محبت کے موضوع پر اشعار!

[تیشہ]

پتھر کے خدا، پتھر کے صنم ! پتھر کے ہی انساں پائے ہیں
تم شہر ِ محبت کہتے ہو ہم جان بچاکر آئے ہیں

ہونٹوں پہ تبسم ہلکا سا آنکھوں میں نمی سی اے فاقر
ہم اہل محبت پر اکثر ایسے بھی زمانے آئے ہیں ،

 

[الف عین]

تھیں اک سکوت سے ظاہر محبتیں اپنی
اب آنسوؤں نے بھی بخشیں عنائتیں اپنی
ا ع

 

[عمر سیف]

اپنی جب حد سے بڑھ گیا جاناں
درد خود بن گیا دوا جاناں
واسطہ دے کے پھر محبت کا
پھر نیا زخم دے گیا جاناں

 

[عمر سیف]

اس دھاگے کے 99 صفحے مکمل ہونے کو ہیں۔ کیا اسے مقفل کرنا ہے؟

 

[زینب]

ابھی سے مجھ کو بتا دے اگر بچھڑنا ہے

نئی نئی ہے محبت تجھے میں بھلا دوں گا

 

[الف عین]

پتہ نہیں کہ مجھے واقعی محبت ہے
مگر وہ میرے لیے اک اہم ضرورت ہے
ا ع

 

[زینب]

کچھ تو ھوتے ہیں محبت میں جنوں کے آثار

اور کچھ لوگ بھی دیوانہ بنا دیتے ہیں

 

[شمشاد]

اُٹھ گئی رسمِ محبت، سرد ہے بازارِ عشق
دل تڑپتا ہے متاعِ غم کو ارزاں دیکھ کر
(سرور)

 

[تیشہ]

لہو دل کا جلاؤ تم محبت سانس لیتی ہے
غزل تازہ سناؤ تم ۔ ۔ محبت سانس لیتی ہے

مجھے اشعار کی صورتُ میں کئی الہام ہو ئے ہیں
کبھی خوابوں میں آؤں تم ۔ ۔محبت سانس لیتی ہے

بدن میں روح کی مانند تیری انمول سوچیں میں
مجھے دل سے بتاؤ تم ۔ ۔ محبت سانس لیتی ہے

ابھی کچھ وقت باقی ہے ابھی امیدُ قائم ہے
کہیں سے لوٹ آؤ تم ، ۔۔ محبت سانس لیتی ہے

ابھی کچھ رات باقی ہے ابھی سورج نہیں نکلا
ابھی شمیں جلاؤ تم ۔ ۔محبت سانس لیتی ہے ۔ ۔ ۔

 

[شمشاد]

اور بھی دکھ ہیں زمانے میں محبت کے سوا
راحتیں اور بھی ہیں وصل کی راحت کے سوا
(فیض)

 

[زینب]

بہت سی باتیں ایسی ہیں،جنہیں ہم فرض کرتے ہیں
چلو یہ فرض کرتے ہیں اسے مجھ سے محبت ہے۔۔۔۔

 

[شمشاد]

فریادِ اسیرانِ محبت نہیں بے ہیچ
یہ نالے کسو دل میں بھی تاثیر کریں گے
(میر)

 

[زینب]

محبتوں کا مجھ سے نصاب مانگتا تھا

چاہتوں کا اپنی حساب ما نگتا تھا


عجیب شخص تھا سب جاننے کے باوجود

وہ اکثر اپنی باتوں کا جواب مانگتا تھا

 

[شمشاد]

آخرِ کار محبت میں نہ نکلا کچھ کام
سینہ چاک و دلِ پژ مردہ مژہ نم سے بھی
(میر)

 

[زینب]

ٹوٹ جائے نہ بھرم ہونٹ ہلاؤں کیسے
حال جیسا بھی ہے تجھ کو بتاؤں کیسے

یہ تو بتا میری محبت کو بھلانے والے
میں تیری یاد کو اس دل سے بھلاؤں کسے

 

[شمشاد]

دن رات مری چھاتی جلتی ہے محبت میں
کیا اور نہ تھی جاگہ یہ آگ جو یاں دابی
(میر)

 

[زینب]

ذندگی درد کا عنواں کہاں تھی پہلے
مبتلا رنج میں یہ جاں کہاں تھی پہلے

دل جو ٹوٹا تو کھلا سب کی محبت کا بھرم

اپنے بیگا نے کی پہچاں کہاں تھی پہلے

 

[شمشاد]

نہیں خالی اثر سے تصفیہ دل کا محبت میں
کہ آئینے کو ربطِ خاص ہے صاحب جمالوں سے
(میر)

 

[زینب]

ہم سے محبتوں کی نمائش نہ ہو سکے گی

بس اتنا جانتے ہیں کے تجھے چاہتے ہیں ہم

 

[شمشاد]

کاہے کا پاس اب تو رسوائی دُور پہنچی
رازِ محبت اپنا کس سے چھپا رہا ہے
(میر)

اور اس کے ساتھ ہی اس دھاگے کے 100 صفحے پورے ہوئے اور یہ دھاگہ مقفل ہوا۔