محفل متراں دی

[عبدالقیوم چوہدری]

وے لال دماں دیا لوبھیاں

شاہ جی۔۔ایدا کی مطلب ہویا ؟

 

[عبدالقیوم چوہدری]

اسی کٹر چنیوٹی نیں۔ ساڈے نال پنگا نہ لیو!

کٹر

 

[arifkarim]

کٹر

اے کٹر ہور ہے سر جی!

 

[عبدالقیوم چوہدری]

اے کٹر ہور ہے سر جی!

ہووے دا۔۔۔ پر تواڈے آستے ایہو ای اے۔۔۔

 

[اوشو]

چن کتھاں گزاری ائی رات وے
مینڈا جی دلیلاں دے وات وے

کوٹھے تے پر-کوٹھڑا ماہی کوٹھے سکدا گھاہ بھلا
عاشقاں جوڑیاں پوڑیاں تے معشوقاں جوڑے راہ بھلا

کوٹھے تے پر-کوٹھڑا ماہی کوٹھے سکدی ریت بھلا
اساں گندائیاں مینڈھیاں توں کسے بہانے ویکھ ذرا

کوٹھے تے پر-کوٹھڑا ماہی کوٹھے تے تنور بھلا
پہلی روٹی توں کھاویں تینڈے ساتھی نسّ گئے دور بھلا

کوٹھے تے پر-کوٹھڑا چن کوٹھے تے تندور بھلا
ہسدیاں ہسدیاں کر گیوں کیوں دل نوں چکناچور بھلا

کوٹھے تے پر-کوٹھڑا ماہی اوتھے بیٹھا کاں بھلا
توں تے مینکوں بھل گئیں میں تے اجے وی تیری ہاں بھلا

کوٹھے تے پر-کوٹھڑا ماہی کوٹھے سکدیاں توریاں
کلیاں راتاں جاگ کے میں نپیاں تیریاں چوریاں

کوٹھے تے پر-کوٹھڑا ماہی کوٹھے دے وچّ باریاں
ہن تاں واپس آ ماہی توں جتیا تے میں ہاریاں

ایہ میں کدھرے ویکھیا وی سی، سنیا وی سی (انٹرنیٹ تے)۔ سائٹ پھر لبھاں گا، اک واری۔

 

[محمد یعقوب آسی]

شکریہ جناب، اوہ ہور سائٹ سی، اوتھے صرف آڈیو نیں، تے بہت سارے! خاص طور تے پرانے لوک گیت۔
مینوں ٹائم نہیں ملیا، میں لبھ کے لنک پوسٹ کر دیاں گا۔

 

[محمد یعقوب آسی]

شکریہ جناب، اوہ ہور سائٹ سی، اوتھے صرف آڈیو نیں، تے بہت سارے! خاص طور تے پرانے لوک گیت۔
مینوں ٹائم نہیں ملیا، میں لبھ کے لنک پوسٹ کر دیاں گا۔

ایہ سائٹ اے، بیلیو!
اوہ لوک گیت جہیڑے نکے ہوندیاں سندے ہوندے ساں، اوہناں وچوں کئی ایتھے ریکارڈ ہوئے نیں۔ سنو، تسلی نال!

 

[محمد یعقوب آسی]

چن کتھاں گزاری ائی رات وے

 

[محمد یعقوب آسی]

اک میری اکھ کاسنی
اک میری اکھ کاسنی دوجا رات دے انیندرے نے ماریا
شیشے نوں تریڑ پے گئی ۔۔۔

 

[سید شہزاد ناصر]

اک میری اکھ کاسنی
اک میری اکھ کاسنی دوجا رات دے انیندرے نے ماریا
شیشے نوں تریڑ پے گئی ۔۔۔

واہ واہ

 

[تلمیذ]

پچھلے ہفتے اک واری فیر ایہو قوالی ایسی قوال یعنی عارف فیروز خان دی آواز چ لائیو سنی او وی فرمائش کر کے

جناب ، سانہوں وہی سنواؤ ۔

 

[تلمیذ]

اک میری اکھ کاسنی
اک میری اکھ کاسنی دوجا رات دے انیندرے نے ماریا
شیشے نوں تریڑ پے گئی ۔۔۔

تسیں دو ٹپے رلا دتے نیں۔
۱۔ اک میری اکھ کاسنی دوجا رات دے انیندرے نے ماریا

۲۔ وال واہندی نے دھیان جد ماریا تے شیشے نوں تریڑ پے گئی

 

[محمد یعقوب آسی]

