شاکر، میں اپنی مرضی کے فیصلے صادر کرنا پسند نہیں کرتا۔ کوشش یہی ہوتی ہے کہ سب کے مشورے سے ہی کام آگے بڑھے۔
Ioncube لوڈر ہماری ہوسٹنگ پر بھی موجود نہیں ہے۔ اگرچہ ہم کسٹم پی ایچ پی کمپائل کرکے آئن کیوب ایکسٹنیشن شامل کر سکتے ہیں لیکن اس کام میں بھی کچھ رسک ہے۔
مجھے معلوم نہیں ہے کہ تصویری اردو کے مواد پر مبنی پی ڈی ایف کو استعمال کرنے کی تجویز کب سامنے آئی ہے۔ میرے علم میں تو ای بکس وہی ہیں جنہیں لائبریری پراجیکٹ کے تکمیل شدہ متون سے بنایا جائے گا۔ کتب کی سی ڈی جاری کرنے والی تجویز اچھی ہے لیکن ہمیں وہاں تک پہنچتے ہوئے کافی وقت لگ سکتا ہے۔
صرف جملہ کے استعمال ہی نہیں بلکہ خود آنلائن لائبریری کے متعلق بھی ابھی تک کئی دوستوں کے ذہن میں ابہام پایا جاتا ہے۔ کچھ لوگوں کے خیال میں کتابوں کو محض ڈاؤنلوڈ کے لیے فراہم کر دینا کافی ہے اور انہیں تحریری صورت میں آن لائن پوسٹ کرنا غیر ضروری ہے، حالانکہ لائبریری پراجیکٹ کا آغاز ہی اس خیال سے ہوا تھا کہ گٹن برگ اور وکی سورس کی طرز پر اردو کتب کا ایک آن لائن ریسورس تیار کیا جائے۔ یہ مواد سرچ انجنز پر انڈکس بھی ہوگا اور لوگ سرچ انجنز پر تلاش کرکے بھی اس تک پہنچ سکیں گے۔ ڈاؤنلوڈ کے لیے تیار ای بکس کی اہمیت اپنی جگہ ہے اور یوزر کو یہ آپشن ضرور فراہم کی جانی چاہیے۔
اس کیلئے اس دھاگے میںتو میںہی قصور وار ہوں۔ کیونکہ میرے خیال میں ہر ہر کتاب کو صرف اس وقت پیش کیا جانا جب تک کہ اس کا مکمل متن تحریری صورت میں دستیاب نہ ہو، از حد مشکل ،وقت طلب اور کم نفع بخش ہے۔ جیسا کہ آپ نے بھی کہا کہ اس محنت کا ماحصل یہی ہے کہ لوگ کتب میں سرچ کر سکیںاور سرچ کے ذریعے کتب تک رسائی حاصل کر سکیں۔ اگر یہی مقصد دس فیصد کمی کے ساتھ نوے فیصد کم محنت سے حاصل کیا جا سکتا ہو، تو تصویری اردو کو عارضی طور پر اپنانے میںکوئی حرج نہیں۔ جبکہ شاید اسی فیصد عام یوزر جب ایک دفعہ کتاب تک رسائی حاصل کر لیں تو اب وہ تصویری ہو یا تحریری انہیں زیادہ فرق نہیںپڑتا۔ مثلاّ ڈائجسٹ ریڈرز۔
تحریری و تصویری اردو کا نظریاتی تجزیہ کر دیکھئے۔ دونوں پراجیکٹس کو الگ الگ شروع کر لیں۔ ایک سال بعد اول الذکر کتب کی کیا تعداد ہوگی؟ اگر مبالغہ سے بھی کام لیا جائے تو 300 لیٹر سائز صفحات کی 100 کتب شائع کی جا سکیں گی۔ پروف وغیرہ کے مسائل کو سامنے رکھیںتو اراکین کی تعداد اور کام کے گھنٹوں کا اندازہ لگانا مشکل نہیں۔ اور تحریری اردو کا بھرپور فائدہ اٹھانے والے حضرات کتنے ہوںگے، ایک خاکہ وہ بھی بنا لیجئے۔
