محفل کے نئے مدیران اعلیٰ: فرقان احمد و محمد تابش صدیقی

[سید عمران]

اس کے ساتھ ہی ہم ان دونوں صاحبان کو آپ سب کے حوالے کرتے ہیں کہ آپ پہلے اپنی محبتوں اور ڈھیروں مبارکباد کے پیغامات کے ساتھ ان کی پذیرائی کریں، "سیاں بھئے کوتوال، اب ڈر کاہے کا" وغیرہ جیسا کچھ گنگناتے ہوئے شیرینی تقسیم کریں، اور کچھ عرصہ بعد ان کے "اعمال" پر جانبداری اور اقربا نوازی وغیرہ کی مہر لگا دیں۔

 

[سید عمران]

مدیران کا کام سچ و جھوٹ اور حق و نا حق کا فیصلہ کرنا نہیں بلکہ محفل کی تعمیری پلیٹ فارم کی حیثیت کو مہمیز کرنا، اسے غیر ضروری چپقلش و انتشار سے بچانا اور صحت مند انداز میں ہر دو فریق کو اپنی آرا کے اظہار کا موقع فراہم کرانا ہوتا ہے، خواہ کسی کا موقف ان کی ذاتی رائے کے مخالف ہی کیوں نہ ہو۔

 

[سید عمران]

جہاں مدیران سے توقع رکھی جاتی ہے کہ وہ اپنی ذاتی رائے کو دوسروں پر تھوپنے اور اپنے ادارتی اختیارات کو اپنے موقف کی حفاظت کے لیے استعمال کرنے سے گریز برتیں گے وہیں احباب سے امید کی جاتی ہے کہ وہ مدیران کی ہر بات کو ان کی ادارتی اختیارات کے ساتھ نتھی کرنے کے بجائے بطور محفلین ان کی حیثیت کو ملحوظ رکھیں گے۔ مدیران اپنے ادارتی افعال و ادارتی نوعیت کے مراسلوں کے علاوہ ہر جگہ ایک عام محفلین ہی شمار کیے جانے چاہئیں۔

 

[سید عمران]

سب سے پہلے تو فرقان بھائی کو مبارکباد۔
تمام احباب کی نیک خواہشات اور دعاؤوں پر ممنون ہوں۔ البتہ ممنون حسین بننے سے گریز کروں گا۔
بلاشبہ یہ ایک کٹھن ذمہ داری ہے، جس کے لیے ہم پر اعتماد کیا گیا۔ فرقان بھائی جیسے متوازن فرد کا ساتھ کافی حوصلہ افزاء ہے۔ محفلین کے مثبت تعاون کے ساتھ محفل کو درست ڈگر پر رواں رکھنے کے لیے کوشاں رہیں گے۔ ان شاء اللہ

اب ہم آپ کی ستائش کریں گے تو غالباً انجمن ستائش باہمی کا گمان ہونے لگ جائے گا۔ بہت شکریہ!
صاحب! ہم تو بس آپ کی آڑ لیے چلے آئے۔ اور، اب بھی سبھی محفلین سے کچھ نہ کچھ سیکھنے کی تمنا ہے اور امید ہے کہ احباب کی توجہ اور رہنمائی کے باعث اپنی ذمہ داریاں بطریقِ احسن سرانجام دے پائیں گے، امید تو یہی ہے!
ان شاء اللہ العزیز!

من ترا حاجی بگویم تو مرا حاجی بگو۔۔۔
جاری رکھو!!!

 

[محمد عدنان اکبری نقیبی]

یہاں اس محاورے کی کیا تک تھی!!!

 

[محمد وارث]

بھئی ان دو شہزادے مدیران اعلیٰ کا اتنا رعب ہے کہ آج پہلے دن ہی محفل ٹھنڈی پڑ گئی، نہ کہیں دھرنا نہ کہیں ورنہ۔

 

[محمدظہیر]

بہت عمدہ فیصلہ
جناب تابش بھائی اور جناب فرقان بھائی آپ دونوں کو یہ اعزاز بہت بہت مبارک ہو

 

[سید عمران]

بھئی ان دو شہزادے مدیران اعلیٰ کا اتنا رعب ہے کہ آج پہلے دن ہی محفل ٹھنڈی پڑ گئی، نہ کہیں دھرنا نہ کہیں ورنہ۔

دھرنا والے کوتوال جو بن بیٹھے!!!

 

[فرقان احمد]

مدیران اعلیٰ کا اتنا رعب ہے کہ آج پہلے دن ہی محفل ٹھنڈی پڑ گئی، نہ کہیں دھرنا نہ کہیں ورنہ

ایسا ویسا رعب! کچھ بھی لکھنے سے پہلے دس بار سوچنا پڑتا ہے!

