لفظ چائے والے اشعار

[محمد وارث]

چُھٹی، چائے، کتاب، سگرٹ ہوں
اور بیگم نہ ہو تو بے غم ہوں

 

[ڈاکٹرعامر شہزاد]

اس کا خیال دل میں گھڑی دو گھڑی رہے
پھر اُس کے بعد میز پہ ، چائے پڑی رہے
نامعلوم

 

[ڈاکٹرعامر شہزاد]

میرے سرہانے
چائے کی پیالی رکھتے رکھتے
جُھک کر
میری بند آنکھوں پر
اپنے ہونٹوں کے دو پھول بھی رکھ دو
تاکہ سارا دن
مجھ کو یہ احساس رہے
آج کی صُبح بہت سُندر تھی
آج کا دن بھی اچھا ہو گا

 

[ڈاکٹرعامر شہزاد]

اپنی زوجہ کے تعارف میں کہا ایک شخص نے
دل سے ان کا معترف ہوں میں زبانی ہی نہیں
چائے بھی اچھی بناتی ہیں میری بیگم مگر
منہ بنانے میں تو ان کا کوئی ثانی ہی نہیں
انور مسعود

 

[La Alma]

ایک شعر میں بھی بنا لیا ہے.

کالی چائے سبز چائے لال چائے
ہائے ہائے ہائے ہائے ہائے ہائے

شعر کم نوحہ زیادہ لگ رہا ہے .

 

[اکمل زیدی]

شاخ پر پھول کھل گیا
کوئی بچھڑا مل گیا
سرد موسم میں اکمل
جائے کا کپ مل گیا

 

[محمد تابش صدیقی]

میں معذرت خواہ ہوں کہ اس لڑی میں اپنی تک بندی پوسٹ کرنے کی بدعت کا آغاز کیا۔

سرگوشی

 

[اکمل زیدی]

میں معذرت خواہ ہوں کہ اس لڑی میں اپنی تک بندی پوسٹ کرنے کی بدعت کا آغاز کیا۔

سرگوشی

میں بلکل شرمندہ نہیں ہوں اسے آگے بڑھانے میں .....

 

[محمد تابش صدیقی]

محمداحمد بھائی کے اشعار

سازِ خاموش ہے گردشِ روز و شب
اور اس ساز کی نغمگی شام ہے
دن کی سب تلخیاں، شام کی چائے تک
شام کی چائے کی چاشنی شام ہے​

 

[فاخر رضا]

شعر کم نوحہ زیادہ لگ رہا ہے .

جب سے وزن کم کرنے کی کوشش شروع کی ہے، بیگم صاحبہ مختلف قسموں کی چائے، جنہیں ادویات کہنا شاید زیادہ مناسب ہو پلا پلا کر اپنا حکیمانہ ذوق مجھ پر آزما رہی ہیں. ایسے میں اگر ہائے نکل جائے تو کیا غلط ہے. اب تک چھ ہمدردوں نے پرمزاح ک ریٹنگ دی ہے مگر ہمارے دل کا حال نہیں پوچھا. آپ کا احسان کہ آپ نے احساس کیا

 

[محمد تابش صدیقی]

چائے ہے یہ یا کہ سرخئ لب و رخسار ہے
دودھ ہے یہ یا تجلئ جمالِ یار ہے

قند ہے یا لذتِ شیرینئ گفتار ہے
اور حرارت کا سبب کیا گرمئ گفتار ہے

اس مرکب کو شرابِ مقیلاں کہتا ہوں میں
کیا غلط کہتا ہوں گر جانِ جہاں کہتا ہوں میں

بھوک کے عالم میں ہے سرمایۂ آبِ حیات
پیاس کے عالم میں لذت بخش صد جامِ نبات

رنج میں ہر گھونٹ اس کا وجہ تسکین و نجات
اور خوشی میں ہے سرور و کیف کی اک کائنات

یہ وہ نعمت ہے کہ جس کا ربط ہر عالم سے ہے
اعتبارِ کوثر و تسنیم اِس کے دم سے ہے

راہ سے جس طرح راہرو کو ہے منزل کا یقیں
یا نظر کو چاندنی سے بدرِ کامل کا یقیں

اس طرح بڑھتا رہا ہے چائے سے دل کا یقیں
یعنی صد فیصد ہوا فردوسِ کامل کا یقیں

چائے سی نعمت جو اِس دنیا میں دے ڈالی ہمیں
اُس جہاں میں دَر سے کیا پلٹائے گا خالی ہمیں