ثانی الذکر کیلئے میںعملی مثال دے سکتا ہوں۔ میں ڈیڑھ گھنٹے میں 300 صفحات کی کتاب کو آرام سے اسکین کرلیتا ہوں۔ ضرب دے دیجئے اراکین کی تعداد اور گھنٹوں سے۔ قریب جتنی دیر میں ایک عام رکن دس صفحات کو پروف ریڈ کرے گا، اس دورانیہ میںایک عام سائز کتاب اسکین کی جا چکی ہوگی۔ اگر صرف دس اراکین بھی عام اسکینر کے ساتھ ہفتہ بھر میں تین گھنٹے اسکیننگ کر لیں۔ تو سال بھر میں 500 کتب آن لائن کی جا چکی ہوں گی۔ اور فہرست مضامین اور ٹیگز کو ٹائپ کرنے کے بعد ان کتب سے نفع حاصل کرنے والے احباب اس سے کہیںزیادہ ہوںگے۔ کیونکہ ایک ویب سائٹ پر اگر مہینہ بھر میں پانچ کتب شائع کی جا رہی ہوںاور دوسری پر اسی دورانیہ میں پچاس ہوں۔ تو عامی کہاںجائے گا؟
اور پھر مہوش کی بات سے اتفاق ناگزیر ہے کہ خواتین ڈائجسٹ یا عمران سیریز کو اتنی محنت اور وقت خرچ کر کے تحریر کرنے کا آخر فائدہ ہی کیا ہے۔ لوگ انہیںایک دفعہ پڑھ کر چھوڑ دیں گے۔
اور اس سب کے بعد ایک مرکزی نقطے پر بھی توجہ کیجئے کہ 50 فیصد سے زائد کتب کو تحریری طور پر پیش کرنے سے پہلے اسکین کرنا ضروری ہے۔ تو جب تک کتاب کا مکمل متن تحریری صورت میںدستیاب نہیں، کیوں نا اس کی تصویری صورت ہی لوگوںکے سامنے کر دی جائے؟ یعنی دراصل تصویری اردو کیلئے الگ سے کچھ کرنا ہی نہیں ہے۔ بات صرف اتنی ہے کہ یوزرز کو تحریر سے پہلے تصویر دکھائی جا سکتی ہے یا نہیں؟
اور آخر میںاگر اس امید کو بھی شامل کر لیا جائے کہ مستقبل قریب میں ایک Ocr میسر ہوگا۔ تصویری اردو منٹوں میں تحریر بھی ہو جائے گی۔ اور تحریری اردو پر مشقت کرنے والے احباب، شاید دل میںکہیںتو تاسف محسوس کریں گے کہ جتنی محنت سے جمشید سیریز کا ایک ناول تحریر کیا تھا۔ اگر اس سے ستر فیصد کم محنت اسکیننگ پر کی ہوتی تو آج بیسیوں ایسے ناول تحریری صورت میںموجود ہوتے۔۔۔!
جذبات سے ہٹ کر عملی دشواریوں ، نتائج اور عوامی مزاج کو سامنے رکھا جائے تو فیصلہ کچھ مشکل نہیں۔
مجھے تحریری اردو کی اہمیت سے ہرگز مجال انکار نہیںکہ اس کے حق میں دلائل کی ضرورت ہو۔ لیکن اگر آپ پاکستان میںلوگوں کو انٹرنیٹاستعمال کرتے دیکھیںتو شاید آپ کو احساس ہو کہ آپ جن لوگوں کی خاطر یہ کاوشیں کر رہے ہیں ان میںسے اکثر کئی سالوں تک اس سے استفادہ حاصل نہ کر پائیںگے۔ ہمارے آفس کے 100 پڑھے لکھے لوگوں کے گروپ میں مجھ سمیت صرف دو اشخاص جانتے ہیںکہ اردو یونی کوڈ کی اصطلاح کا مطلب کیا ہے۔ کل ہی میںنے ایک ساتھی کو بتایا کہ نیا فانٹ ریلیز ہوا ہے جو کہ بالکل ان پیج کی تحریر کی طرحنظر آتا ہے تو اس کا سوال تھا کہ یہ ان پیج کیا چیز ہے؟
عوام کو چھوڑئے۔ اسلامی کتب کی نشر و اشاعت سے متعلق لاہور میںکئی ناشرین سے کاپی رائٹس اور کتب کی کمپیوٹر فائلز کی درخواست کے سلسلے میں رابطہ کیا تو اکثر احباب کا سوال تھا کہ یہ انٹرنیٹپر شائع کرنے کا کیا مطلب؟ اور کچھ کا سوال یہ تھا کہ انٹرنیٹ کیا چیز ہے؟ اور یہ احباب ہر وقت کتب کے درمیان میںگھرے رہنے والے لاہور جیسے پاکستان کے ایک بڑے شہر کے باسی اور تاجر ہیں۔ عوام کا کیا حال ہے، اندازہ لگالیجئے۔ بحث کا رخ موڑ دینے پر معذرت۔
جملہ کے بارے میںاگر فیصلہ سب نے مل کر کرنا ہے تو پھر پول کروا لیجئے یا کوئی طریقہ متعین کر دیجئے۔