 

[عبید انصاری]

بھئی ان دو شہزادے مدیران اعلیٰ کا اتنا رعب ہے کہ آج پہلے دن ہی محفل ٹھنڈی پڑ گئی، نہ کہیں دھرنا نہ کہیں ورنہ۔

دھرنا چھوڑیے! میں تو کافی دیر سے اپنا مراسلہ ہی ڈھونڈ رہا ہوں۔ پتہ نہیں کہاں غائب ہوگیا۔

 

[فرقان احمد]

دھرنا چھوڑیے! میں تو کافی دیر سے اپنا مراسلہ ہی ڈھونڈ رہا ہوں۔ پتہ نہیں کہاں غائب ہوگیا۔

صاحب! آپ تو چھپے رستم نکلے۔ خود ہی مراسلہ حذف کرنے کا تقاضا کیا۔ جب آپ کی خواہش اور منشاء کے مطابق تدوینی کاروائی عمل میں لائی گئی تو اب مراسلہ کیا عنقا نگر سے واپس منگوائیے گا؟

 

[عبید انصاری]

صاحب! آپ تو چھپے رستم نکلے۔ خود ہی مراسلہ حذف کرنے کا تقاضا کیا۔ جب حسبِ خواہش تدوینی کاروائی عمل میں لائی جا چکی ہے تو اب مراسلہ کیا عنقا نگر سے واپس منگوائیے گا۔

ناراض نہ ہوں۔ مراسلہ ملنے پر آ پ کو پیغام دیا۔ یہ روداد غم مراسلہ ملنے سے پہلے کی ہے۔

 

[فرقان احمد]

ناراض نہ ہوں۔ مراسلہ ملنے پر آ پ کو پیغام دیا۔ یہ روداد غم مراسلہ ملنے سے پہلے کی ہے۔

ہم اور ناراض؟ ناممکن! آپ دل پر نہ لیجیے گا محترمی!

 

[محمد وارث]

ایسا ویسا رعب! کچھ بھی لکھنے سے پہلے دس بار سوچنا پڑتا ہے!

یہ بڑے پتے کی بات ہے، ابھی وہ وقت بھی آئے گا کہ آپ کی انتہائی ذاتی رائے کو بھی محفل کی پالیسی سمجھ لیا جائے گا اور آپ چپ رہنے ہی کو غنیمت جانیں گے لیکن جو ذمہ داری آپ نے قبول کی ہے اس کا اجرِ خیر اللہ ہی کے پاس ہے!

 

[فرقان احمد]

یہ بڑے پتے کی بات ہے، ابھی وہ وقت بھی آئے گا کہ آپ کی انتہائی ذاتی رائے کو بھی محفل کی پالیسی سمجھ لیا جائے گا اور آپ چپ رہنے ہی کو غنیمت جانیں گے لیکن جو ذمہ داری آپ نے قبول کی ہے اس کا اجرِ خیر اللہ ہی کے پاس ہے!

جی ہاں! تجربے کا کوئی نعم البدل نہیں سر آپ درست فرما رہے ہیں۔

 

[عبید انصاری]

ہم اور ناراض؟ ناممکن! آپ دل پر نہ لیجیے گا محترمی!

بے فکر رہیں! ہماری طرف سے ہمارے ہر مراسلے کے ساتھ "ایسا ویسا" کرنے کی آ پ کو مکمل اجازت دی جاتی ہے۔

 

[فاخر رضا]

خدا آپ دونوں کو سب کے ساتھ انصاف برتنے کی توفیق عطا فرمائے. آپ حضرات کو بہت مبارک ہو. ذمے داری لیے بغیر درجات نہیں بڑھتے. اس موقع سے فائدہ اٹھائیں. مجھے یقین ہے کہ آپ اپنے تجربے سے فائدہ اٹھائیں گے اور یہ تجربہ بھی زندگی میں آپ کے بہت کام آئے گا

 

[محمدصابر]

دونوں کو بہت بہت مبارک ہو۔

 

[لاریب مرزا]

محمد تابش صدیقی بھائی اور فرقان احمد بھائی کو مدیران اعلیٰ کا عہدہ ملنے پر ڈھیروں مبارکباد۔ انتظامیہ نے بہت اچھا فیصلہ لیا ہے۔ امید ہے کہ دونوں حضرات اپنی ذمہ داریوں کو احسن طریقے سے سر انجام دیں گے۔

 

[فرحان محمد خان]

محمد تابش صدیقی بھیا اور فرقان احمد بھیا آپ دونوں کو بے حد مبارک ہو