لفظ چائے والے اشعار

[جاسمن]

کچھ چائے میں چینی کم تھی
کچھ میں اندر سے کڑوا تھا
فیضان ہاشمی

 

[فاخر رضا]

کچھ چائے میں چینی کم تھی
کچھ میں اندر سے کڑوا تھا
فیضان ہاشمی

اصل میں چینی کم نہیں تھی آپ نے چمچی نہیں ہلائی تھی. عام طور پر اندر خوشیاں ہوتی ہیں بس چمچی ہلانے کی ضرورت ہوتی ہے. ہاں جب چائے ختم ہونے والی ہوتی ہے تو کچھ مٹھاس محسوس ہوتی ہے. پھر انسان جلدی جلدی چمچی چلاتا ہے. مگر اب چائے اتنی میٹھی ہوجاتی ہے کہ پی ہی نہیں جاتی.
اب آپ اس پیراگراف کے شعر بنا لیں. پلیز

 

[محمد تابش صدیقی]

چائے ہی چائے بدن میں ہے لہو کے بدلے
دوڑتا اب ہے رگوں میں یہی تتا پانی

انور مسعود

 

[محمد تابش صدیقی]

وہ عرصے بعد ملا مجھ کو تو میں نے اس کو ہائے کہا
وہ تکتا رہا اور بیٹھ گیا پھر دھیرے سے اس نے چائے کہا

فی البدیہ

 

[محمد تابش صدیقی]

وہ عرصے بعد ملا مجھ کو تو میں نے اس کو ہائے کہا
وہ تکتا رہا اور بیٹھ گیا پھر دھیرے سے اس نے چائے کہا

فی البدیہ

تھوڑی تبدیلی کے ساتھ

میں عرصے بعد ملا اس سے تو اس نے پوچھا کیوں آئے؟
میں تکتا رہا اور بیٹھ گیا پھر دھیرے سے بولا بس چائے

 

[La Alma]

اصل میں چینی کم نہیں تھی آپ نے چمچی نہیں ہلائی تھی. عام طور پر اندر خوشیاں ہوتی ہیں بس چمچی ہلانے کی ضرورت ہوتی ہے. ہاں جب چائے ختم ہونے والی ہوتی ہے تو کچھ مٹھاس محسوس ہوتی ہے. پھر انسان جلدی جلدی چمچی چلاتا ہے. مگر اب چائے اتنی میٹھی ہوجاتی ہے کہ پی ہی نہیں جاتی.
اب آپ اس پیراگراف کے شعر بنا لیں. پلیز

نثری نظم کیوں نہ بنا لیں .

 

[فاخر رضا]

نثری نظم کیوں نہ بنا لیں .

واہ کیا آئیڈیا ہے

 

[راحیل فاروق]

دو کی بجائے چائے بنائی ہے ایک کپ
افسوس! آج تو بھی فراموش ہو گیا
(طوطئِ لاہور، رشکِ نابغہ و فرذوق، غیرتِ سعدیؔ و خاقانیؔ، سید الشعرا، اعلیٰ حضرت وصیؔ شاہ علیہِ ما علیہ وغیرہ وغیرہ)

اس کی میز پہ ہم چھوڑ آئے
جلتا سگرٹ، ٹھنڈی چائے
(نامعلوم)​

 

[محمد تابش صدیقی]

راحیل فاروق بھائی اب تبدیلی ملاحظہ فرمائیں.

 

[ادب دوست]

اس کی محفل میں چھوڑ آئے
جلتی سگریٹ ٹھنڈی چائے
پتا نہیں کس ظالم کا شعر ہے ..... کمال شعر ہے ...

 

[محمد تابش صدیقی]

اس کی میز پہ ہم چھوڑ آئے
جلتا سگرٹ، ٹھنڈی چائے

اس کی محفل میں چھوڑ آئے
جلتی سگریٹ ٹھنڈی چائے

اب یہ شاعر سے پوچھنا پڑے گا کہ میز تھی یا محفل

 

[ادب دوست]

اب یہ شاعر سے پوچھنا پڑے گا کہ میز تھی یا محفل

میں نے تو محفل ہی پڑھا تھا معلوم نہیں شاعر نے کیا کہا ہو انٹرنیٹ کی دنیا میں شعر کے الفاظ تبدیل ہونا انہونی بات بھی نہیں ۔ شاعر کا پتا نہیں کون ہے مگر ظالم کے شعر میر کی سی ادا ہے

 

[راحیل فاروق]

راحیل فاروق بھائی اب تبدیلی ملاحظہ فرمائیں.

