قیصرانی
لائبریرین
ایسے اعمال سے کیا مراد؟ مجھے تو بہت خوشی ہوگی اگر اپنا منہ لے کر جاؤں، آپ پلاسٹک سرجری کرا لینا؟ فکر کاہے کی؟
مذہبی اجتماعات کے خلاف آواز بلند کرنی چاہئے ۔۔۔ شیخو کی ایک پرانی تحریر
ایچ اے خان
معطل
اپکی بات نہیں کی
مجموعی طور پر کہا ہے کہ ہمارے اعمال یہی رہے کہ مذہبی اجتماعات پرپابندی لگوادیں تو کیا منہ دکھائیں گے
ایچ اے خان
معطل
اپ نے کام کی بات کی ہے
یہی مسئلہ کا حل ہے کہ طریقہ تعلیم تبدیل ہو۔ ضروری تعلیم جو کہ درس نظامی کے طرز کی ہو پرائمری اور سیکنڈری لیول تک پڑھائی جائے۔ اس کے ساتھ ساتھ کچھ فنی تعلیم سائنس کی ہو۔ دینی تعلیم مکمل ہونے کے بعد ہر کوئی اپنی پسند کی فیلڈ اختیار کرنے میں ازاد ہو۔ پھر سب دینی طور پر بھی پڑھےلکھے ہونگے۔ موجودہ طرز تعلیم پڑھے لکھے جاہل پیدا کررہا ہے
ہاہاہاہایہی والا دکھا دیں گے یار۔ فکر ناٹ
بالکل متفق ۔ اُسی رب کی تخلیق ہے یہ منہ تو اسے یہی دکھائیں گے نیا کہاں سے لائیں ؟۔
حضور ، مذہبی سمیت کسی بھی تہوار پر پابندی کی بات نہیں ہو رہی ۔
جو کرسمس اور ویلنٹائن منانا چاہتے ہیں وہ بھی آزاد ہیں لیکن اگر وہ پبلک کے لئے آزار بنتے ہیں تو ان پر بھی پابندی لگا دینی چاہئیے۔ اس میں کوئی دوسری رائے نہیں۔
ایچ اے خان
معطل
کون پابندی لگائے گا؟
قانون سازی کرنی پڑے گی
قانون ساز اسمبلی میں بحث کے بعد
بحث کرنے والے ممبرز کو اپ منتخب کریں گے
اچھے ممبرز اچھے قانون بنائیں گے
اپ ان ممبرز کو منتخب کریں گے
اچھے لوگ اچھے ممبرز کو منتخب کریں گے
یوسف-2
محفلین
اس کے علاوہ کوئی اور چارہ بھی نہیں ہے۔ کوئی ”یکطرفہ کاروائی“ مزید فساد ہی کو جنم دے گا۔
محمود احمد غزنوی
محفلین
آپکی اس بات سے مولانا روم کی یہ حکایت یاد آئی۔۔۔صرف ترجمہ نقل کر رہا ہوں۔قابلِ مطالعہ ہے:
1- ایک مؤذن کی آواز بہت دلخراش تھی، وہ پوری پوری رات گلا پھاڑتا تھا۔
2-اس نے انسانوں پر میٹھی نیند حرام کردی تھی اور عوام و خواص اسکی وجہ سے دردِ سر میں مبتلا تھے۔
3-بچے بستروں میں اس سے ڈرتے تھے۔ اور مرد و زن اسکی اواز کی وجہ سے عذاب میں تھے۔
4-اس دردِسر اور تکلیف کو دور کرنے کیلئے وہ لوگ چندہ اکٹھا کرنے لگے۔
5-انہوں نے اس مؤذن کو بلایا اور تمام رقم اسکو دی اور کہنے لگے۔
6- اے جناب! آپ نے دن رات دین کی بہت خدمت کی اور آپکی اذان سے ہم سب نے بہت راحت پائی۔
7-چونکہ آپکی وجہ سے ہم سب کو دین کی بیش قیمت دولت ہاتھ آگئی ہے چنانچہ اس نے ہماری نیندیں اڑا کر رکھ دی ہیں۔
8۔ہم بدلے میں اور تو کوئی خدمت ادا نہیں کرسکتے، یہی کہیں گے کہ آپ یہ نقدی لیجئے اور کچھ عرصہ بے فکری سے راحت فرمائیے اورفکرِ معاش سے بے پرواہ ہوکر باطنی توجہ میں مشغول ہوجائیے۔
