محبت کے موضوع پر اشعار!

[عمر سیف]

اک حرف تسلی کا
اک لفظ محبت کا
خود اپنے لیے اس نے
لکھا تو بہت رویا

 

[نوید ملک]

اُس نے ہنسی ہنسی میں محبت کی بات کی
میں نے عدیم اسکو مکرنے نہیں دیا

 

[عمر سیف]

تو جو بدلہ تو بدل گئے ہم بھی
محبت کی تھی بندگی تو نہیں
وقت کٹ ہی جائے گا بہر صورت
تو کوئی شرطِ زندگی تو نہیں

 

[تیشہ]

میرا جنون ِ محبت تو کوئی راز نہیں
تیرے ہی پاس مگر چشم ِامتیاز نہیں

کچھ اور دن اسے رکھ آتش ِ محبت پر
کہ تیرے شیشئہ دل میں ابھی گداز نہیں ۔

 

[شائستہ]

چپکے چپکے جل جاتے ہیں
لوگ محبت کرنے والے
پروا سنگ نکل جاتے ہیں
لوگ محبت کرنے والے
آنکھوں آنکھوں چل پڑتے ہیں تاروں کی قندیل لیے
چاند کے ساتھ ہی ڈھل جاتے ہیں
لوگ محبت کرنے والے
دل میں‌ پھول کھلا دیتے ہیں
لوگ محبت کرنے والے
آگ میں راگ جگا دیتے ہیں
لوگ محبت کرنے والے
پانی بیچ بتاشہ صورت خود تو گھلتے رہتے ہیں
سم کو شہد بنادیتے ہیں
لوگ محبت کرنے والے

خواب خوشی کے بو جاتے ہیں
لوگ محبت کرنے والے
زخم دلوں کے دھو جاتے ہیں
لوگ محبت کرنے والے
تتلی تتلی لہراتے ہیں پھولوں کی امید لیے
اک دن خوشبو ہوجاتے ہیں
لوگ محبت کرنے والے
بن جاتے ہیں نقش وفا کا
لوگ محبت کرنے والے
جھونکا ہیں بے چین ہوا کا
لوگ محبت کرنے والے
جلی ہوئی دھرتی پہ جیسے بادل گھر کر آئیں
بستی پر ہیں فضل خدا کا
لوگ محبت کرنے والے

 

[عمر سیف]

کب مجھ کو اعترافِ محبت نہ تھا فراز
کب میں نے یہ کہا ہے سزائیں مجھے نہ دو

 

[نوید ملک]

امید کا سایہ ہے نہ رستہ ہے نہ منزل
ہم کتنے اکیلے ہیں محبت کے سفر میں

 

[عمر سیف]

محبت میں خسارہ کر لیا
تیرے دُکھ کو گوارا کر لیا

 

[نوید ملک]

یہ رنجشیں تو محبت کے پھول ہیں ساجد
تعلقات کو اس بات پر گنوا بھی نہ دے
(اعتبار ساجد)

 

[عمر سیف]

میں اپنے آپ سے بڑھ کر کسی کو کیوں چاہوں
مجھی پہ ختم ہے قصّہ میری محبّت کا

 

[تیشہ]

محبت اے بے دید پاگل محبت
ہمیں چھوڑ دے، دیکھو ہم باز آئے
دوا، تشنہ کامی کی لے کر وہ نیناں
کبھی تو وہ آئے،بصد ناز آئے۔

 

[شمشاد]

مانا کہ محبت کا چھپانا ہے محبت
چپکے سے کسی روز جتانے کے لیے آ

جیسے تجھے آتے ہیں نہ آنے کے بہانے
ایسے ہی کسی روز نا جانے کے لیے آ
(طالب باغپتی)

 

[نوید ملک]

نئی طرح سے نبھانے کی دل نے ٹھانی ہے
وگرنہ اس سے محبت بہت پرانی ہے
(محسن نقوی)

 

[حجاب]

کیسی محبت کیسی چاہت سب کچھ ہم پر روشن تھا
یونہی ذرا سا شوق ہوا تھا آؤ دل برباد کریں ۔۔۔۔۔۔

 

[نوید ملک]

وفا، خلوص ، محبت ، گناہ ، مکرو فریب
یہ لاعلاج ہیں سارے ، دوا کسی کی نہیں

 

[ظفری]

گئے لمحوں میں دعا کرنے چلا جاتا ہوں
میرے ماضی میں ہے مدفون محبت اسکی​

 

[عمر سیف]

ملیں گی اپنے نصیب کی خوشیاں
بس انتظار ہے کب یہ کمال ہونا ہے
ہر ایک شخص چلے گا ہماری راہوں پر
محبتوں میں ہمیں بے مثال ہونا ہے

 

[حجاب]

کوئی تعویز ہو رد ِ بلا کا
محبت میرے پیچھے پڑ گئی ہے۔

 

[عمر سیف]

بہت خوب حجاب۔

محبتوں پہ کبھی بات ہو تو ہم دونوں
پھر ایک دوجے کے غم بانٹنے میں لگ جائیں

 

[تیشہ]

چاہت کے صبح و شام محبت کے رات دن
دل ڈھونڈتا ہے پھر وہی فرصت کے رات دن ،