جنت الفردوس میں مانا کہ آرائش بھی ہے
دودھ کی نہریں بھی ہیں محلوں میں زیبائش بھی ہے

یوں تو حاصل قادری کو ساری آسائش بھی ہے
حضرتِ رضواں سے لیکن ایک فرمائش بھی ہے

خواہ میٹھی دیجئے، کڑوی کسالی دیجئے
ہر گھڑی فدوی کو چائے کی پیالی دیجئے
احمد اللہ قادری

 

[جاسمن]

چُھٹی، چائے، کتاب، سگرٹ ہوں
اور بیگم نہ ہو تو بے غم ہوں

چائے کون بنا کر دے گا؟
یا پھر بیگم بنا کر رکھ جائیں گی؟

 

[محمد وارث]

چائے کون بنا کر دے گا؟
یا پھر بیگم بنا کر رکھ جائیں گی؟

جی وہ بیگم نے مجھے پہلے ہی سے بنانی سکھا دی ہے، چھٹی والی رات سردیوں میں تین چار بجے جب چائے کافی کی شدید طلب ہوتی تھی تو مجھے صبح تک بیگم کے اُٹھنے کا انتظار کرنا پڑتا تھا سو اُس نے مجھے کچن کا راستہ دکھا دیا، اب انڈا ابالنے کے ساتھ ساتھ چائے بنانے میں‌ ماہر ہو کر میں‌ کچن ماسٹر بن چکا ہوں

 

[جاسمن]

جی وہ بیگم نے مجھے پہلے ہی سے بنانی سکھا دی ہے، چھٹی والی رات سردیوں میں تین چار بجے جب چائے کافی کی شدید طلب ہوتی تھی تو مجھے صبح تک بیگم کے اُٹھنے کا انتظار کرنا پڑتا تھا سو اُس نے مجھے کچن کا راستہ دکھا دیا، اب انڈا ابالنے کے ساتھ ساتھ چائے بنانے میں‌ ماہر ہو کر میں‌ کچن ماسٹر بن چکا ہوں

کیا بھابھی نے آپ کے ہاتھ کی چائے بھی پی ہے کبھی؟

 

[محمد وارث]

کیا بھابھی نے آپ کے ہاتھ کی چائے بھی پی ہے کبھی؟

جی ہاں ایک بار کوشش کی تھی، چسکی لیتے اور باہر کی طرف دوڑتے تو میں نے دیکھا تھا، اس کے بعد کیا ہوا وہ کچھ صحیح سے بتاتی نہیں

 

[جاسمن]

جی ہاں ایک بار کوشش کی تھی، چسکی لیتے اور باہر کی طرف دوڑتے تو میں نے دیکھا تھا، اس کے بعد کیا ہوا وہ کچھ صحیح سے بتاتی نہیں

ہاہاہاہاہا۔
مجھے ان سے ہمدردی ہے۔

 

[عبدالقیوم چوہدری]

کوئی خیال کریں بھئی، 56 مراسلے لکھ دیے اور چائے کا کسی نے پوچھا ہی نہیں۔
چلیں پھر میں ہی پلا دیتا ہوں

 

[فاخر رضا]

کوئی خیال کریں بھئی، 56 مراسلے لکھ دیے اور چائے کا کسی نے پوچھا ہی نہیں۔
چلیں پھر میں ہی پلا دیتا ہوں

بہت ہی دوستانہ

 

[شکیب]

یہ مہمان نوازی ہے یا اور ہے کچھ
میرے لیے وہ چائے بنا کر لائی ہے
(نوجوان نسل کا کریز۔۔۔” وصی شاہ“)

 

[صائمہ شاہ]

کوئی خیال کریں بھئی، 56 مراسلے لکھ دیے اور چائے کا کسی نے پوچھا ہی نہیں۔
چلیں پھر میں ہی پلا دیتا ہوں

چوھدری صاحب چائے کے اشعار سے چائے کی پیالی تک آف ٹریک ہوتا دھاگہ جمود کا شکار ہوا تو الزام آپ پر ثواب کی طرح نازل ہوگا