9-اسی دوران ایک قافلہ حج کیلئے مکّے کو روانہ ہورہا تھا۔ یہ مؤذن جھٹ اس قافلے میں جا شامل ہوا۔
10- قافلہ روانہ ہوا اور اثنائے سفر اسکا گذر کافروں کے علاقے سے ہوا۔
11- قافلے والوں نے کفرستان میں رات کے وقت پڑاؤ کیا۔
12- اس مؤزن نے جو اپنی آواز پر عاشق تھا،بڑے خشوع و خضوع کے ساتھ کفرستان میں اذان دینا شروع کی۔
13- بہت سے لوگوں نے کہا کہ یہ کفرستان ہے یہاں اذان نہ دے ورنہ خوامخواہ کی دشمنی پیدا ہوگی اور لڑائی شروع ہوجائے گی۔
14-لیکن اس نے جھگڑا کرتے ہوئے اس بات کو تسلیم نہ کیا اور اذان دے ہی ڈالی۔
15- اہلِ قافلہ اب فتنے کے ظاہر ہونے کے اندیشے میں مبتلا ہوگئے اور ڈر کر بیٹھ گئے۔
16-اتنی دیر میں ایک کافر بہت سے تحفے تحائف لئے ہوئے آیا اور موذن کے بارے میں پوچھنے لگا۔
17- بتاؤ وہ مؤذن کہاں ہے جسکی آواز نے ہمیں بہت راحت بخشی۔
18-قافلے والوں نے سوچاہ کہ ہائیں! اس بھدی آواز (جو اچانک مندر میں پہنچی)اس سے بھلا کسی کو کیا راحت ملی؟
19-وہ بولا کہ میری ایک لڑکی ہے نہایت پاکیزہ اور بہت خوبصورت۔ اسکو کافی عرصے سے مسلمان ہونے کی آرزو تھی۔
20- یہ خیال اور یہ جنون اس سے کبھی دور ہی نہ ہوتا تھا ہم نے بہتیری کوششیں کیں کہ وہ اس ارادے سے باز آجائے۔
21-بہت سے کافر اسے نصیحتیں کرتے تھے لیکن اسکے دل میں ایمان کی محبت پیدا ہوچکی تھی۔ اور یہ خیال انگیٹھی کے اندر بخور کی لکڑی کی طرح اسکے اندر سلگ رہا تھا۔
22- میں اس بات کا کوئی علاج نہ کر پا رہا تھا کہ اچانک اس مؤذن نے اذان دی۔
23-لڑکی نے گھبرا کر پوچھا کہ یہ ڈراؤنی آواز کیسی ہے جسکے دو چار ٹکڑے میرے کان سے ٹکرائے ہیں؟
24-میں نے تمام عمر اس مندر اور اس بت خانے میں ایسی بھدی آواز نہیں سنی۔
25-اسکی بہن نے کہا کہ یہ اذان کی آواز تو مسلمانوں کا ایک اعلان اور علامت ہے۔
26-اسکو یقین نہیں آیا اور اس نے دوسری سہیلی سے پوچھا تو اس نے بھی یہی کہا کہ ہاں اے چاند۔
27-جب اسکو یقین ہوگیا تو اسکا چہرہ زرد پڑگیا اور مسلمانی کی طرف سے اسکا دل افسردہ ہوگیا۔
28-چنانچہ میں اس عذاب سے چھوٹ گیا اور گذشتہ رات بڑے سکون اور اطمینان سے سویا۔
29-چونکہ مجھے اسکی آواز سے یہ راحت پہنچی اسی لئے میںشکرانے میں یہ ہدیہ لایا ہوں، وہ شخص کہاں ہے؟
30-جب اس نے مؤذن کو دیکھا تو کہا کہ یہ ہدیہ قبول کیجئے۔ کیونکہ آپ میرے پناہ دینے والے اور دستگیر ہیں۔
31-آپ نے جو احسان اور بھلائی مجھ سے کی، میں ہمیشہ کیلئے آپکا غلام ہوگیا ہوں۔
32-اگر میں مال اور سلطنت میں بڑھا ہوا ہوتا تو آپکا منہ سونے سے بھر دیتا۔
33-اخیر میں مولانا روم اس حکایت کے اختتام پر لکھتے ہیں کہ تمہارا یہ ایمان بھی مکر اور مجاز ہےاور اسی طرح کا ڈاکو ہے جس طرح کی یہ اذان تھی۔