نقاش نقشِ ثانی (ثالث؟) بہتر کشد ز اول​

اب یہ شاعر سے پوچھنا پڑے گا کہ میز تھی یا محفل

شاعر تو ہم بھی ہیں۔
اس منطق کو اگر کوئی اللہ کا بندہ فی سبیل اللہ قبول فرما لے تو ہم عرض کریں گے کہ محفل کا لفظ ہمیں بھی بہتر ہی معلوم ہوتا ہے۔ کیونکہ تجربے کی رو سے سگریٹ میز پہ کوئی رکھنے نہیں دیتا اور ایش ٹرے میں ہم پھینکتے نہیں۔ محفل ہی میں ضم فرماتے ہیں عموماً۔

منہ پھیر کر ادھر کو ادھر کو بڑھا کے ہاتھ​

اس کی محفل میں چھوڑ آئے
جلتی سگریٹ ٹھنڈی چائے
پتا نہیں کس ظالم کا شعر ہے ..... کمال شعر ہے ...

اب یہ سگریٹ کی تانیث و تذکیر کا ٹنٹا الگ نکل آیا ہے۔ کمال کرتے ہو، پانڈے جی!

میں نے تو محفل ہی پڑھا تھا معلوم نہیں شاعر نے کیا کہا ہو انٹرنیٹ کی دنیا میں شعر کے الفاظ تبدیل ہونا انہونی بات بھی نہیں ۔ شاعر کا پتا نہیں کون ہے مگر ظالم کے شعر میر کی سی ادا ہے

ہم نے یہ شعر حلقۂِ اربابِ ذوق میں سنا تھا ۲۰۰۸ء میں۔ فرخ منظور صاحب بھی اکثر ان گفتگوؤں میں ہوا کرتے تھے۔ شاید انھیں درست طور پر یاد ہو۔

 

[محمد تابش صدیقی]

نقاش نقشِ ثانی (ثالث؟) بہتر کشد ز اول​

 

[سید عاطف علی]

پٹھانوں والی چائے کو خراج تحسین۔۔۔۔۔۔۔۔۔
چائے والے شعر ہم لائے وہاں سے دوستو
"چائے والا " بن گیا ماڈل جہا ں سے دوستو

 

[فرخ منظور]

نقاش نقشِ ثانی (ثالث؟) بہتر کشد ز اول​

شاعر تو ہم بھی ہیں۔
اس منطق کو اگر کوئی اللہ کا بندہ فی سبیل اللہ قبول فرما لے تو ہم عرض کریں گے کہ محفل کا لفظ ہمیں بھی بہتر ہی معلوم ہوتا ہے۔ کیونکہ تجربے کی رو سے سگریٹ میز پہ کوئی رکھنے نہیں دیتا اور ایش ٹرے میں ہم پھینکتے نہیں۔ محفل ہی میں ضم فرماتے ہیں عموماً۔

منہ پھیر کر ادھر کو ادھر کو بڑھا کے ہاتھ​

اب یہ سگریٹ کی تانیث و تذکیر کا ٹنٹا الگ نکل آیا ہے۔ کمال کرتے ہو، پانڈے جی!

ہم نے یہ شعر حلقۂِ اربابِ ذوق میں سنا تھا ۲۰۰۸ء میں۔ فرخ منظور صاحب بھی اکثر ان گفتگوؤں میں ہوا کرتے تھے۔ شاید انھیں درست طور پر یاد ہو۔

معذرت میں نے یہ شعر کبھی نہیں سنا۔

 

[فہد اشرف]

ہنس کے بولوں جو پڑوسن سے تو جل جاتی ہے
کھولتی چائے کی مانند ابل جاتی ہے
مجید فضا

 

[ادب دوست]

اب یہ سگریٹ کی تانیث و تذکیر کا ٹنٹا الگ نکل آیا ہے۔ کمال کرتے ہو، پانڈے جی

سگریٹ ہوتی ہے ... دلیل
موت بھی اس لئے قبول ہمیں
موت آتا نہیں ہے آتی ہے ....
اس مینائے غریباں کو مونث ہی کہا جائے

 

[محمد تابش صدیقی]

آج کا تازہ شعر
حسبِ حال

جب چائے ناکافی ہو
سامنے اپنے کافی ہو

 

[صائمہ شاہ]

چائے کی ٹیبل پہ بھی یکجا نہیں ہوتے ہیں ہم
سوچتی ہوں ایک گھر کے کتنے خانے ہو گئے

ریحانہ قمر