکھنے کے لیے آنکھوں کی نہیں احساس کی ضرورت ہوتی ہے ۔

 

[محمد عدنان اکبری نقیبی]

جن باتوں پر جھگڑا کر کے لوگ منوں مٹی تلے سو جاتے ہیں اگر انہی باتوں پر ہلکی سی مٹی اس ہی وقت ڈال دیں تو رشتوں میں رنجشیں اور دوریاں کبھی بھی پیدا نہ ہوں ۔

 

[محمد عدنان اکبری نقیبی]

توبہ کا خیال خوش بختی کی علامت ہے کیونکہ جو اپنے گناہ کو گناہ نہ سمجھے وہ بد قسمت ہے ۔

 

[محمد عدنان اکبری نقیبی]

مخلص انسان روڑ پر لگی ان روشنیوں کے مانند ہے جو فاصلہ تو کم نہیں کر سکتا پر منزل آسان ضرور بنا دیتا ہے ۔

 

[محمد عدنان اکبری نقیبی]

بھروسہ لفظ چھوٹا سا ہے لیکن ثابت کرنے میں ساری عمر لگ جاتی ہے ۔

 

[محمد عدنان اکبری نقیبی]

جو لوگ دوسروں کیلئے راحت کا اہتمام کرتے ہیں اللہ کریم کی خاص رحمت ان کا مقدر بن جاتی ہے۔ دوسروں میں آسانیاں تقسیم کرنے والوں کا راستہ خود بخود ہموار ہو جاتا ہے ۔

 

[محمد عدنان اکبری نقیبی]

خاموشی بھی اختلاف کا بہترین اظہار ہے ۔

 

[محمد عدنان اکبری نقیبی]

‏صبر دو طرح کا ہوتا ہے !!!!
ایک وہ جو ناگوار باتوں پرکیا جائے ،
دوسرا وہ جو پسندیدہ چیزوں کے نہ ملنے پر کیا جائے ۔

 

[محمد عدنان اکبری نقیبی]

شدید ترین اختلاف کے ہوتے ہوئے بھی بہترین اخلاق کو قائم رکھنا تقوی و پرہیزگاری ہے ۔

 

[محمد عدنان اکبری نقیبی]

علم کی طلب سے کبھی شرم محسوس نہ کریں کیونکہ جہالت زیادہ باعث شرم ہے ۔

 

[محمد عدنان اکبری نقیبی]

ہم نے چھوٹی چھوٹی مہربانیاں کرنی چھوڑدی ہیں۔ ہم نہیں جانتے کہ ایک مسکراہٹ ، ایک درگزر، ہمدردی کاایک کلمہ، مہربانی کا ایک عمل کبھی چھوٹا نہیں ہوتا۔ یہ عمل ایک کمزور اور محروم انسان کے دل میں ہمارا وہ عکس قائم کرتا ہے جو مدتوں نہیں بھلایا جاتا۔

 

[محمد عدنان اکبری نقیبی]

کچھ لوگ آپ سے اٌتنی ہی محبت کرتے ہیں جتنا وہ آپ کو استعمال کر سکتے ہیں۔جہاں اٌنکا مفاد ختم وہاں اٌن کی محبت بھی ختم ہو جاتی ہے ۔

 

[محمد عدنان اکبری نقیبی]

دوسروں کی بڑی بڑی ضروریات کی بجائے چھوٹی چھوٹی ضروریات کو پورا کردیا کریں ، یہی سب سے بڑی نیکی ہے ۔

 

[رباب واسطی]

ہمدردانہ کلام ایک ایسی تجارت ہے جس کا سرمایہ بہت کم اور نفع بہت زیاده ہوتا ہے

 

[محمد عدنان اکبری نقیبی]

بعض رشتوں کے نام نہیں مقام ہوتے ہیں۔

 

[محمد عدنان اکبری نقیبی]

محض پیسہ کمانے کی ہوس ہم سے محبت و شفقت جیسے احساسات چھین لیتی ہے ۔