ہست ایمانِ شما زرق و مجاز۔۔۔۔
راہزن ہم چوں کہ آں بانگِ نماز
ایچ اے خان
معطل
درست کہا
پر بھدی اواز سے یہ نہیں بنتا کہ اذان پر پابندی لگوادیں
کچھ لوگوں کا یہ مقصد ہے کہ ہر قسم کے مذہبی اجتماعات پر پابندی لگوادیں (آپ نہیں) ۔ اپ سے میں متفق ہوں
پر بھدی اواز سے یہ نہیں بنتا کہ اذان پر پابندی لگوادیں
کچھ لوگوں کا یہ مقصد ہے کہ ہر قسم کے مذہبی اجتماعات پر پابندی لگوادیں (آپ نہیں) ۔ اپ سے میں متفق ہوں
قیصرانی
لائبریرین
سونے پر سہاگا دراصل وہ لوگ اذان سے نہیں بلکہ "ساری ساری رات گلا پھاڑنے" کی وجہ سے اس مؤذن سے چھٹکارا پانا چاہ رہے تھے نہ کہ اذان سے
محمود احمد غزنوی
محفلین
یہ کچھ اسی قسم کی منطق ہے جیسے ضیاء الحق کےریفرنڈم میں تھی۔۔یعنی۔۔کہ آپ پاکستان میں اسلام کے نفاذ کے حامی ہیں یا نہیں۔۔اگر ہاں تو اسکا مطلب یہ ہوا کہ آپ نے ضیاء الحق صاحب کو مزید کچھ برسوں کیلئے پاکستان کا صدر منتخب کرلیا ہے۔سونے پر سہاگا دراصل وہ لوگ اذان سے نہیں بلکہ "ساری ساری رات گلا پھاڑنے" کی وجہ سے اس مؤذن سے چھٹکارا پانا چاہ رہے تھے نہ کہ اذان سے
یوسف-2
محفلین
موبائل فون سروس بندکردی گئی۔ موٹر سائیکلیں بند کردی گئیں۔ تعلیمی ادارے بند کردیے گئے۔ وزیر داخلہ کا بس چلتا تو وہ حفظِ ماتقدم کے طورپر9اور 10محرم کی مجالسِ عزا اور ماتمی جلوس بھی بند کروادیتے۔مگر ایسا معلوم ہوتا ہے کہ دہشت گردوں کی طرح اُن کا مذہبی عناصرپر بھی بس نہیں چلتا۔ ورنہ کیا مشکل تھا کہ یہ کہہ کر کہ ’’دہشت گردی کا خطرہ ہے‘‘ وہ یہ حکم بھی جاری کردیتے کہ9 اور 10محرم کو کسی مجلس میں علماء فلسفۂ شہادت پر روشنی ڈالیں نہ شہدائے کربلا کے لیے گریہ و زاری و عزاداری کریں، نہ علم کے جلوس نکالیں، نہ تعزیہ کے جلوس نکالیں، نہ ذوالجناح کے جلوس نکالیں نہ کسی قسم کا ماتمی جلوس نکالیں۔ یہ تمام مذہبی سرگرمیاں بند کرکے ( کہ مذہبی سرگرمیاں تو ہمیشہ ’’انتہاپسندانہ‘‘ ہی ہوتی ہیں) وہ بڑے فخر سے اعلان کرسکتے تھے کہ ’’ہم نے دہشت گردوں کے عزائم ناکام بنادیے‘‘۔یہ اعلان تو خیر اُنھوں نے پھر بھی کیا۔ باوجود اِس کے کہ 9محرم کو ڈیرہ اسمٰعیل خان کے علاقے ’’تھویافاضل‘‘ میں ماتمی جلوس کے قریب دھماکا ہوگیا اور 8بچوں سمیت 9افراد جاں بحق ہوگئے۔مگر اِس دھماکے پر بھی اُنھوں نے برہمی کا اظہار امن و امان کے تحفظ کے ذمہ دار اداروں پر نہیں خود اہلِ جلوس ہی پر کیا ہے کہ ’’اُنھوں نے روٹ کلیر کیوں نہیں کروایاتھا؟اگرروٹ کلیر کرایا گیاہوتا تو دھماکا نہ ہوتا‘‘۔ (اب اپنے کیے کو آپ ہی بھگتو!)۔