جی ہاں پڑا۔ اور وہ یہ کہ اب میں زیادہ حوصلے اور ہمت کے ساتھ اردو ادب کی کچھ مخصوص اصناف کی نمائندگی کرسکتا ہوں۔مزید یہ کہ اس کے مختلف تھریڈز کا میں اپنے دوستوں اور شاگردوں کو حوالہ بھی دیتا ہوں کہ ان کا جائزہ ضرور لیں۔ یعنی اس طرح یہ میرے خیالات کا اہم حصہ بن چکی ہے۔
میری زندگی کی سب سے بڑی خوشی میری والدہَ محترمہ کا ہیپا ٹائٹس سے شفا یاب ہونا تھا اس کے بعد تا حال تمام خوشیاں اس سے چھوٹی ہی رہی ہیں۔
جی بے شک
اس بات سے اعتراض ہے خصوصا انفرادیت کے حوالے سے. پابندی انفرادیت کے لیے ظلم ہے. اس پر جبر سرقے کو وجود میں لاتا ہے. میں سمجھتی ہوں شاعر بالخصوص تخییل اور وجدانی صلاحیت سے محروم ہے تو وہ شاعر ہی نہیں. پروین شاکر کی شاعری میں "خیال " سے گفتگو پر اتنی گرفت ہے اس کو " نقل " سے "اصل " کا سفر بھی کہا جاسکتا ہے "دھیان " پر ارتکاز کی وجہ سے .. یہی کسی بھی شاعر، مصنف کی انفرادی پہچان ہے. میں سمجھتی ہوں منٹو نے اپنی پہچان بھی اس لیے بنالی جبکہ اسکو لکھا ہضم مشکل سے ہوتا ہے کہ اس نے اس خاص موضوع سے متعلق حساسیت پیدا کرلی تھی یا ودیعت کردہ تھی. ہم اس کو گالیاں جتنی بھی دیں یا پڑھ کے جتنا برا بھلا کہیں، اس کی اپنی انفرادی پہچان ہے اس کو حظ کے طور پر پڑھ لیں یا معاشرتی برائیوں پر حساسیت کا المیہ جان لیں دونوں برابر ہے. بیشتر لوگ اس کو حظ لیتے پڑھتے منفیت کی جانب رواں دواں ہوتے ہیں. اب دیکھیے یورپ کے مفکرین ادباء میں بھی پہلے اس قسم کی رحجانات تھے کہ میری این ایوان نے اپنے مردانہ نام جارج ایلیٹ کے طور ناول نگار شہرت پائی رفتہ رفتہ ان کو سوچ کی آزادی دی گئی تو اس وجہ سے وہ قوم ترقی تو کرگئی اس آزادی سے اخلاقی تنزلی کا.شکار بھی ہوگئی ...
ابھی تک اس کو پڑھنے سے محروم ہوں. اس جدیدیت کی جانب رواں دواں رحجان کی اک وجہ سمجھ آگئی ہے .. میں اس خاص احساس کی باریکیوں، جسمانی اشکالات سے پرے جو احساس ہے اس سے متاثر ہوں. میری فیسبک پر آج کل کی ابھرتی شاعرہ سیماب ظفر کی شاعرہ سے دوستی ہے. اس کے کلام میں اسطرح کی باتیں نہیں پر احساس کا جو انداز اور تخییل یا وجدان کی جو چوٹ ہے، وہ پڑھنے والے کو ہلا دیتی ہے .. میں تو ویسے ہی ایسے شاعروں سے بہت متاثر ہو جاتی ہوں ....احساس تو نازک ہی ہوتا ہے تبھی اچھا لگتا ہے مگر جب احساس سوار ہوجائے تو یہی مقصدیت ختم ہوجاتی ہے ..اس دور میں یہ کلام شاید بادشاہوں کے لیے بھی لکھا جاتا ہوگا ... اس سے بادشاہِ وقت کی خوشی مقصود ہے جبکہ آج کل کا کلام عام قاری کے لیے ہے. مجھے اچھا لگا آپ کی باتیں اچھی ہیں بہت .. امید سے بڑھ کے اچھے لگے خیالات مگر اس کے ساتھ آپ کے انداز میں کچھ تلخی ہے اگر اس تلخی کو نرمی میں ڈھال دیں اور خود کو احساس سے مفتوح کرلیں تو آپ کا تجرباتی کلام بھی وجدانی سطح پر چلا جائے گا
محمد خرم یاسین بھائی سے سوالات پوچھنا تو چاہتا ہوں لیکن آپ نے ماشاء اللہ سوالات کی ایک بہت طویل لسٹ پوچھ لی ہے، اور مجھے اس لڑی کو پڑھنے کا اتفاق نہیں ہوا! اس لیے جھجک رہا ہوں کہ کہیں جو سوال میں پوچھوں وہ سوال آپ پہلے ہی نہ پوچھ چکی ہوں۔اب دیگر محفلین بھی ہمارے مہمان سے سوالات پوچھ سکتے ہیں۔