تسیں دو ٹپے رلا دتے نیں۔
۱۔ اک میری اکھ کاسنی دوجا رات دے انیندرے نے ماریا

۲۔ وال واہندی نے دھیان جد ماریا تے شیشے نوں تریڑ پے گئی

۔۔
نہیں! ایہ اکو ای گیت اے، شِو کمار بٹالوی نے لکھیا، تے سریندر کور نے گایا۔ ایہ لنک سنو ذرا۔

 

[تلمیذ]

درست، جناب۔

 

[محمد یعقوب آسی]

ایہ لنک سنو ذرا۔

لپی انتر ۔۔۔۔۔۔۔۔۔۔۔۔۔

نی اک میری اکھ کاسنی دوجا رات دے انیندرے نے ماریا
شیشے نوں تریڑ پے گئی وال واہندی نے دھیان جدوں ماریا
نی اک میری اکھ کاسنی

اک میری سَس نی بری بھیڑی روہی دے ککر توں کالی
گل کتھے وِیر پُن دی نِت دیوے میرے پیکیاں نوں گالی
نی کیہڑا اس چندری دا نی میں لاچیاں دا باغ اجاڑیا
نی اک میری اکھ کاسنی

دوجا میر دیور نِکڑا بھیڑا گوریاں رناں دا شونکی
ڈھُک ڈھُک نیڑے بیٹھدا رکھ سامنے رنگیلی چونکی
نی ایس گل توں ڈردی اجے تیک وی نہ گھُنڈ نوں اتاریا
نی اک میری اکھ کاسنی

تیجا میرا کنت جیویں رات چاننی چ دُدھ دا کٹورا
نکھرے سندھوری رنگ دا اوہدے نیناں چ گلابی ڈورا
نی اکو گل ماڑی اوس دی، لائی لگ نوں ہے ماں نے وگاڑیا

نی اک میری اکھ کاسنی دوجا رات دے انیندرے نے ماریا
شیشے نوں تریڑ پے گئی وال واہندی نے دھیان جدوں ماریا
نی اک میری اکھ کاسنی
۔۔۔

 

[تلمیذ]

۔۔
نہیں! ایہ اکو ای گیت اے، شِو کمار بٹالوی نے لکھیا، تے سریندر کور نے گایا۔ ایہ لنک سنو ذرا۔

چلو ایسے بہانے اک ودھیا جیہی ویب سائٹ دا ربط لبھ گیااے۔
شکریہ۔

 

[محمد یعقوب آسی]

چلو ایسے بہانے اک ودھیا جیہی ویب سائٹ دا ربط لبھ گیااے۔
شکریہ۔

ایہ تے پھر ہے وے!

 

[عبدالقیوم چوہدری]

ایس لڑی وچ آ کہ اینج لگدا اے جیوں پنڈ دے چوپال یا دارے بیٹھیاں آں تے وڈیاں بزرگاں کولوں ون سونیاں گلاں سننڑا پیاں آں۔ تے نال ڈھولے ماہیے تے گیت وی چلدے پئے نیں۔ قسمے سواد آ جاندا اے۔ میں اپنڑیاں اناں تریواں بزرگاں دا بوہت بوہت شکریہ ادا کرنا آں جے اوناں ایس لڑی وچ ایڈی کوئی رونق لا دتی اے کہ کسی ہور لڑی ول ویکھنڑ تے وی دل نئی کردا۔
اللہ جی توانوں ساریاں نوں لمی ساری حیاتی دیوے تے اناں بلدیاں سڑدیاں جیونڑ دی راہاں وچ ساڈیاں سراں تے تواڈی چھاں نوں کدی نہ ہٹائے۔ آمین

 

[فاروق احمد بھٹی]

ایس لڑی وچ آ کہ اینج لگدا اے جیوں پنڈ دے چوپال یا دارے بیٹھیاں آں تے وڈیاں بزرگاں کولوں ون سونیاں گلاں سننڑا پیاں آں۔ تے نال ڈھولے ماہیے تے گیت وی چلدے پئے نیں۔ قسمے سواد آ جاندا اے۔ میں اپنڑیاں اناں تریواں بزرگاں دا بوہت بوہت شکریہ ادا کرنا آں جے اوناں ایس لڑی وچ ایڈی کوئی رونق لا دتی اے کہ کسی ہور لڑی ول ویکھنڑ تے وی دل نئی کردا۔
اللہ جی توانوں ساریاں نوں لمی ساری حیاتی دیوے تے اناں بلدیاں سڑدیاں جیونڑ دی راہاں وچ ساڈیاں سراں تے تواڈی چھاں نوں کدی نہ ہٹائے۔ آمین

زبردست تے متفق

 

[arifkarim]

موری ارج سنو، از فیض احمد فیض: