لاہور لاہور ہے

[شمشاد]

کیا آپ میں کوئی ایسا رکن بھی ہے جس نے لاہور نہیں دیکھا۔

 

[جیہ]

کہتے ہیں جس نے لاہور نہیں دیکھا وہ پیدا ہی نہیں ہوا۔۔۔ اس لحاظ سے میں کوئی 15 دفعہ پیدا ہوئی ہوں

 

[فیصل عظیم فیصل]

جس کسی کو لاہور کی سیر کرنا ہو بس علاقے کا نام بتا دے ادبی۔ لطیف اور پر مغز سیر کروا دوں گا ۔ وہ کیا کہتے ہیں

مزہ نہ آئے تو پیسے واپس ۔ گارنٹی کے ساتھ کہتا ہوں

لاہوریا ہوں کوئی مذاق ہے ۔ ۔ ۔ ؟

 

[ماوراء]

جویریہ کیا کہہ رہی ہو۔ میں تو لاہور کو دیکھنے بنا بھی پیدا ہو گئی تھی۔

 

[شمشاد]

تم اپنی بات کرو (بقول جویریہ، جس نے لاہور نہیں دیکھا پیدا نہیں ہوا) تم پیدا ہو گئی ہو کہ نہیں؟

 

[شمشاد]

کہتے ہیں جس نے لاہور نہیں دیکھا وہ پیدا ہی نہیں ہوا۔۔۔ اس لحاظ سے میں کوئی 15 دفعہ پیدا ہوئی ہوں

اور یہ ایسے ہی نہیں کہتے، لاہور واقعی دیکھنے والا شہر ہے۔ حالانکہ میرا تعلق پوٹھوار کے علاقے راولپنڈی سے ہے، لیکن لاہور لاہور ہے۔

 

[تیشہ]

میں نے بچپن کے چار سال گزارے تھے لاہور ، جب ابو کی ٹرانسفر لاہور ہوئی تھی ، ہم بہت چھوٹے تھے ، تب گلبرگ میں چار سال رہنے کے بعد اسلام آباد آگئے۔ میں نے تب سے لے کر اب تک لاہور نیہں دیکھا ، مطلب آنا جانا تو رہا صرف ائیرپورٹ سے واپسی ، مگر دیکھا نیہں گھوم پھر کر ،

 

[محب علوی]

ایک اور محاورہ بھی مشہور ہے کہ

اچے برج لہور دے

 

[شمشاد]

محب آپ کی اس بات پر ایک چھوٹا سا سوال جواب یاد آیا جو کہ پنجابی میں ہے :

سوال :
د دس شہر لاہور اندر کِنے بوئے تے کِنیاں باریاں نے
د دس شہر لاہور اندر اِٹاں کِنیاں ٹُٹیاں تے کِنیاں ساریاں نے
د دس شہر لاہور اندر کِنیاں ویائیاں تے کنیاں کنواریاں نے
د دس شہر لاہور اندر کھوئیاں کنیاں مٹھیاں نے کِنیاں کھاریاں نے

جواب :
د دساں شہر لاہور اندر لکھاں بوئے تے لکھاں باریاں نے
تے جناں اِٹان تے عاشقاں نے پیر ترے اہوہی ٹُٹیاں باقی ساریاں نے
جہڑیاں بیٹھیاں نال محبوب دے اوہو ویائیاں باقی کنواریاں نے
تے جناں کھوئیاں توں پیندے معشوق پانی اوہو مٹھیاں باقی کھاریاں نے

 

[ثناءاللہ]

واہ شمشاد صاحب
مجھے لاہور رہتے ہوئے 14-15 سال ہو گئے ہیں۔ لیکن اتنے پر لطف سوال لاہور شہر کے بارے میں‌آج پہلی دفعہ پڑھنے کو ملے ۔۔۔۔۔۔۔۔۔۔
بہت خوب۔

 

[فرذوق احمد]

واہ واہ جی آج لاہور کہ بارے میں سن کر سواد آ گیا ویسے ہم بھی کافی دیر سے لاہور میں رہ رہے ہیں مگر میں نے آج تک لاہور نہیں دیکھا ہے لاہور دیکھنے سے مراد کہ گھوم پھر کر کبھی نہیں دیکھا ہے بلکہ میں نے اپنا علاقہ کبھی نہیں دیکھا ہے

 

[شمشاد]

فرذوق بڑے افسوس کی بات ہے کہ تم نے لاہور کی سیر تک نہیں کی، لوگ تو بڑی دور دور سے آ کر لاہور کی سیر کرتے ہیں۔ اب اگر کوئی تم سے لاہور کے متعلق پوچھے تو تم کیا بتاؤ گے، اب دیکھو نے جویریہ نے اپنے سوات کے متعلق کتنی اچھی معلومات دی ہیں۔

جو بندہ جہاں رہتا ہو، اس کے متعلق تو جانکاری ہونی ہی چاہیے ناں۔

 

