ماں

[جاسمن]

جب بھی کشتی مری سیلاب میں آ جاتی ہے
ماں دعا کرتی ہوئی خواب میں آ جاتی ہے

منور رانا

 

[جاسمن]

دور رہتی ہیں سدا ان سے بلائیں ساحل
اپنے ماں باپ کی جو روز دعا لیتے ہیں

محمد علی ساحل

 

[جاسمن]

اس لیے چل نہ سکا کوئی بھی خنجر مجھ پر
میری شہ رگ پہ مری ماں کی دعا رکھی تھی

نظیر باقری

 

[جاسمن]

اب اک رومال میرے ساتھ کا ہے
جو میری والدہ کے ہاتھ کا ہے

ضمیر جعفری

 

[جاسمن]

بہن کی التجا ماں کی محبت ساتھ چلتی ہے
وفائے دوستاں بہر مشقت ساتھ چلتی ہے
ضمیر جعفری

 

[MD MUBARAK ANSARI]

زندگی چاہے گداگر ہی بناکر رکھ دے
اے مری ماں تو میرا نام سکندر رکھ دے

ماخوذ : ماں از قلم منور راناؔ

 

[MD MUBARAK ANSARI]

کون سمجھائے یہ تنقید کے شہزادوں کو
ماں پہ ہم شعر نہ کہتے تو یہ شہرت ہوتی

ماخوذ : از ماں منور راناؔ

 

[MD MUBARAK ANSARI]

بلندیوں کا بڑے سے بڑا نشان چھوا
اٹھایا گود میں ماں نے تب آسمان چھوا

ماخوذ : از ماں منور راناؔ​

 

[MD MUBARAK ANSARI]

مختصر ہوتے ہوئے بھی زندگی بڑھ جائے گی
ماں کی آنکھیں چوم لیجیے روشنی بڑھ جائے گی

ماخوذ : ماں از منور راناؔ

 

[MD MUBARAK ANSARI]

اس طرح میرے گناہوں کو وہ دھو دیتی ہے
ماں بہت غصے میں ہوتی ہے تو رو دیتی ہے

ماخوذ : از ماں منور راناؔ

 

[MD MUBARAK ANSARI]

مجھے بس اس لیے اچھی بہار لگتی ہے
کہ یہ بھی ماں طرح خوشگوار لگتی ہے

ماخوذ : از ماں منور راناؔ

 

[MD MUBARAK ANSARI]

منانے کے لیے ماں بیچ رستے میں چلی آئی
یہ ذلت بھی مرے بیٹوں کے حصّے میں چلی آئی

ماخوذ : از ماں منور راناؔ

 

[MD MUBARAK ANSARI]

کل اپنے آپ کو دیکھا تھا ماں کی آنکھوں میں
یہ آئینہ ہمیں بوڑھا نہیں بتاتا ہے

ماخوذ : از ماں منور راناؔ

 

[MD MUBARAK ANSARI]

ماں آج مجھ کو چھوڑ کے گاؤں چلی گئ
میں آج اپنے آئینہ خانے سے کٹ گیا

ماخوذ : از ماں منور راناؔ

 

[سیما علی]

اگر ہو گود ماں کی تو فرشتے کچھ نہیں لِکھتے
‏جوممتا روٹھ جائے توکنارے پھر نہیں دِکھتے
‏یتیمی ساتھ لاتی ہے زمانے بھر کے دُکھ عابی
‏سُنا ہے باپ زندہ ہو تو کانٹے بھی نہیں چُبھتے

‏عابی مکھنوی

 

[گُلِ یاسمیں]

آئینہ دیکھ کر خوش ہیں میری آنکھیں بے حد
میرے چہرے میں میری ماں کی مشابہت بھی ہے

 

[گُلِ یاسمیں]

ایک مدّت سے میری ماں نہیں سوئی تا بش
میں نے اک بار کہا تھا مجھے ڈر لگتا ہے

 

[گُلِ یاسمیں]

ماں

موت کی آغوش میں جب تھک کے سوجاتی ہے ماں
تب کہیں جا کر تھوڑا سکوں پاتی ہے ماں

روح کے رشتوں کی یہ گہرائیاں تو دیکھیے
چوٹ لگتی ہے ہمارے اور چلاتی ہے ماں

پیار کہتے ہیں کسے اور مامتا کیا چیز ہے؟
کوئی ان بچوں سے پوچھے جن کی مر جاتی ہے ماں

زندگانی کے سفر میں گردشوں کی دھوپ میں
جب کوئی سایہ نہیں ملتا تو یاد آتی ہے ماں

کب ضرورت ہو مری بچے کو، اتنا سوچ کر
جاگتی رہتی ہیں آنکھیں اور سو جاتی ہے ماں

بھوک سے مجبور ہو کر مہماں کے سامنے
مانگتے ہیں بچے جب روٹی تو شرماتی ہے ماں

جب کھلونے کو مچلتا ہے کوئی غربت کا پھول
آنسوؤں کے ساز پر بچے کو بہلاتی ہے ماں

لوٹ کر واپس سفر سے جب بھی گھر آتے ہیں ہم
ڈال کر بانہیں گلے میں سر کو سہلاتی ہے ماں

ایسا لگتا ہے جیسے آگئے فردوس میں
کھینچ کر بانہوں میں جب سینے سے لپٹاتی ہے ماں

دیر ہو جاتی ہے گھر آنے میں اکثر جب کبھی
ریت پر مچھلی ہو جیسے ایسے گھبراتی ہے ماں

شکر ہو ہی نہیں سکتا کبھی اس کا ادا
مرتے مرتے بھی دعا جینے کی دے جاتی ہے ماں​

 

[گُلِ یاسمیں]

رب قادر ، رحیم ،کریم ایسا
کوئی رحیم نہیں اللہ پاک ورگا
پتر بھاویں زمانے دا غوث ہووے
نہیں مانتے پیراں دی خاک ورگا​

 

[جاسمن]

سرنگوں سارا جہاں ہے مامتا کے سامنے
بد دعا میں ہے دعا اس کی دعا کے سامنے
جہاں آراء تبسم