مزاحیہ اشعار

[تیلے شاہ]

لوچے کو سمجھایا پیار سے،صفر نتیجا نکلا
ہم نے یہ آزمایا سوٹا سوٹا ہوتا ہے

 

[شمشاد]

تیری آنکھیں جھکی جھکی
تیرا چہرہ کھلا کھلا
جب تیرے چہرے پہ ہاتھ گھومایا
تو آدھ کلو فیر اینڈ لولی ملا

 

[شمشاد]

یہ جو حسینوں کے بال ہوتے ہیں
لڑکوں کو پھانسنے کے جال ہوتے ہیں

نہ جانے کتنوں کا خون پیا ہو گا انہوں نے
تب ہی تو ان کے ہونٹ لال ہوتے ہیں

 

[شمشاد]

تیری یاد میں ہم نے قلم اٹھائی
لیا کاغذ اور تصویر آپ کی بنائی
سوچا تھا کہ اس کو دل سےلگا کر رکھیں گے
مگر وہ تو بچوں کو ڈرانے کے کام آئی

 

[شمشاد]

وہ آج بھی ہمیں دیکھ کر مسکراتے ہیں
یہ تو ان کے بچے ہی کمینے ہیں
جو ماموں ماموں بلاتے ہیں

- - - - - - - - - - - - - - - - - - - - - --

اپنی صورت کا کبھی تو دیدار دے
تڑپ رہا ہوں اب اور نہ انتظار دے
اپنی آواز نہیں سنانی تو مت سنا
کم از کم ایک مس کال ہی مار دے

 

[شمشاد]

تم ہوتی تو ایسا ہوتا
تم ہوتی تو ویسا ہوتا
تم اس بات پہ اتنا ہنستی
تم اس بات پہ اتنا خوش ہوتی
تم اس بات پہ یہ کہتی
تم اس بات پہ وہ کہتی

شکر ہے تم نہیں ہو۔

 

[شمشاد]

عرض کیا ہے :

تیرے در پر ہزار بار آئیں گے
تیرے در پر ہزار بار آئیں گے

گھنٹی بجائیں گے اور بھاگ جائیں گے

 

[ظفری]

ویسے تو زندگی میں کچھ بھی نہ اس نے پایا
جب دفن ہو گیا تو شاعر کے بھاگ جاگے
وہ سادگی میں ان کو دو سامعین سمجھا
بس آٹھویں غزل پر منکر نکیر بھاگے

(اطہر شاہ خان جیدی)

 

[اعجاز]

بولا دکاندار کہ کیا چاہیے تمہیں
جو بھی کہو گے میری دکاں پہ وہ پاؤگے
میں‌ نے کہا کتے کے کھانے کا کیک ہے؟
بولا یہیں پہ کھاؤگے یا لے کے جاؤگے

 

[شمشاد]

رات کہتے ہیں تیری زلفِ گرہ گیر کو لوگ
تُو اگر سر منڈھا دے تو اُجالا ہو جائے

 

[ماوراء]

آپ کیوں ناراض ہیں محبت سے
اس گناہ سے ثواب ہوتا ہے​

یہ شعر مزاحیہ تو نہیں ہے۔ لیکن مجھے بہت مزاحیہ لگ رہا ہے۔

 

[شمشاد]

مجھے ڈر ہے کہ ہم دونوں کہیں سمدھی نہ بن جائیں
تیری گلنار کالج میں، میرا گلزار کالج میں

 

[جیہ]

میں نے کہا کہ بزمِ ناز چاہیئے غیر سے تہی
سن کر ستم ظریف نے مجھ کو اٹھا دیا ‘ کہ یوں؟‘

(غالب اور ستم ظریفی)

 

[شمشاد]

آپ کیوں ناراض ہیں محبت سے
اس گناہ سے ثواب ہوتا ہے​

یہ شعر مزاحیہ تو نہیں ہے۔ لیکن مجھے بہت مزاحیہ لگ رہا ہے۔

تم نے محبت کو مذاق سمجھ رکھا ہو گا اس لیے تمہیں مزاحیہ لگ رہا ہے۔

 

[ظفری]

آپ کیوں ناراض ہیں محبت سے
اس گناہ سے ثواب ہوتا ہے​

یہ شعر مزاحیہ تو نہیں ہے۔ لیکن مجھے بہت مزاحیہ لگ رہا ہے۔

خدا کا خوف کرو ماوراء ۔۔ تم کو اتنا سنجیدہ شعر ۔۔ مزاحیہ لگ رہا ہے ۔

 

[شمشاد]

شعر کو سمجھنے کے لیے اوپر والی منزل میں کچھ نہ کچھ ہونا ضروری ہے۔

 

[ظفری]

گھر میں اپنے گوشت پکا ہو ایسا بھی ہوسکتا ہے
یا پھر بینگن کا بھرتا ہو ایسا بھی ہوسکتا ہے

پیسوں کے بل بوتے پر اب کی بار الیکشن میں
جیتے والا ایک گدھا ہو ایسا بھی ہو سکتا ہے

نیلی کے جس نِک پر ہم نے اتنے ڈورے ڈالے ہیں
وہ تو اپنا ہی ابا ہو ، ایسا بھی ہو سکتا ہے

 

[ماوراء]

آپ کیوں ناراض ہیں محبت سے
اس گناہ سے ثواب ہوتا ہے​

یہ شعر مزاحیہ تو نہیں ہے۔ لیکن مجھے بہت مزاحیہ لگ رہا ہے۔

خدا کا خوف کرو ماوراء ۔۔ تم کو اتنا سنجیدہ شعر ۔۔ مزاحیہ لگ رہا ہے ۔

lol، میں نے تو آج تک یہی سنا ہے کہ کسی قسم کے گناہ سے کبھی ثواب نہیں ملتا۔ پر یہ کون سا گناہ ہے جس کا ثواب ملے گا۔

 

[شمشاد]

ماورا اپنے ننھے منھے ذہن پر زیادہ زور نہ دو۔ یہ شاعری ہے اور شاعر حضرات دریا کو کوزے میں اور صحرا کو ذرے میں بند کر دیتے ہیں اور اکثر مرنے کے بعد بھی باتیں کرتے ہیں۔ جیسا کہ : بعد مرنے کے میرے گھر سے یہ ساماں نکلا،

تو اگر گناہ کر کے ثواب لکھ رہے ہیں تو کوئی بڑی بات نہیں۔

 

[ماوراء]

ایک منٹ ایک منٹ۔۔۔آپ نے کیا کہا ہے۔ دریا کو کوزے میں اور صحرا کو ذرے میں۔ اچھا۔ہہمم۔۔ اور مرنے کے بعد بھی باتیں کرتے ہیں۔ زبردست۔ یہ تو پھر کوئی اوپر والی ہی مخلوق ہیں۔ صیحح کہا پھر آپ نے۔ ان کی باتیں بھی پھر اوپر والی ہی ہوں گی۔ کیا فضول شعر تھا۔ اس گناہ سے ثواب ہوتا ہے۔ huh