اور اگر روٹ کلیر کروالیا گیا ہوتا تو شاید وزیر داخلہ یہ کہتے کہ’’روٹ کلیرکروانے کے بعدجلوس کیوں نکالا گیا تھا؟ اگر جلوس نہ نکالا گیا ہوتا تو دھماکا نہ ہوتا‘‘۔ (اب اپنے کیے کو آپ ہی بھگتو!)۔ ہماری حکومت میں سب کچھ بند کردینے کی اہلیت ہے، سوائے دھماکوں کے اورسوائے دہشت گردی کے۔ لہٰذا ’’امن و امان کے تحفظ‘‘ کے نام پراور دہشت گردی کے خوف سے، ہر پُرامن سرگرمی بندکردی جاتی ہے مگر دہشت گرد بند کیے جاتے ہیں نہ دہشت گردیاں۔چنانچہ جب دہشت گردی کا کوئی واقعہ رُونما ہوجاتا ہے تو صدر اور وزیر اعظم سمیت حکومت کے باقی ذمہ داران بھی بڑے خشوع و خضوع اور بہت تزک و احتشام سے یہ بیان دے کر بری الذمہ ہوجاتے ہیں کہ: ’’ہم اس واقعے کی شدید مذمت کرتے ہیں۔ واقعہ کے ذمہ داروں کو اُن کے منطقی انجام تک پہنچایا جائے گا۔ اس طرح کے بزدلانہ اقدامات سے دہشت گردی کے خلاف حکومت کے عزم کو کمزور نہیں کیا جاسکتا۔ہمیں قیمتی انسانی جانوں کے زیاں پر گہرا رنج و غم ہے۔اور متاثرہ خاندانوں کے ساتھ گہری ہمدردی ہے۔۔۔‘‘ وغیرہ وغیرہ۔ دلچسپ بات یہ ہے کہ ہمارے حکمران یومِ عاشور پر قوم کے نام اپنا پیغام دینا کبھی نہیں بھولتے۔ اِس بار قوم کے نام دیے جانے والے پیغام میں بھی یہی کہا گیا تھا کہ: ’’آج کے دن ہمیں صبرحسینؓ اور استقامت اہلِ بیت کی مثالوں کو سامنے رکھتے ہوئے کسی بھی قربانی سے دریغ نہ کرنے کا عہد کرنا ہوگا‘‘۔ سو حکمران توانتہائی سخت سیکورٹی میں پناہ گزیں ہو کر’’ کسی بھی قربانی سے دریغ نہ کرنے کاعہدکرنے‘‘ کا عہد کرتے رہ جاتے ہیں اور قربانی اُن عوام کی دے دی جاتی ہے جو عدم تحفظ کے باعث کیڑے مکوڑوں کی طرح مارے جاتے ہیں۔ (تحریر: ابو نثر، نئی بات 27 نومبر 2012)
یوسف-2
محفلین
سونے پر سہاگا دراصل وہ لوگ اذان سے نہیں بلکہ "ساری ساری رات گلا پھاڑنے" کی وجہ سے اس مؤذن سے چھٹکارا پانا چاہ رہے تھے نہ کہ اذان سے
یہ کچھ اسی قسم کی منطق ہے جیسے ضیاء الحق کےریفرنڈم میں تھی۔۔یعنی۔۔کہ آپ پاکستان میں اسلام کے نفاذ کے حامی ہیں یا نہیں۔۔اگر ہاں تو اسکا مطلب یہ ہوا کہ آپ نے ضیاء الحق صاحب کو مزید کچھ برسوں کیلئے پاکستان کا صدر منتخب کرلیا ہے۔
خامہ انگشت بہ دنداں کہ ’اسے‘ کیا لکھیے
ناطقہ سر بہ گریباں کہ ’اسے‘ کیا کہیے
ناطقہ سر بہ گریباں کہ ’اسے‘ کیا کہیے
arifkarim
معطل
پاکستان میں اسلام کا نفاذ؟ تو کیا جنرل ضیاء الحق کی مکارانہ آمد سے پہلے پاکستان میں اسلام کا نفاذ نہیں تھا؟یہ کچھ اسی قسم کی منطق ہے جیسے ضیاء الحق کےریفرنڈم میں تھی۔۔یعنی۔۔کہ آپ پاکستان میں اسلام کے نفاذ کے حامی ہیں یا نہیں۔۔اگر ہاں تو اسکا مطلب یہ ہوا کہ آپ نے ضیاء الحق صاحب کو مزید کچھ برسوں کیلئے پاکستان کا صدر منتخب کرلیا ہے۔