[فرذوق احمد]

شمشاد بھائی پتا نہیں کیا بات ہے میرا گھر سے نلکنے کو دل ہی نہیں کرتا ہے میں زیادہ تر گھر میں دوکان میں ہوتا ہوں ویسے اگر کبھی دل چاہا تو ضرور دیکھوں گا

 

[شمشاد]

دل چاہنے کی بات نہیں، اب وہاں گرمی شروع ہو گئی ہے، جلد از جلد سوزو واٹر جاؤ اور پھر آ کر ساری روئداد لکھنا۔

 

[جیہ]

سوزو پارک میں بھی گئی تھی مگر سویمینگ نہیں کی تھی۔
مجھے سب سے اچھی جگہ جو لگی نا لاہور میں وہ ہے Museum of Science and Technology۔ اس کے علاوہ P.I.A. Planetarium میں بھی ایک شو دیکھ کر بڑا مزہ آیا۔ خاص کر چاند کا سفر اور 12 برجوں کی تفصیل بہت پسند آئی

 

[محب علوی]

بہت خوب جویریہ ویسے ان دونوں جگہوں پر تو میں بھی نہیں‌ گیا۔

لاہور میں آج کل نیشنل پارک جسے عرف عال میں منی گولف کلب کہتے ہیں اچھی جگہ ہے اور اسی طرح تاریخی مقامات جیسے مینار پاکستان ، بادشاہی مسجد، شیش محل ، بارہ دری ، مقبرے دیکھنے چاہیے کیونکہ یہ لاہور کا اثاثہ ہیں۔

نئی جگہوں میں مین گلبرگ کی سڑک اچھی ہے اور خوبصورتی سی سجی ہے بہت سارے ہوٹل اور پلازوں کے ساتھ۔

جلو پارک اور سوزو گئے ہوئے مجھے بھی ایک زمانہ ہوگیا ہے۔ شالیمار، لارنس گارڈن اور ریس کورس پارک بھی دیکھنے سے تعلق رکھتے ہیں ۔

قائد اعظم لائبریری اور پنجاب لائبریری جو کہ ملک کی بڑی لائبریریوں میں شمار ہوتی ہیں دیکھنی چاہیے۔
لاہور کے کالج اور یونیورسٹیاں بھی کافی پرانی ہیں جیسے
گورنمنٹ کالج یونیورسٹی
ایف سی کالج یونیورسٹی
پنجاب یونیورسٹی
ایم او کالج
دیال سنگھ کالج
اسلامیہ کالج سول لائینز
کنیرڈ کالج
لاہور کالج
کوئین کالج
ہوم اکنامکس کالج
King Edward Medical College

باقی نئے کالج اور یونیورسٹیوں میں‌ ہیں

LUMS
LSE
UET
FAST
University of Central Punjab
ILM
PAK-AIMS
NCA
Allama Iqbal Open University
Fatima Jinnah Medical College
Allama Iqbal Medical College
Punjab Law College
Lahore University
Punjab College of Commerce

 

[جیہ]

ان میں سے اکثر مقامات دیکھی ہوئی ہیں ۔ مال روڈ سے اچھی سڑک میں نہیں دیکھی ۔۔ خاص کر اسملی ہال ، واپڈا ہاوس والا حصہ تو لا جواب ہے

 

[شمشاد]

ظالموں جہانگیر اور نور جہاں کو کیوں بھول گئے۔

 

[جیہ]

دیکھی ہیں بھئی۔

 

[محب علوی]

مقبروں کا لکھا تو تھا، چلیں پھر لکھ دیتا ہوں

جہانگیر کے مقبرے سے پہلے نور جہاں نے اپنا مقبرہ بنوالیا تھا

انار کلی میں قطب الدین ایبک کا گمنام مقبرہ بھی ہے جس پر حفیظ جالندھری کی ایک شہرہ آفاق نظم بھی ہے۔

حضرت شیخ‌ علی ہجویری کا مزار بھی لاہور کی مشہور جگہوں‌ میں سے ہے اور ایک خلقت وہاں جمع ہوتی ہے گو کہ بہت سی غیر اسلامی حرکتیں لوگ دین پر نام پر کرتے ہیں وہاں۔

لاہور کا اردو بازار بھی بہت مشہور ہے اور بیش بہا کتابیں میسر ہیں۔
گوالمنڈی سے لیکر لکشمی چوک تک اور گرد و نواح‌ میں کھانوں کے مشہور اور معروف مقامات ہیں۔ دو فوڈ اسٹریٹ بھی ہیں۔

پھجے کے پائے اور بشیر کی مچھلی ملک گیر شہرت کی حامل ہے۔

انار کلی کے ساتھ ایک میوزیم بھی ہے جس کے ساتھ رانی کی مشہور توپ ہے جس پر مشہور انگریز ادیب رڈیارڈ کپلنگ کی نظم یا نثر پارہ بھی ہے۔