مزاحیہ اقوال

[محمد آصف سردار]

ہمیں کیا پتا معصومیت کیا ہوتی ہے ہم تو بہت مسوم ہیں

اچھا جی

 

[شمشاد]

جس طرح دنیا میں زر، زن اور زمین فساد کی وجہ ہوتے ہیں
اسی طرح گھر میں کسی ایک کے محنت سے چھیلے گئے چلغوزے گھروں میں فساد کی وجہ بن جاتے ہیں

زر، زن، زمین کے ساتھ زبان کا بھی اضافہ کر لیں۔

 

[شمشاد]

اگر آپ کا موبائیل آپ کے ہاتھ میں ہو تو کھانا کھانے میں ایک گھنٹہ لگتا ہے اور اگر آپ کا موبائیل آپ کے ابو کے ہاتھ میں ہو تو کھانا کھانے میں پانچ منٹ لگتے ہیں۔

 

[شمشاد]

مندر بھی عجیب جگہ ہے جہاں امیر اندر اور غریب باہر بھیک مانگتا ہے۔

 

[سیما علی]

جو بڑا ادھار مانگنے پر مصر ہو ، اسے چھوٹا ادھار دے کر جان چھڑائیں ۔ نہ واپس کر ے گا نہ پھر ادھار مانگنے آئے گا۔۔۔۔۔۔۔۔۔

 

[سیما علی]

دشمنوں کے حسب عداوت تین درجے ہیں۔ دشمن، جانی دشمن اور رشتے دار۔
جناب یوسفی صاحب

 

[سیما علی]

مندر بھی عجیب جگہ ہے جہاں امیر اندر اور غریب باہر بھیک مانگتا ہے۔

بہت بہترین

 

[سیما علی]

سچ تو یہ ہے کہ حکومتوں کے علاوہ کوئی بھی اپنی موجودہ ترقی سے مطمئن نہیں ہوتا۔
مشتاق یوسفی

 

[سیما علی]

ایک خاتون نے ہونے والے خاوند سے کہا، ’’شادی کے بعد میں آپ کے دکھ بانٹا کروں گی۔‘‘ اس نے کہا، ’’مگر مجھے تو کئی دکھ نہیں۔‘‘ تو وہ بولی، ’’میں شادی کے بعد کی بات کر رہی ہوں۔‘‘ شاید اسی لیے ہر سیاست دان یہی کہتا ہے اگر میں جیت گیا تو آپ کے دکھ بانٹوں گا۔۔۔۔۔
ڈاکٹر یونس بٹ

 

[سیما علی]

دراصل شادی ایک لفظ نہیں پورا فقرہ ہے۔۔۔

 

[سیما علی]

در اصل شادی ایک لفظ نہیں پورا فقرہ ہے۔
انتظار حسین

 

[سیما علی]

کسی دانا یا نادان کا مقولہ ہے کہ جھوٹ کے تین درجے ہیں۔ جھوٹ، سفید جھوٹ اور اعداد و شمار۔

 

[شمشاد]

محبت اندھی ہوتی ہے لیکن یاد رکھیں محلے والے اندھے نہیں ہوتے۔

 

[گُلِ یاسمیں]

ہم اتنے سادہ ہیں کہ ATM کو بھی 'شکریہ' کہہ کر آتے ہیں 😄

 

[گُلِ یاسمیں]

جو کام آسانی سے ہو جائے، اس پر شک ضرور کرنا چاہیے۔

 

[گُلِ یاسمیں]

دنیا میں دو قسم کے لوگ ہیں: ایک وہ جو کام کرتے ہیں، اور دوسرے وہ جو ان پر نظر رکھتے ہیں

 

[گُلِ یاسمیں]

ایک موٹی آنٹی کی کہی بات جانے کب سے پلو میں باندھ کر رکھی ہے۔۔فرماتی ہیں
میرے وزن کم کرنے کی کوشش اتنی کامیاب ہے کہ اب ترازو بھی مجھے دیکھ کر بند ہو جاتا ہے۔

 

[صاد الف]

"کالج میں ہلکا سا ہاتھ دبایا تھا، 32 سال سے پاؤں دبا رہا ہوں!"
(ایک دوست)

 

[گُلِ یاسمیں]

میں نے موبائل پر الارم لگایا تھا 'صبح جلدی اٹھنے کے لیے'، وہ بھی مجھ سے زیادہ دیر تک سویا رہا

 

[صاد الف]

پاکستان کے 90 فی صد مردوں کا ایک ہی رونا، "میں اہل تھا کسی اور کا میری اہلیہ کوئی اور ہے"