محبت کے موضوع پر اشعار!

[سیما علی]

راغب ایسا میں کروں قصرِ محبت تعمیر
رخنہ باقی کسی دیوار نہ در میں رکھوں

(راغب مراد آبادی)

 

[سیما علی]

قیس و فرہاد کے فرسودہ فسانوں پہ نہ جا !
کون مرتا ہے محبت میں ؟ سبھی جیتے ہیں !

 

[سیما علی]

جن سے افسانۂ ہستی میں تسلسل تھا کبھی
اُن محبّت کی روایات نے دم توڑدیا

ساغر

 

[سیما علی]

اُس نے دیکھا تھا مَحبت کی نظر سے اک بار
کاش وہ مجھ پہ وہی ایک نظر پھر کر دے
(امین عاصم)

 

[سیما علی]

چاہوں گا میں تم کو جو مجھے چاہو گے تم بھی
ہوتی ہے محبت تو محبت سے زیادہ !!!
مصحفی غلام ہمدانی

 

[سیما علی]

ہماری زندگی کیا ہے محبت ہی محبت ہے
تمہارا بھی یہی دستور بن جائے تو اچھا ہو
علی ظہیر لکھنوی

 

[سیما علی]

دونوں جہان تیری محبت میں ہار کے
وہ جا رہا ہے کوئی شبِ غم گُزار کے۔۔۔

(فیض احمد فیض)

 

[سیما علی]

محبت ہے یا آج ترک محبت
ذرا مل تو جائیں وہ تنہائیوں میں
کیف بھوپالی

 

[سیما علی]

میں اس شخص کو کیسے مناؤں گا !! محسن
جو مجھ سے روٹھا ہے میری محبت کے سبب

 

[سیما علی]

ہم عشق کے اُس مقام پر ہیں وصی!!!!!!!
جہاں دل کسی اور کو چاہے تو گناہ ہوتا ہے

 

[سیما علی]

کب مجھ کو اعترافِ محبت نہ تھا فراز
کب میں نے یہ کہا ہے سزائیں مجھے نہ دو۔۔۔۔

 

[سیما علی]

اس نے ہنسی ہنسی میں محبت کی بات کی
میں نے عدیم اس کو مکرنے نہیں دیا

 

[سیما علی]

سر میں سودا بھی نہیں دل میں تمنا بھی نہیں
لیکن اس ترک محبت کا بھروسا بھی نہیں
(فراق گورکھپوری)

 

[سیما علی]

ہم تو محبت میں بھی توحید کے قائل ہیں فرازؔ
ایک ہی شخص کو محبوب بنائے رکھا ہے

 

[سیما علی]

سو بار کہا میں نے انکار ہے محبت سے
ہر بار صدا آئی تم دل سے نہیں کہتے

 

[سیما علی]

کب دعاؤں کا محتاج ہوتا ہے
عشق تو لا علاج ہوتا ہے

 

[سیما علی]

عشق جسموں کو سر نہیں کرتا
عشق کا ذہنوں پر راج ہوتا ہے

 

[سیما علی]

محبت معانی و الفاظ میں لائی نہیں جاتی
یہ وہ نازک حقیقت ہے جو سمجھائی نہیں جاتی

 

[سیما علی]

یہ عشق و محبت کی روایت بھی عجیب ہے
پانا بھی نہیں ہے اسے کھونا بھی نہیں ہے

 

[مومن فرحین]

محبتوں کے یہ فیصلے تو خدائے برتر نے لکھ رکھے ہیں
کہاں تلک ہم بچائیں دامن یہ چاہتیں بھی نئی نہیں ہیں
ذاکر خان