محبت کے موضوع پر اشعار!

[شمشاد]

اے دوست ہم نے ترکِ محبت کے باوجود
محسوس کی ہے تیری ضرورت کبھی کبھی
(ناصر کاظمی)

 

[راجہ صاحب]

تمہیں ناراض ہی رہنا ہے تو کچھ بات تو کرو فراز
کہ یوں چپ رہنے سے محبت کا گمان ہوتا ہے

فراز

 

[شمشاد]

تجھ کو کھو کر بھی رہوں، خلوتِ جاں میں تیری
جیت پائی ہے محبت نے عجب، مات کے ساتھ
(پروین شاکر)

 

[راجہ صاحب]

محبت کو رکھو گے پوشیدہ کب تک
حقیقت عیاں کرنے کب آرہے ہو

نامعلوم

 

[شمشاد]

ہمنشیں! پوچھ نہ مجھ سے کہ محبت کیا ہے
اشک آنکھوں میں ابل آتے ہیں اس نام کے ساتھ
(احسان دانش)

 

[تانیہ]

تم مجھے بھول بھی جاؤ تو یہ حق ہے تمکو
میری بات اور ہے، میں نے تو محبت کی ہے

 

[شمشاد]

تجھ کو تشریحِ محبت کا پڑا ہے دورہ
پھر رہا ہے مرا سر گردشِ ایام کے ساتھ
(احسان دانش)

 

[راجہ صاحب]

اس سے پہلے بھی محبت کا قرینہ تھا یہی
ایسے بے حال ہوئے ہیں مگر اس بار کہ بس

نامعلوم

 

[شمشاد]

جب ترا حکم ملا ترک محبّت کر دی
دل مگر اس پہ دھڑکا کہ قیامت کر دی
(احمد ندیم قاسمی)

 

[تانیہ]

محبت، عداوت، وفا، بےرُخی
کرائے کے گھر تھے بدلتے رہے

 

[شمشاد]

جو ہو سکے سمیٹیے گلی گلی محبتیں
جگہ جگہ پڑی ہوئی عداوتیں نہ مانگیے
(سہیل ثاقب)

 

[راجہ صاحب]

یہ سچ ہے پیار پہلا ہی بسا رہتا ہے سانسوں میں
یہ سچ ہے عمر بھر پہلی محبت یاد رہتی ہے

 

[شمشاد]

مقطع میں آ پڑی ہے سُخن گُسترانہ بات
مقصود اس سے قطعِ محبت نہیں مجھے
(غالب)

 

[راجہ صاحب]

ایک نغمہ تھی محبت کی صدا
دل وہی آواز دوہراتا رہا

ارم لکھنوی

 

[شمشاد]

محبت میں نہیں ہے فرق جینے اور مرنے کا
اسی کو دیکھ کر جیتے ہیں جس کافر پہ دم نکلے
(چچا)

 

[راجہ صاحب]

محبت آزمانی ہو تو بس اتنا ہی کافی ہے
ذرا کا روٹھ کر دیکھو منانے کون آتا ہے

نامعلوم

 

[شمشاد]

تم دیکھتے تو ایک تماشے سے کم نہ تھا
آشفتگانِ دشتِ محبت کا حال بھی!
(امجد اسلام امجد)

 

[راجہ صاحب]

میں اپنی محبت کا فسانہ اسے منصور
محفل میں کہاں ہاتھ ملاتے ہوئے کہتا

منصور آفاق

 

[معاویہ وقاص]

تجھ کو کیا زعم ہے محبت میں
کوئی پاگل نہیں ہے تیرے بِنا
شفیق احمد خان

 

[قرۃالعین اعوان]

کتابوں سے دلائل دوں یا خود کو سامنے رکھوں
وہ مجھ سے پوچھ بیٹھا ہے محبت کس کو کہتے ہیں