محبت کے موضوع پر اشعار!

[زینب]

تمہارا ظرف ہے تم کو محبت بھول جانی ہے

ہمیں تو جس نے بھی ہنس کے پکارایاد رہتا ہے

 

[شمشاد]

پہلا دھاگہ 100 صفحے پورے کر کے مقفل ہوا۔ اب نئے سرے سے لفظ " محبت " پر شعر لکھیں۔

کافر ہوئے بُتوں کی محبت میں میر جی
مسجد میں آج آئے تھے قشقہ دیے ہوئے
(میر)

 

[اجمل]

یقینِ مُحکم عملِ پَیہم محبت فاتحِ عالَم
جہادِ زندگانی میں ہیں یہ مردوں کی شمشیریں
---------------------------------------------------------
محبت کے ماروں کیلئے
تم اگر بھول بھی جاؤ تو یہ حق ہے تم کو
میں نے تجھ سے ہی نہیں سب سے محبت کی ہے

 

[شمشاد]

یہ بگولہ تو نہیں دشتِ محبّت میں سے
جمع ہو خاک اُڑی کتنے پریشانوں کی
(میر)

 

[سارہ خان]

خواب خوشی کے بو جاتے ھیں لوگ محبت کرنے والے
زخم دلوں کے دھو جاتے ھیں لوگ محبت کرنے والے


آنکھوں آنکھوں میں چل پڑتے ھیں تاروں کے قندیل لئے
چاند کے ساتھ ہی ڈھل جاتے ھیں لوگ محبت کرنے والے

(امجد اسلام امجد)

 

[شمشاد]

احوال بہت تنگ ہے اے کاش محبت
اب دستِ تلطف کو مرے سر سے اُٹھا لے
(میر)

 

[زینب]

محبت کی زنجیر سے ڈر لگتا ہے

کچھ اپنی تقدیر سے ڈر لگتا ہے
'
جو مجھے آپ سے جدا کرتی ہے

ہاتھ کی اس لکیر سے ڈر لگتا ہے

 

[شمشاد]

احوال بہت تنگ ہے اے کاش محبت
اب دستِ تلطف کو مرے سر سے اُٹھا لے
(میر)

 

[زینب]

تنہا ئیوں سے وحشت اسے بھی تھی

ہاں مجھ سے محبت اسے بھی تھی

نہ جانے کیا ہوا اس نے مڑ کر نہیں دیکھا

ورنہ میرے اُجڑنے کی خبر اسے بھی تھی

 

[فاتح]

دونوں جہان تیری محبت میں ہار کے
وہ جا رہا ہے کوئی شبِ غم گُزار کے​

(فیض)

 

[شمشاد]

لے جائے یہ میر اُس کے دروازے کی مٹی بھی
اُس درد محبت کی جو کوئی دوا جانے
(میر)

 

[زینب]

محبت کے حادثے اکثر شیشئہ دل کو توڑ جاتے ہیں

تم منزل کی بات کرتے ہو لوگ راہوں میں چھوڑ جاتے ہیں

 

[فاتح]

محبت کے حادثے اکثر شیشئہ دل کو توڑ جاتے ہیں

تم منزل کی بات کرتے ہو لوگ راہوں میں چھوڑ جاتے ہیں

زینب صاحبہ!
لفظ محبت پر "اشعار" لکھنے تھے یہاں۔ آپ نے نثر لکھ دی ہے یا پھر حادثاتی طور پر شعر غریب کے ہاتھ پاؤں توڑ کر اسے نثر کا روپ دے دیا ہے۔

 

[شمشاد]

فاتح بھائی دل کے عنوان پر نہیں، محبت پر شعر لکھنے کا دھاگہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیا ہوا گر غزل قصیدہ ہوئی
عاقبت قصۂ محبت ہے
(میر)

 

[فاتح]

فاتح بھائی دل کے عنوان پر نہیں، محبت پر شعر لکھنے کا دھاگہ ہے۔

شکریہ شمشاد بھائی! مجھے ارسال کرنے کے بعد اندازہ ہوا اور میں نے تصحیح کر دی تھی۔

 

[فاتح]

جگر نے محبت کو کوزے میں یوں بند کیا ہے:

اس لفظِ محبت کا اتنا سا فسانہ ہے
سمٹے تو دلِ عاشق، پھیلے تو زمانہ ہے​

 

[شمشاد]

اور میر صاحب یوں فرما گئے ہیں :

ناصح نہ روویں کیوں کے محبت کے جی کو ہم
اے خانماں خراب ہمارے تو گھر گئے​

 

[Dilkash]

شمشاد بھائی معاف کرنا اپکے ساتھ ہر موضوع پر ایک نہیں کافی اشعار ھیں۔
سچ سچ بتائیں بیت بازی کی فٹ پاتھی کتابوں کی تعداد کتنی ھے اپ کے پاس؟
کیونکہ اپکے پاس سے ہزاروں اشعار اس محفل کی زینت بن چکے ہیں۔ظاھر 29000 پوسٹوں میں تقریبا 20000 ھزار تو اپ نے اشعار لکھے ہیں۔اس بورڈ پر ۔۔تو اتنے سارے شعر تو کسی کو بھی یاد نہیں رہتے۔
یہی سوال دوسرے شعر نویسوں سے بھی ھے۔

دھاگے لے لئے پرانا شعر
محبت کرنے والے کم نہ ہونگے
تیری محفل میں مگر ہم نہ ہو نگے

 

[شمشاد]

ہاہاہاہاہا

آفریدی صاحب میرے پاس بہت ساری ڈائریاں اشعار سے بھری پڑی ہیں۔ کبھی شوق ہوتا تھا ہر قسم کی غزل نظم ڈائری میں لکھنے کا، اب کمپیوٹر میں لکھ لیتا ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لوہے کے توے ہیں جگرِ اہلِ محبت
رہتے ہیں ترے تیرِ ستم ہی کے نشانے
(میر)

 

[فاتح]

سچ سچ بتائیں بیت بازی کی فٹ پاتھی کتابوں کی تعداد کتنی ھے اپ کے پاس؟

آفریدی بھائی! خوب یاد دلایا آپ نے۔۔۔ فٹ پاتھ سے خریدی جانے والی کتب کے متعلق۔

میرے پاس جو چند کتب ہیں ان میں سے کافی فٹ پاتھوں سے خریدی ہوئی ہیں، مثلاً
ابنِ انشاء کی تمام کتب
پیرزادہ قاسم کی ایک کتاب
محسن نقوی کی "عذاب دید"
سلیم کوثر کی "خالی ہاتھوں میں ارض و سما"
وغیرہ وغیرہ