پہلی بات تو یہ کہ یہ محض آپ کی ذرہ نوازی ہے ایسی کوئی بات نہیں اور دوسری یہ کہ الحمد للہ میں اہلِ زبان میں سے ہوں اور تیسری یہ کہ ریڈیو پاکستان کے پروگرامز میں ایک ایک لفظ تول کر بولنا پڑتا ہے ورنہ فوراً ڈائریکٹر ٹوک دیتا ہے، وہاں بھی کچھ پریکٹس ہوئی۔ لیکن اس سب کے باوجود مجھے اس حوالے سے ہمیشہ کم مائیگی کا احساس رہتا ہے ۔ ابھی میں پندرہ رمضان کو کراچی گیا تھا اور ہر بار کی طرح یہ احساس دامن گیر رہا کہ ہمارے پروفیسر اتنی اچھی اردو نہیں بوتے جتنی اچھی اردو یہاں کے سادہ لوح دکاندار بول لیتے ہیں بلکہ محاورہ تو ایسا کمال کا کہ واہ واہ۔ اس ضمن میں آخری بات یہ کہ ہمارے ہاں بہت سے لوگ اچھی اردو لکھ بھی لیں تو انھیں سننا بڑا تکلیف دہ ہوتا ہے۔ ہمارے پنجابی بھائیوں کی اکثریت افعال و متعدی افعال کو زیر کے بجائے زبر سے بولتے ہیں جیسے کھَلانا، پَلانا وغیرہ یا پھر غیر ضروری پیش کا استعمال کرتے ہیں ۔ میرے خیال میں ہم صرف متعدی افعال کی زیر زبر درست کر لیں تو 70 فیصد اردو درست ہوجائےگی۔
آپ جو پوچھنا چاہیں میں حاضر ہوں اپنی سمجھ کے مطابق درست جواب کی کوشش کروں گا۔
آپ کو اختلاف کا مکمل حق ہے۔ اس حوالے سے میں نے جو جواب پیش کیا یقینا وہ ادھورا ہے اور بذاتِ خود ایک طویل بحث کا نقطہ آغاز ہے۔ مجھے پروین شاکر پر کوئی اعتراض نہیں مجھے اگر کبھی اعتراض ہوتا ہے تو محض اس بات پر کہ آپ انفرادیت کا نعرہ لگا کر اپنی ان تمام معاشرتی روشن اقدار کو چکنا چور کرنا شروع کردیں جو نہ تو آپ کے لیے ماضی میں نقصان دہ رہی تھیں، نہ حال میں ہیں اور نہ ہی مستقبل قریب و بعید میں۔ اب راجہ گدھ کی مثال لیجیے ؛ مجھے معلوم ہے لوگ اس ناول سے بہت محبت کرتے ہیں اور اس کے نام کی آئیڈیز بناتے ہیں، کلاسز میں ڈسکس کرتے ہیں وغیرہ وغیرہ۔ میرا معصومانہ سوال ہے وہ یہ کہ کیا جس دور میں نہ عوام الناس کو ڈش میسر تھی، نہ ٹی وی نہ وی سی آر اور نہ ہی ایسا کوئی بھی ذریعہ جو با آسانی ہر ایک کو میسر ہو اور نفسانی جذبات کو ابھارے، اس دور میں ایسا ناول لکھنا جس میں کبھی ایک بد کردار چودھری گاوں کی غریب عورت کے بیٹے کو کہتا ہے کہ اپنی ماں کو کہنا کہ۔۔۔۔۔ (یہاں اس عوامی فورم پر بیان کرنا میری ہمت سے باہر ہے) یا پھر مصنفہ مختلف مناظر میں گہری رات میں گھنے درختوں کے سائے میں دو نوجوان جنسِ مخالف کو بغلگیر ہوتا اور اس سے ایک قدم آگے تک کا احوال بیان کرے اور آخر میں لے دے کر اس سب کا نقطہ اختتام "حلال و حرام" کا فلسفہ قرار دے دے یا کہے کہ یہ تو ہم نے حلال و حرام سمجھانے کے لیے بیان کیا تو یہ بات بڑی مضحکہ خیز بن جاتی ہے۔ اس حوالے سے سلیم خان جو ارباز خان، سلمان خان کے والد ہیں اور سلیم جاوید کی جوڑی کی صورت میں انڈیا میں بڑی معروف فلموں کی کہانی اور گیت لکھتے رہے ، ان کا "گفتگو" میں انٹرویو سنا تھا اور میرا یہ نظریہ مزید پختہ ہوا تھا کہ ایک لکھاری جو حقیقتاً لکھاری ہو، اس کو جنسیات کی بیساکھیوں کی ضرورت نہیں پڑتی اور نہ ہی اس کے ہاں موضوعاتی تنوع میں کمی واقع ہوتی ہے۔ میں نے مانا کہ جنسات جزوی طور پر فن پارے میں شامل ہوجاتی ہے لیکن آپ اس منظر کشی کو طول دیتے جائیں، ہر چار صفحات کے بعد پھر وہی قصے نئے رنگ میں پیش کریں اور آخر میں کہہ دیں کہ یہ تو حلال و حرام کا فلسفہ سمجھایا جا رہا تھا تو میرے خیال میں یہ بات مضحکہ خیز ہی ہوسکتی ہے۔باقی ہر شخص کا اپنا ادبی تجربہ اور نقطہ نظر ہے میں کسی پر اپنی مرضی نہیں تھوپ سکتا نہ ہی اپنے خیالات مسلط کر سکتا ہوں۔
شکریہ۔ جزاک اللہ۔ آپ کا حسنِ نظر ہے اور ان شا اللہ آپ کا یہ مشورہ بھی مشعلِ راہ ثابت ہوگا۔