مزاحیہ کہانی بنائیں

[محمد اسامہ سَرسَری]

آئیے مل کر مزاحیہ کہانی بناتے ہیں۔
اس دھاگے میں آپ جتنے مرضی الفاظ استعمال کرسکتے ہیں۔
مگر ایک ساتھ دو مراسلے نہیں لکھنے۔
پھر شروع ہوجائیے۔
ایک مسخرہ تھا، نام تو اس کا نہ جانے کیا تھا، مگر سب اسے اڑن شاہ کہہ کر بلاتے تھے۔

 

[محمد اسامہ سَرسَری]

ایک دن وہ بازار گیا سودا لینے کے لیے۔

 

[شعیب صفدر]

جب وہ بازار کے درمیان میں پہنچا تو اُسے یہ یاد آیا کہ سامان کی لسٹ گھر ہی بھول آیا ہے اور اُس ہی لسٹ میں سامان کے پیسے بھی تھے اب اُس کا ارادہ واپس گھر جا کر لسٹ لانے کا نہ تھا لہذا اُس نے سوچا کہ ایسا کی کیا جائے کہ سامان نہ بھی لو تو خالی ہاتھ گھر نہ جاؤ۔

 

[محمد اسامہ سَرسَری]

چنانچہ وہ اپنے ایک دوست کی کھلونوں کی دکان پر گیا مگر وہاں پہنچ کر معلوم ہوا کہ۔۔۔۔

 

[شمشاد]

نہیں پہلے یہ سُن لیں کہ اس کی پہچان اڑن شاہ کیونکر مشہور ہوئی۔ حالانکہ اس کا پیدائشی نام عبد اللہ تھا جو اس کے ماں باپ نے رکھا تھا۔

 

[محمد اسامہ سَرسَری]

اس لیے کہ وہ ہر بات کو مذاق میں اڑا دیتا تھا اور ۔۔۔۔۔

 

[شعیب صفدر]

اور ہر سنجیدہ سے سنجیدہ سی بات کو مزاح میں بدل کر موقعہ سے غائب ہو جاتا تھا۔ تو ہم بات کر رہے تھے کہ زپنے دوست کی دکان پہنچا تو

 

[سندس صغیر]

وہ دکان پر پہنچا اور وہاں سے سامان لے کر اڑن چھو ہونے لگا تھا۔ لیکن دکان دار نے کانوں سے پکڑ لیا

 

[بنت شبیر]

وہ چھوڑانے کی کوشش کرتا رہا آخر کار تنگ آکے اپنا کان ہی چھوڑ کے بھاگ گیا

 

[محمد اسامہ سَرسَری]

یہ صرف اس کا احساس تھا، وجہ یہ تھی کہ کان چھڑاتے وقت اسے اس قدر شدید تکلیف محسوس ہوئی کہ وہ سمجھا اس کا کان نکل گیا، حالانکہ کان نکلا نہیں تھا، مگر وہ بے چارہ یہ سمجھ کر کہ میرا ایک کان نکل چکا ہے، اب صرف ایک ہی کان رہ گیا ہے اور وہ نہ جانے کب تک صحیح کام کرتا رہے گا ، ممکن ہے کچھ دنوں بعد وہ دوسرا کان بھی خراب ہوجائے تو اسے تو پھر کچھ سنائی نہیں دے گا، بس یہی سوچ کر وہ ہلکان ہوتا رہا، اس نے یہ بھی ڈرتے ڈرتے سوچا کہ جب وہ بالکل سننے سے ہی محروم ہوجائے گا تو لوگ تو اسے نہ جانے کیا کچھ کہہ دیں گے اسے تو کچھ سنائی نہیں دے گا ، لہذا پہلے سے اپنے دفاع کے طور پر کچھ انتظام کرلینا چاہیے، یہ سوچ کر وہ ۔۔۔۔۔

 

[سندس صغیر]

وہ

 

[محمد علم اللہ]

روتے ہوئے حکیم صاحب کی دکان کی طرف چل دیا کہ انھیں سے پہلے بات کر لے ۔حکیم صاحب اڑن شاہ کے والد کے جگری دوست تھے ۔اور برابر اڑن شاہ کے گھر بھی آتے رہتے تھے۔

 

[محمد اسامہ سَرسَری]

مگر آج نہ جانے کیا بات تھی کہ انھوں نے بھی اڑن شاہ کو آڑے ہاتھوں لیا۔

 

[محمد علم اللہ]

جب اڑن شاہ نے انھیں پوری کہانی بتائی تو انھیں بے ساختہ ہنسی آگئی۔

 

[شمشاد]

اس کے ساتھ ہی انہوں نے اپنے سابقہ رویے پر باتوں ہی باتوں میں معذرت بھی کی۔

 

[محمد علم اللہ]

لیکن اسی دم ان کے دوست حکیم شبن میاں بھی ان کی دوکان میں آ گئے ۔اڑن شاہ پہلے ہی روہانسے منہ بنائے ہوئے تھے ۔

 

[بنت شبیر]

اور سوچا چلو جی اب ان کے سوالوں کے جواب بھی دینے پرے گئے

 

[محمد اسامہ سَرسَری]

جب اڑن شاہ نے انھیں پوری کہانی بتائی تو انھیں بے ساختہ ہنسی آگئی۔

اس کے ساتھ ہی انہوں نے اپنے سابقہ رویے پر باتوں ہی باتوں میں معذرت بھی کی۔

لیکن اسی دم ان کے دوست حکیم شبن میاں بھی ان کی دوکان میں آ گئے ۔اڑن شاہ پہلے ہی روہانسے منہ بنائے ہوئے تھے ۔

اور سوچا چلو جی اب ان کے سوالوں کے جواب بھی دینے پرے گئے

حکیم شبن میاں نے ایک ایسی بات پوچھی جسے سن کر اڑن شاہ کے ہوش اڑگئے۔

 

[شمشاد]

انہیں اپنے کیے پر اب پچھتاوا ہونے لگا اور وہ یہ سوچنے لگے کہ یہاں سے کس طرح رفوچکر ہوا جائے۔

 

[محمد علم اللہ]

کہ اچانک اسے ایک ترکیب سوجھی اور اس نے اپنے شرارتی ہونے کا ثبوت دوبارہ پیش کیا ۔ اڑن شاہ نے حکیم صاحب کی دوکان کے ایک کونے کی طرف اشارہ کرتے ہوئے چلایا سانپ سانپ حکیم صاحب جب تک اپنا ڈنڈا تلاش کرتے اڑن شاہ نو دو گیارہ اڑن چھو ہو گئے۔۔۔